MATEO 26:24 - Tepehuano Tepehuán del Sureste (Durango)

²⁴ Ku baꞌ guꞌ dhiꞌ na miꞌ pɨx puiꞌ ba jim ji na jax dhui pɨx puiꞌ jaꞌk tum kuugalhdhaꞌ na mɨt jax tu uaꞌnak guiꞌ nam bɨjɨk ya jaꞌp bhaankam tu aꞌgimɨk gu Dios nam aañ jiñ aagɨt jup kaiꞌchdhaꞌ nam saak puꞌñi bañ dhoodaꞌ aañ nañ xib bhaankam yaꞌ oirɨ guñ Gɨꞌkoraꞌ. Baꞌ guiꞌ na jaroiꞌ maaxik jiñ kɨɨsaꞌ, giilhim jum tulhiiñaꞌ. Jir am kat na moo pu cham jaiꞌch kaꞌ gɨt na baꞌ cham puꞌñim uaꞌtulhdhai bam tulhiiñaꞌ.

MATEO 26:24 ပူးပေါင်းရင်းမြစ်များ

MATEO 18:7

Jaꞌp moox buam iam ja bui gu jaꞌtkam, nam guꞌ gammɨjɨ jaiꞌch kaꞌ ja bui guiꞌ nam ja baidhidhaꞌ nam jix buam jum duukam jup tu duiñpuꞌ. Ku baꞌ guꞌ gu jaroiꞌ na puꞌñi ja baidhidhaꞌ gu jaꞌtkam nam jum uꞌuaꞌtulhdhapuꞌ, giilhim joiꞌmdam jum duñiaꞌ ji gatuuk na paiꞌ dhuuk tulhiiñchudaꞌ gu Dios.

MATEO 26:31

Guꞌ ji na guꞌ gama jaꞌk nam ba jiimchuꞌ, jup ja tɨtda gu Jesuus gu noonbiꞌñ: ―Jaꞌxñi tukaaꞌ pu bɨɨx ji boiꞌñgiaꞌ pim nam paiꞌ dhuuk jiñ dhagiaꞌ guiꞌ nam jiñ oꞌbhagiꞌñ nam tu chiñiaꞌ nam jiñ muꞌaaꞌ. Na guꞌ puiꞌ jaꞌk jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix na jaꞌpni muiꞌ jim kɨksa: “Muꞌaaꞌ iñ gu bipiaꞌdam, baꞌ gu kakasnir naiꞌ pɨx taꞌtak boopoyaꞌ am.”

MATEO 26:54

Guꞌ ji na guꞌ dhiꞌ miꞌ pɨx puiꞌ ba jim na jax dhui pɨx jum kuugalhdhaꞌ na mɨt jax jaꞌk tu uaꞌnak guiꞌ nam bɨjɨk bhaankam ya jaꞌp tu aꞌgimɨk gu Dios nam aañ jiñ aagɨt jup kaiꞌchdhaꞌ nam saak puꞌñi bañ dhoodaꞌ. Puiꞌ kuñ baꞌp jum tɨtda nap cham ja juandaꞌ dhiꞌ na mɨt yaꞌ bañ dhaa.

MATEO 26:56

Ku baꞌ guꞌ na guꞌ dhiꞌ miꞌ pɨx puiꞌ ba jim na jax dhuim kuugalhdhaꞌ gu puiꞌ na mɨt jax jaꞌk tu uaꞌnak guiꞌ nam bɨjɨk ya jaꞌp bhaankam tu aꞌgimɨk gu Dios nam aañ jix aagɨt jup kaiꞌchdhaꞌ na pim saak puꞌñiñ dhaagɨi tu chiñiaꞌ nam jiñ muꞌaaꞌ. Baꞌ gu noonbiꞌñ gu Jesuus dɨɨlh miꞌ xi buak pu jiboiꞌññor jamɨt.

MAARKOS 14:21

Jir am kat na pu cham jaiꞌch kaꞌ gɨt gu jaroiꞌ na maaxik jiñ kɨɨsaꞌ nam boiñ bhɨichdhaꞌ. Tɨix joiꞌgɨꞌñ iñ, na guꞌ giilhim jum tulhiiñaꞌ maaxik xiñ kɨɨsai. Ku baꞌ guꞌ dhiꞌ miꞌ pɨx puiꞌ ba jimdaꞌ ji, na bhaan pɨx jum kuugalhdhaꞌ na jax jum kaiꞌch mi uꞌuan taꞌm gu ñioꞌkiꞌñ gu Dios, na puꞌñi jaꞌk jiñ dhoodaꞌ am aañ nat bhañ joot.

MAARKOS 9:12

Baꞌp ja tɨtda: ―Jir puiꞌ dho, na guꞌ puiꞌm kaiꞌch mi uꞌuan taꞌm gu ñioꞌkiꞌñ gu Dios. Bɨɨpɨꞌ bha jimiaꞌ gu Eliiyas na baꞌ yaꞌ ba ja mattudaꞌ gu jaꞌtkam na bhaiꞌ ba jim guiꞌ na bha jootsaꞌ guñ Gɨꞌkoraꞌ. Dai ji na guꞌ giilhim jum tulhiiñaꞌ, jaꞌppɨx maaꞌnkam ɨlhdhaꞌ am gu jaꞌtkam, na guꞌ puiꞌ jaꞌk jup jum kaiꞌch mi uꞌuan taꞌm.

