MATEO 25:41 - Tepehuano Tepehuán del Sureste (Durango)

⁴¹ ’Guꞌ baꞌ guiꞌ nam oꞌnsop dɨr jaꞌk jup guꞌkuyaꞌ jup ja tɨɨdaꞌ iñ ɨp: “Baꞌ aapiꞌm na pim cham tuꞌ kaꞌm tɨ nɨiꞌñ, na pim cham tu joiꞌgɨꞌn, mu pim jimiaꞌ mu na paiꞌ gammɨjɨ cham tutkɨ gu tai, miꞌ na mɨt paiꞌp duiñ gu jaꞌook na baꞌ miꞌm tulhiiñaꞌ ja bɨɨm gu noonbiꞌñ jix ioꞌm, ja bɨɨm baꞌ aapiꞌm na pim cham tuꞌ kaꞌm tɨ nɨiꞌñ.

MATEO 25:41 ပူးပေါင်းရင်းမြစ်များ

2 PEEGRO 2:4

Jaꞌpni nat jax ja doodaꞌ janoꞌ gu noonbiꞌñ na mɨt jum uaꞌtulh buiñor. Tɨɨꞌ nat moo janoꞌ tu chia nam ja daꞌngɨi ja buuprai mu jaꞌk xi ja iabuꞌ na paiꞌr tu tulhiiñaraꞌ, na giilhim jir jix chukgam kɨr, cham tuꞌ nat paiꞌp tu ja uañ na mɨt jum uaꞌtulh buiñor. Xib dho guꞌ dai nam pɨx am tɨ nɨɨr janoꞌ nam paiꞌ dhuuk bhammɨ aayaꞌx dhaam na paiꞌ ja aagiꞌñdhaꞌ guch Xoiꞌkam na mɨt tuꞌ bhaan jum uaꞌtulh nam baꞌ bam tulhiiñ.

2 TESALOONIKA KAM 1:9

Dhiꞌ pu chuꞌm gu jaꞌtkam, cham paiꞌ bhaiꞌ paiꞌ miaꞌn aayaꞌ am na paiꞌ dhɨr jix ioꞌm jir gɇꞌkam gu Dios, mɨk jaꞌk pu ja iabuꞌ paiꞌ nam jaꞌk gammɨjɨ miꞌ pup jum tulhiiñdhaꞌ.

MATEO 13:42

Miꞌ dhɨr baꞌ dai nam mu jaꞌk xi ja iabuꞌ na paiꞌ gammɨjɨ cham tutkɨ gu tai, baꞌ miꞌ pu tɨi suandaꞌ am gammɨjɨ na giilhim tɨix buam tu tatdaꞌkaꞌ na ja mɨidhidhaꞌ gu tai.

MATEO 13:40

Baꞌ puiꞌ na jax gu saiꞌ nam maap xi jumpadai bhaiꞌ xi kɨɨxdhaꞌ gu tai, puꞌñi jaꞌk jup tum duñiaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan.

JUAN 8:44

Na guꞌ aapiꞌm jaꞌook jir jam taat, jaꞌp moo gu tuꞌx matgam, puiꞌ ku pim baꞌ mu jaꞌk kaichgɨt puiꞌp tu buim na jax jam tɨɨdaim. Na guꞌ gu jaꞌook bɨjɨk dɨr pur tu muaꞌkam nat dɨr maaxir, cham paiꞌ dhuuk miꞌ puiꞌ jim na jax jir am, gam na giilhim jix iatbiꞌ tuꞌ na pɨx bhaan. Cham paiꞌ dhuuk sɨlhkam tu aꞌga, dhiꞌr maꞌooꞌn gu iatdaꞌ.

MATEO 7:23

Baꞌ aañ yaꞌ dɨr mu jaꞌk jup ja tɨɨdaꞌ: “Chaam ji nañ jam maat. Mu pim baas oipodaꞌ, na pim guꞌ cham tuꞌ kaꞌm tɨ nɨiꞌñ.”

MATEO 3:12

Baꞌ na paiꞌ dhuuk bha jimdaꞌ, pu uaꞌkaꞌ guiꞌ na kɨꞌn jɨlhbidhaꞌ gu tiriik, baꞌ xi kɨɨꞌmpigai dai ba ulhñaꞌ guiꞌ na jɨꞌk jix kɨɨꞌ, gu tanaaraꞌ baꞌ mu jaꞌk xi ñuꞌaaꞌ na paiꞌ cham jɨꞌxkat tuutkɨ gu tai.

