MATEO 26:65 - Tepehuano Tepehuán del Sureste (Durango)

⁶⁵ Baꞌ gu Kaipaas xi saassa gu kutuunaꞌn na sap baꞌ bhaan jix maatɨꞌ kaꞌ na giilhim cham jir am gu puiꞌ nat jax jaꞌk tɨi gu Jesuus. Jup ja tɨtda baꞌ gu jaꞌtkam guiꞌ nam jɨꞌk miꞌp tuꞌiiꞌ: ―Dho jaña na jax kaiꞌch dhi maaꞌnkam. ¿Jarooch baꞌp ka nɨɨra na tu aaꞌndaꞌ na tuꞌ bhaan kuiñcha biaꞌ, na chich guꞌ dɨɨlh jich ñaanak kɨꞌn ba kai nat yaꞌ bam uaꞌtulh buiñor gu Dios? ¿Cham aa guꞌ giilhim jir uaꞌtulhdharaꞌ gu dhiꞌ puiꞌ nat jax jaꞌk tɨi?

MATEO 26:65 ပူးပေါင်းရင်းမြစ်များ

MATEO 9:3

Baꞌ jɨꞌkchi miꞌp tuꞌiiꞌ am ɨp guiꞌ nam sap jix mat kaꞌ gu ñioꞌkiꞌñ gu Dios, baꞌp jum aaꞌ am ja jujur am bhaan: “¿Jax baꞌ ɨlhdhat jup kaiꞌch? ¿Jaꞌxbuiꞌ aa sap tɨi gɇꞌkam jup xim ɨlhiiꞌñ na jax gu Dios?”

LUUKAS 5:21

Baꞌ guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ, jup jum aaꞌ am ja jujur am bhaan: “¿Jax baꞌm ɨlhdhat puiꞌ kaiꞌch dhi maaꞌnkam? ¿Dios aam ɨlhiiꞌñ? ¿Jax gi dhuip ba uañchudaꞌ gu uaꞌtulhdharaꞌ gu jaroiꞌ yaꞌ kam pu chuꞌm ɨp jix uaꞌtulhdhix kam? Dios dho gi jɨɨꞌ ji.”

JUAN 10:33

Baꞌ gu gɇꞌgɇrkam Israel kam jup kaiꞌch am: ―Jaꞌpji na chich jum kai nap maakam pɨx ba kaiꞌch nap tɨi tu aꞌga na jax jaꞌk cham kɨɨꞌ kaꞌm nɨiꞌñ gu Dios, nap puiꞌ kaiꞌch na pim saak gook dɨt maaꞌn iiꞌmdaꞌp duuk gu Dios. Na guꞌ dhiꞌ panaas puiꞌ kat pɨx bap jum kaiꞌch nap jaiꞌ Dios jup jum ɨlhiiꞌñ, sia kup jir jaꞌppɨx maaꞌnkam. Cham ji nach jum juandaꞌ gɨt siap jix bhaiꞌm duukam jup tu bua, dai noꞌp cham puiꞌ jaꞌk kaiꞌchdhaꞌ gɨt.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

GU NOONBIꞌÑ GUCH XOIꞌKAM 14:14

Guꞌ ji na guꞌ na mɨt paiꞌ dhuuk ba maat gu Bernabee gio gu Paablo, giilhim jix buam jum ɨlh jamɨt, baꞌ xi ja saassak jamɨt gu daam dɨr kam ja kuktun muiꞌ ji jii mɨt mɨjɨ jaꞌp ja saagiꞌñ gu jaꞌtkam, xi jiiñkidhat am jup kaiꞌchim am: