MATEO 26:52 - Tepehuano Tepehuán del Sureste (Durango)

⁵² Guꞌ ji nat guꞌ jotmodaꞌ sooꞌmchulh gu Jesuus, jup tɨtda: ―Puiꞌ pɨx ka tuiꞌkaꞌñ jaduuñ. Chaꞌp juandaꞌ. Xi ulhñaꞌ ap dhim kuxiir. Na guꞌ gu jaroiꞌ na pu chuꞌm kɨꞌn tu kokdadaꞌ, pu chuꞌm kɨꞌn jup muꞌaaꞌ am jia.

MATEO 26:52 ပူးပေါင်းရင်းမြစ်များ

MATEO 5:39

Baꞌ aañ yaꞌ pu jam tɨtda na cham jir am na pim puiꞌ bhaiꞌp gɨɨꞌbiaꞌ gu jaroiꞌ noꞌt jam gɨɨꞌ, guꞌ jaꞌpji na pim pɨx am jix bhaiꞌ tɨtdadaꞌ ji. Puiꞌ na jax noꞌt jum kaam am jum gɨɨꞌ, jaꞌp dɨr jap mu jaꞌk jup xi dhaaꞌñdhaꞌ ku bham gɨɨꞌbiaꞌ.

ROOMA KAM 12:19

Jiñ jaaduñ jich Xoiꞌkam bhaan, aañ pu jam tɨtda na pim cham tuꞌ puiꞌp buadaꞌ gu jaroiꞌ noꞌt tuꞌx buam jam duiñ. Gu Dios dɨɨlh jix maat na jax jaꞌk ja duñiaꞌ guiꞌ nam jix buam tu buadaꞌ, na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam, na jaꞌpni kaiꞌch gu Dios: “Dai aañ jix bhaaiꞌ nañ jaꞌk buidhaꞌ gu jaroiꞌ na buam jam doodaꞌ. Pu chuꞌm kɨꞌn jañ jaꞌk jup buidhaꞌ na jax chuꞌm kɨꞌn jix buam jam doodaꞌ.”

1 TESALOONIKA KAM 5:15

Chaꞌpim jaꞌk buppiꞌñdhaꞌ gu jaroiꞌ noꞌt jax jam alhio, siat chi moo jax jix buam jam alhio. Jaꞌkbuiꞌ kat ji na pim jix bhaiꞌ buadaꞌ sia jaroiꞌ na pɨx, sia ku cham tɨ jɨɨgiꞌñ buiñor guch Xoiꞌkam.

1 PEEGRO 3:9

Tu uañiꞌñkaꞌ pim gu jaroiꞌ noꞌt tuꞌ jax ma jam duiñ, cham tuꞌ na pim yaꞌ dɨr mu jaꞌk puiꞌp doodaꞌ. Sia noꞌt jaroiꞌ giilhim jam tɨɨꞌn na jax cham jir am, tu uañiꞌñkaꞌ pim sia, cham tuꞌ na pim moo puiꞌ giilhim muiꞌp tɨɨdaꞌ yaꞌ dɨr mu jaꞌk na jax cham jir am. Xi chu daañxiꞌñdhaꞌ pim pɨx buiñor gu Dios nax bhaiꞌ tu jimdaꞌ sia ku buam pɨx jam bua, na baꞌ jam aꞌm tɨ nɨidhidhaꞌ ɨp aapiꞌm gu Dios, na pim guꞌr jix bhabhaiꞌkam kaꞌ.

NAT JAX TƗ TƗƗ GU JUAN 13:10

“Bɨɨx guiꞌ nam jɨꞌk daaxix nam ja daꞌngɨi ja kuupaꞌ, puiꞌ ja doodaꞌ am, gio guiꞌ nam jɨꞌk jup daaxix nam tɇꞌtɇb kukxir kɨꞌn ja koodaꞌ, puiꞌm jup ja doodaꞌ, ba aagix am nam jaroiꞌ puiꞌ ja doodaꞌ. Dhiꞌ baꞌ bhaan matgilhiaꞌ na jaroiꞌ moo tuꞌ sɨlhkam bɨɨx juraaꞌn kɨꞌn jix biiñak buiñor gu Dios, noꞌm moo puiꞌ nam jax bax biiñak buiñor siam jax ja bua.”

NAT JAX TƗ TƗƗ GU JUAN 16:6

na mɨt guꞌ dhiꞌ gɇꞌkam kɨꞌn jum uaꞌtulh aap jum bui. Tɨɨꞌ na mɨt giilhim ja tulhiiñchudaimɨk ja koi guiꞌ nam jum bui tɨ jɨɨꞌñdhat gio guiꞌ nam jum aꞌmkam tu aꞌgimɨk bɨjɨk gum ñiꞌook. Xib jam baꞌ miꞌ xi aayaꞌ nam iꞌyaꞌ gu ɨꞌɨɨr nam baꞌ miꞌ xi machiaꞌ na jax tu tatdaꞌ gu puiꞌ na mɨt jax ja dooda guiꞌ nam jum kaichgɨt gio guiꞌ nam jum aꞌmkam tu aꞌgat. Puiꞌ dho tuꞌm ja aꞌm bipioꞌ.