MATEO 25:6 - Tepehuano Tepehuán del Sureste (Durango)

⁶ Nammɨx ioꞌm ɨraab tukaaꞌ nat baꞌ puiꞌ ba tɨm tɨi, jup tum kaiꞌch: “Xib baꞌ bhaiꞌ ba jim gu biapmaꞌ guiꞌ na yaꞌm tɨɨmoꞌ. Muiꞌ gor xi ñamkibop.”

MATEO 25:6 ပူးပေါင်းရင်းမြစ်များ

MATEO 24:31

Miꞌ dhɨr baꞌ dai na gɇꞌ kɨꞌn ba tum kuichdhaꞌ, baꞌ aañ jotmodaꞌ naiꞌ ja jootsaꞌ gu noonbiꞌñ guñ Gɨꞌkoraꞌ mu jaꞌp na jɨꞌx jir oiꞌñgaꞌn na jɨꞌx juugɨt juꞌ kam tuꞌiiꞌ dhix dhaam, nam baꞌ bɨɨx maap ja jumpadaꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui.

MATEO 24:44

Baꞌ puꞌñi ɨp aapiꞌm, jum aaꞌ na pim gammɨjɨ cham kooksɨt darkaꞌ, na guꞌ aañ nañ xib bhaankam yaꞌ oirɨ guñ Gɨꞌkoraꞌ, puꞌñiñ jotmodaꞌ pɨx yaꞌ ba aayaꞌ na pim paiꞌ dhuuk cham ɨlhiiꞌñdhaꞌ.

MATEO 25:1

’Baꞌ noꞌ ja aꞌm ba tɨ nɨidhim gu Dios gu jaꞌtkam, jaꞌp ji buusan na jax jɨꞌk mambhɨɨx gu tɨtɨɨya noꞌ mɨt xi chɨ bɨꞌñdhak miꞌ paiꞌ dhɨr gamaiꞌ ji jii, noꞌ mɨt ba namkim maaꞌn gu biapmaꞌ na miꞌ aayaꞌ na miꞌm tɨɨmoꞌ.

MATEO 25:31

Miꞌ dhɨr baꞌ moo jaꞌpni bhaiꞌp ji chu ja aꞌgi ɨp gio gu Jesuus gu jaꞌtkam, jup ja tɨtda: ―Baꞌ aañ nañ xib bhaankam yaꞌ oirɨ guñ Gɨꞌkoraꞌ, janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan ja bɨɨm gu noonbiꞌñ guñ Gɨꞌkoraꞌ, joidham mɨk jaꞌp tum tonnichuꞌndaꞌ. Miꞌ dhɨr baꞌ dai nañ bhaiꞌ ba daibuꞌ bhaiꞌ nañ paiꞌ dhɨr naiꞌr gɇꞌkam kaꞌ, na paiꞌ joidham jix chu abhaar.

MATEO 25:5

Guꞌ baꞌ nat guꞌ cham ob miꞌp ji ai gu biapmaꞌ guiꞌ na miꞌm tɨɨmoꞌ, miꞌ puiꞌ ma kookoi mɨt gu tɨtɨɨya nam tɨi tɨ nɨɨra.

MATEO 25:7

Baꞌ gu tɨtɨɨya jotmodaꞌ na mɨt jax baapam jix bhaiꞌ ba ja duu mɨt guiꞌ nam kɨꞌn tɨ bɨꞌñdhatuꞌ.

LUUKAS 12:20

Baꞌ na miꞌ puiꞌ kam aaꞌ gu maaꞌnkam, jup tɨtda gu Dios: “Joidham tɨi tɨ ɨlhiiꞌñ ap jia. ¿Jaroo baꞌ bhaan ji chu biꞌyaꞌ dhiꞌ nap tuꞌ bhaan tu aꞌga? Nap guꞌ aap jaꞌxñi tukaaꞌ cham tuꞌ ka duakaꞌ. Cham jum jur biaꞌ ap kup baꞌp kaiꞌch.”

LUUKAS 12:46

Na paiꞌ dhuuk miꞌ pɨx ba kɨɨkaꞌ gu gɇꞌkam tugiꞌñ na cham pum aaꞌndaꞌ, giilhim dhox ioꞌm tulhiiñchudaꞌ bhaamui, jaꞌxbuiꞌ puiꞌp tulhiiñchudaꞌ na jax guiꞌ nam cham jɨꞌx tuꞌ kaꞌm tɨ nɨiꞌñdhaꞌ.

