MATEO 25:5 - Tepehuano Tepehuán del Sureste (Durango)

⁵ Guꞌ baꞌ nat guꞌ cham ob miꞌp ji ai gu biapmaꞌ guiꞌ na miꞌm tɨɨmoꞌ, miꞌ puiꞌ ma kookoi mɨt gu tɨtɨɨya nam tɨi tɨ nɨɨra.

MATEO 25:5 ပူးပေါင်းရင်းမြစ်များ

MATEO 24:48

Guꞌ ji noꞌ guꞌ dhiꞌ dhi tujuandam buam pɨx tomaat na jax cham jir am, noꞌ guꞌ jax jum aaꞌ na cham ob miꞌ aayaꞌ gu gɇꞌkam tugiꞌñ,

MATEO 25:19

’Baꞌ mɨkkat jix ioꞌm muiꞌ jurniꞌñ kɨꞌn gio miꞌp ba ai gu ja gɇꞌkam tuk dhiꞌ dhi tujuandam, baꞌ giop ba tu ja joochxi nam sap mu uaꞌtulhiꞌñdhaꞌ gu tumñigaꞌn na baꞌ tu jaꞌkɨlhdhaꞌ na mɨt jɨꞌk miꞌ ba buusaiꞌ nam kɨꞌn tu juan.

MATEO 25:4

Guꞌ baꞌ guiꞌ nam jɨꞌk jix chu mamatdaꞌ kaꞌ gu tɨtɨɨya, dhiꞌ dho gi guꞌ jaiꞌp xi chuꞌaak jamɨt ji guiꞌ nam mi ja toiꞌdhaꞌ noꞌt ba ji chutkɨ guiꞌ nam kɨꞌn tɨ bɨꞌñdhatuꞌ, gio baꞌ jaiꞌ na miꞌ pu jimchuꞌ.

MATEO 25:6

Nammɨx ioꞌm ɨraab tukaaꞌ nat baꞌ puiꞌ ba tɨm tɨi, jup tum kaiꞌch: “Xib baꞌ bhaiꞌ ba jim gu biapmaꞌ guiꞌ na yaꞌm tɨɨmoꞌ. Muiꞌ gor xi ñamkibop.”

MATEO 26:40

Baꞌ daipuꞌ puꞌñi jaꞌk xi chu daanɨk ba jii ɨp gio gu Jesuus mu jaꞌk nam paiꞌ pup dar gu noonbiꞌñ. Baꞌ nat mu ba ai, kookos am. Baꞌp tɨtda gu Peegro: ―¿Moo cham bhaaiꞌ aa na pim tɨ nɨiꞌñdhaꞌ sia jɨꞌx juugɨt na ñich jam chianɨk na pim jaiꞌ xi chu daandaꞌ jaꞌp na jax aañ?

MATEO 26:43

Baꞌ daipuꞌ nat puꞌñi jaꞌk xi chu daanɨk giop ba jii mu jaꞌk nam paiꞌ pup daraa gu noonbiꞌñ. Baꞌ maaꞌn nam jax kookos nat gio miꞌp ba ai, na guꞌ giilhim jix buam tu tatdaꞌ nam jix kookxik.

LUUKAS 1:21

Guꞌ baꞌ gu jaꞌtkam guiꞌ nam baas dɨr jaꞌp jup ka tu daanɨt, tɨi pɨx gan bam juan am na cham paiꞌ dhɨr ka buusnim gu Sakariiyas. Tɨi bam tɨ tɨkka am na sap jax kut baꞌ ba mɨɨkim.

LUUKAS 12:45

Guꞌ ji noꞌt guꞌ gu tujuandam jax jim aa nat paiꞌ dhuuk jii gu gɇꞌkam tugiꞌñ: “Kapbhaiꞌ nat mɨk ka jii gu gɇꞌkam, aañ yaꞌ xi chu koiꞌmɨi nañ jɨꞌx ɨlhiiꞌñ, xi maimukimɨi iñ, xi ja gɨbichpagai iñ dhi oiꞌñkam gio dhiñ bɨɨm tuutuꞌm tujuandam nam ya oipo, gammɨjɨ bɨɨx aixim nañ jax ɨlhiiꞌñ jañ puiꞌ xi chu buimɨi.” Baꞌ puiꞌp ji chu duu gammɨjɨ bɨɨx aixim nat jax ɨlh.

LUUKAS 18:8

Matgɨm moo janoꞌ ji na jam palhbuidhaꞌ, cham tuꞌ na guꞌ mɨɨkidhaꞌ, aañ moo yaꞌ pu jam tɨtda. ¿Siamriñ chi baꞌ gio yaꞌp ja tɨgiaꞌ aa gu jaꞌtkam dhi oiꞌñgaꞌn bhaan nam jiñ bui tɨ jɨɨgiꞌñdhaꞌ janoꞌ nañ gio bhaiꞌp jimdaꞌ?

LUUKAS 20:9

Baꞌ gu Jesuus muiꞌ ji chu ja aꞌgi bɨɨx gu jaꞌtkam bhaan xi chu uaꞌrgidhak na tuꞌ jax jum buadaꞌ yaꞌ dhi oiꞌñgaꞌn nam sap baꞌx maatɨt kaayaꞌ. Jup ja tɨtda: ―Maaꞌnnim maaꞌn gu maaꞌnkam xi chu darsak gu uubas mɨk jaꞌk pu bhɨi, dai gu tujuandam jɨꞌk miꞌ xi ja doꞌñchok nam miꞌx bhaiꞌ buixiꞌñdhaꞌ gu ɨꞌxiꞌñ.

ROOMA KAM 13:11

Jix ja joiꞌmdat japim jix bhaiꞌ xi ja buadaꞌ gu jaꞌtkam, nat guꞌ xib jix ioꞌm ba miamrɨ na paiꞌ dhuuk bach baidhikaꞌ guch Xoiꞌkam nach buiñor bap tuiꞌkaꞌ, cham tuꞌ puiꞌ na jax janoꞌ na chich jax kiaꞌpɨx buiñor tɨ jɨɨꞌñ na mɨt paiꞌ dhuuk tuch aꞌgi gux bhaiꞌm kaiꞌchdham ñiꞌook. Jum aaꞌ baꞌ na pim jix bhaiꞌ xi ñiññiai xib miꞌ puiꞌ xi chu duñiaꞌ na jax jix aaꞌ gu Dios.

EEPESO KAM 5:14

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Gor xi ñiññia, chaꞌpim ka kookos kaꞌ. Xi baapmigiaꞌ pim miꞌ dhɨr koiꞌñgaꞌn tɨr na baꞌ jam bɨꞌñxidhaꞌ guch Xoiꞌkam.

1 PEEGRO 5:8

Moo pim alh jix bhaiꞌñ jaaduñ, chaꞌpim am ɨrdat darkaꞌ. Tu daandaꞌ pim buiñor gu Dios, chaꞌpim kooksɨt darkaꞌ, na baꞌ cham jax jam doodaꞌ gu jaꞌook. Na guꞌ giilhim xi jam bhaamkiꞌñ na pim ba kaichuꞌ guch Xoiꞌkam, giilhim naiꞌ mɨmra na tu gaꞌnga noꞌ jaroiꞌ paiꞌ am ɨrdat daa, na baꞌ miꞌ pu xi maiꞌchɨi maakam jaꞌk bhɨichdhaꞌ na paiꞌ jaꞌk maiꞌx chɨ gɨɨxiꞌ. Na guꞌ guiꞌ jaꞌp ji buusan na jax gu mabiiꞌñ noꞌ giilhim bax bhioꞌ na gɇꞌ kɨꞌn jɨɨrkɨt naiꞌ tɨ nɨiꞌñdhaꞌ.

NAT JAX TƗ TƗƗ GU JUAN 2:25

Dai nañ jam guguuxiꞌñ na pim cham mɨk buppat gammɨjɨ tɨ jɨɨgiꞌñdhaꞌ aañ jiñ bui janoꞌ juugɨt nañ paiꞌ dhuuk gio bhaiꞌp jimdaꞌ.