LUUKAS 22:22

na guꞌm aaꞌ nañ miꞌ puiꞌ bhɨɨyaꞌ nat jax kaiꞌñkam bhañ joot guñ Gɨꞌkoraꞌ. Tɨix joiꞌgɨꞌn iñ guiꞌ na maaxik jiñ kɨɨsaꞌ, na guꞌ cham bhaiꞌ tu jimiaꞌ na puiꞌñ dhoodaꞌ.

LUUKAS 24:46

Baꞌp ja tɨtda ɨp gio: ―Bɨɨx nam jɨꞌk aañ jiñ aagɨt jup kaiꞌch na mɨt tu uaꞌnak gu bɨjɨk dɨr kam, pu puiꞌ jaꞌk tu dai mɨt na aañ nañ bhaankam ya oirɨdaꞌ gu Dios dhi oiꞌñgaꞌn bhaan, jum aaꞌ nañ puꞌñi muukɨi giop dodhiaꞌ baik tanoolh kɨꞌn na ñich jax bañ dhuu baꞌ.

JUAN 17:12

Na guꞌ aañ nañ jɨꞌx ja bɨɨm oilhimɨk, siamri cham tuꞌ maaꞌn jiñ ñakgak maiꞌ gɨi ji, nañ guꞌx bhaiꞌ ja nuukdaidhat gam nañ ja palhbuiꞌñchuꞌndat bɨɨx aixim bhaan. Dai dho siamri guiꞌ na maaxik jiñ kɨɨsaꞌ nam boiñ bhɨichdhaꞌ na baꞌ maiꞌ ba gɨɨxix, na jax pu pu chuꞌm kɨꞌn daaxix na baꞌ bhaan jum kuugalhdhaꞌ nat jax tum uaꞌnak bɨjɨk nam dhiꞌ aagat jup kaiꞌch.

JUAN 19:24

Baꞌp jum tɨ tɨtda am: ―Cham jach saasasdaꞌ, jaꞌpji nach jich mamaiꞌchiaꞌ, ea jaroiꞌx pɨk bhaan ji biꞌyaꞌ. Baꞌ dhiꞌ bhaan puiꞌ ji chum kuugalh nat jax tum uaꞌnak bɨjɨk nap jum kaiꞌch: “Aꞌlhiok jamɨt xi chu uꞌuuk guñ jajannulh, gio gu tɇb jiñ kutuun jamɨt xim mamaiꞌchɨk xi bhɨɨk.” Puiꞌ mɨt dho tu dooda gu sandaaruiꞌx na jɨꞌk jax jum kaiꞌch.

JUAN 19:28

Baꞌ miꞌ dhɨr na guꞌx maat gu Jesuus nat bɨɨx puiꞌ ba tum kuugalh nat jɨꞌk jax tum uaꞌnak bɨjɨk, maaꞌn kap pɨx ba bii na puiꞌ tum kuugalhdhaꞌ, baꞌp kaiꞌch: ―Tɨix chanoom iñ.

GU NOONBIꞌÑ GUCH XOIꞌKAM 2:23

Guꞌ ji na pimɨt guꞌ pu dooda nat jax jaꞌk tɨꞌɨɨk gu Dios bɨjɨk na pim saak puꞌñi ba tu chiñiaꞌ nam muꞌaaꞌ guch Xoiꞌkam. Puiꞌ ku pimɨt baꞌ daagɨk ja chia nam kuruus taꞌm sissapaꞌ guiꞌ nam cham tuꞌ kaꞌm tɨ nɨiꞌñ gu jaꞌtkam.

GU NOONBIꞌÑ GUCH XOIꞌKAM 28:23

Baꞌ ba tu dai mɨt nam paiꞌ dhuuk bhaiꞌp tuiꞌkaꞌ. Baꞌ nat paiꞌ dhuuk jum ai, muiꞌ bhaiꞌ bam jumaap jamɨt, baꞌ bhaiꞌ ji chu ja aꞌgi gu Paablo kabuimuk dɨr pu naiꞌ ji jur. Baꞌ miꞌ bhaan tu ja aꞌgidhimɨk miꞌ nat paiꞌ tu uaꞌnak gu Moisees gio baꞌ miꞌ na mɨt paiꞌp tu uaꞌnak guiꞌ nam puiꞌ bɨjɨk bhaankamuꞌn jup tu aꞌgimɨk gu Dios nam sap baꞌx maatɨt kɇɇji ba tɨ jɨɨꞌñdhaꞌ buiñor gu Jesuus.

GU NOONBIꞌÑ GUCH XOIꞌKAM 4:28

Baꞌ dhiꞌ puꞌñi jaꞌk dooda mɨt nap jax puiꞌ pu ba kaiꞌchdhaꞌ bɨjɨk paiꞌ dhuuk dɨr na saak gatuuk puꞌñi jaꞌk ba tum kuugalhdhaꞌ.

1 KORIINTO KAM 15:3

Janoꞌ na ñich jax kiaꞌpɨx bhammɨ tu jam aꞌgi aapiꞌm jiñ jaaduñ, dhiꞌ pɨx jañich jup jam aaꞌñ na ñich aañ jax chuꞌm jup tu maat. Jaꞌpniñ jam tɨtda nat guch Xoiꞌkam jich aꞌmkam muu kɨꞌn guch uaꞌtulhdharaꞌ. Baꞌ jaꞌpni tu uaꞌñix maaꞌn kap na mɨt paiꞌ tu uaꞌnak gu bɨjɨk dɨr kam