1 TESALOONIKA KAM 4:16

Na guꞌ janoꞌ na paiꞌ dhuuk jum aayaꞌ gu tanoolh, bhammɨ dɨr puiꞌ ba tɨm tɨꞌyaꞌx gɨꞌm kɨꞌn gio gɇꞌ kɨꞌn. Sia gu ja gɇꞌkam tuk bɨɨx gu noonbiꞌñ gu Dios gɇꞌ kɨꞌn puiꞌp ba tɨꞌyaꞌ, gio gu Dios gu kuichdhakaruꞌn bam kuichdhaꞌ. Baꞌ guch Xoiꞌkam nar Gɇꞌkam bhammɨ dɨr bhaiꞌ ji jimiaꞌ jix dhaam, baꞌ guiꞌ nam jɨꞌk buiñor tɨ jɨɨꞌñdhai koꞌiix kaꞌ, bɨɨpɨꞌ duduadɨi bhaiꞌ ji baapmigiaꞌ am.

2 PEEGRO 3:10

Ku baꞌ guꞌ na paiꞌ dhuuk jum aayaꞌ na bha jimdaꞌ gu Gɇꞌkam jich Xoiꞌkam, yaꞌ pɨx ji na ba kɨɨkaꞌ cham jum ɨlhdham, cham jaroiꞌ mat kaꞌ na jax chuꞌm tanoolh. Jaꞌpni na jax baꞌ gu jax chuꞌm jix ɨxkum noꞌ paiꞌ bax chɨ ɨɨxdham baꞌk chɨr na guꞌ pu cham aagiꞌñdhaꞌ gu mi kiokam, miꞌ pɨx ba bakiaꞌx xɨꞌlhim. Puꞌñi jaꞌk jup ji buusniaꞌ guch Xoiꞌkam na paiꞌ dhuuk bha jimdaꞌ, dai na jotmodaꞌ pɨx giilhim ba tɨm tɨꞌyaꞌ. Baꞌ pu cham paiꞌ matgilhiaꞌ dhix dhaam, gio gu chiichiaꞌ bhaiꞌ naiꞌ ji mɨɨyaꞌ gam guiꞌ na jɨꞌk tuꞌ bha jaꞌp tu daraa. Gio dhi oiꞌñgaꞌn bɨɨx pu mɨɨyaꞌ maaꞌn jimdam bɨnkam gu tuꞌ na yaꞌx chu jaiꞌch, na guꞌ janoꞌ bar bhaan kaꞌ na paiꞌ dhuuk ja aagiꞌñdhaꞌ gu Dios gu jaꞌtkam nam tuꞌ jax buimɨi nam duduakat ja tutkuꞌ bhaan.

NAT JAX TƗ TƗƗ GU JUAN 16:15

Baꞌ aapiꞌm jiñ jaaduñ na pim ba kaichuꞌ guch Xoiꞌkam, chaꞌpim jax jum aaꞌndaꞌ sia jax tum bua, na guꞌp kaiꞌch guch Xoiꞌkam: “Jaꞌp moo joidham jix bhaiꞌ tu jimiaꞌ gu jaroiꞌ noꞌ gammɨjɨ pu tɨ jɨɨgiꞌñ aañ jiñ bui, ni na cham paiꞌ dhuuk koosɨt daakaꞌ. Na guꞌ noꞌ cham tuꞌp jum buixdhat am ɨrdat daa, jaꞌp ji buusandaꞌ nax dhaapkat oirɨdaꞌ, baꞌ giilhim jix xiꞌɨraaꞌ nañ paiꞌ dhuuk mu jimdaꞌ. Guꞌ cham ji noꞌ guꞌ gammɨjɨ soiꞌm ɨlhiiꞌñ, jaꞌp ji buusandaꞌ ji na tɨm tɨꞌiiꞌñkaꞌ, baꞌ cham xiꞌɨraam jum ɨlhdhaꞌ nañ paiꞌ dhuuk mu aayaꞌ. Nañ guꞌ aañ jotmodaꞌ miꞌ pɨx ba kɨɨkaꞌ cham jum ɨlhdham, jaꞌp na jax gu ɨxkum noꞌ paiꞌ bax chɨ ɨɨxdham jax chuꞌm baꞌk chɨr, na guꞌ jotmodaꞌ pɨx mu jimɨi mi bakiaꞌ, pu cham mat kaꞌ gu kiokam na jax chuꞌm tukaaꞌ mu jim.”