ISRAEL KAM 6:8

Guꞌ ji noꞌ guꞌ dai gu tuꞌx bii uꞌuux jix joꞌiiꞌ mix joiꞌñ na cham tuꞌr jix kɨɨꞌ saiꞌ, dhiꞌ dho gi guꞌ cham tuꞌx kɨɨꞌ dɨbɨɨr kaꞌ ji. Baꞌ gu jaroiꞌ noꞌ puꞌñi pɨx jaꞌk ji buusan, am tɨꞌñchokaꞌ nam mu buaꞌ tai chɨr.

MATEO 13:50

Miꞌ dhɨr baꞌ dai nam mu jaꞌk xi ja iabuꞌ na paiꞌ gammɨjɨ cham tutkɨ gu tai, baꞌ miꞌ pu tɨi suandaꞌ am gammɨjɨ na giilhim jix buam tu tatdaꞌkaꞌ na ja mɨidhidhaꞌ gu tai.

1 JUAN 3:10

Pux bhaiꞌx maatɨꞌ kaꞌ jia nam jax jaꞌk tu jimdaꞌ guiꞌ nam sɨlhkam jir maamraꞌn kaꞌ gu Dios gio guiꞌ nam jup jir maamraꞌn gu jaꞌook. Puiꞌ na jax guiꞌ nam bɨɨx aixim tu buadaꞌ na jax cham jir am, na jax cham kɨɨꞌ kaꞌm nɨiꞌñ gu Dios, gio nam jix ja bhaamkiꞌñdhaꞌ gu jaiꞌch Xoiꞌkam jɨɨgiꞌñdham, dhiꞌ cham tuꞌ Dios jir maamraꞌn kaꞌ am, guiꞌ ji jaꞌook.

LUUKAS 16:24

Baꞌp kaiꞌch gɇꞌ kɨꞌn: “Jiñ boxii Abraam, iam xiñ palhbuiꞌñ nañ yaꞌñ chulhiiñ tai chɨr. Xi chiñiaꞌ ap dhi Laasar na iam xi bargidhai gu deeꞌn gaꞌn bhañ juulhdharaꞌñ ñɨɨn am. Giilhim jix buam tu tatdaꞌ nañ jix chanoom.”

LUUKAS 13:27

Baꞌp jam tɨɨdaꞌ ɨp gio: “Jax dhui nañ guꞌ ba jam aagiꞌñ nañ cham jam maat na pim jir jaroiꞌ dhaꞌ. Chaꞌpim bha jaꞌk miaꞌn aꞌjɨdaꞌ, na pim guꞌ cham jir kɨkɨɨꞌ jaꞌtkam.”

MATEO 25:46

Baꞌ bɨɨx dhiꞌ nam jɨꞌk puꞌñi buam pɨx tomaat kaꞌ, mu jaꞌk bhɨɨyaꞌ am na paiꞌ gammɨjɨ cham tutkɨ gu tai, miꞌ nam paiꞌ pup jum tulhiiñdhaꞌ gammɨjɨ. Guꞌ baꞌ guiꞌ nam jɨꞌk jup jir jix bhabhaiꞌkam, mu jaꞌk jup bɨɨyaꞌ am nam paiꞌ joidham gammɨjɨ jix bhaiꞌ bam taat kaꞌ.

MATEO 18:8

’Guꞌ baꞌ noꞌp guꞌ aap gum nob kɨꞌn jum uaꞌtulhiꞌñ piam gum toon kɨꞌn, jix bhaiꞌ nap ɨɨkɨi mu baas buaꞌ nap baꞌ cham gammɨjɨ kɨꞌn pup jum uaꞌtulhiꞌñdhaꞌ, cham jax bua sia kup maap dɨr cham tu nobtuꞌ piam kup cham tu toontuꞌ nap paiꞌ dhuuk ba aayaꞌ jix dhaam. Na guꞌ xiꞌ cham jir am noꞌ mɨt guꞌ bɨnkam mu jaꞌk xim bua na paiꞌ gammɨjɨ cham tutkɨ gu tai nap miꞌ pup jum tulhiiñdhaꞌ gammɨjɨ, sia kup bɨɨx gook tɨi xi chu noonobtuꞌ piam kup bɨɨx gook tɨi tu tootontuꞌ.

MATEO 5:22

Baꞌ aañ yaꞌ pu jam tɨtda na sia ji nar uaꞌtulhdharaꞌ gu jaroiꞌ noꞌx bhaam pɨx buiñor gu jax chuꞌm jaꞌnniꞌñ, piam noꞌ giilhim tɨtda na jax cham jir am. Puiꞌ pɨx bax bhaaiꞌ nam daagɨi mu bhɨikaꞌ buiñor gu jax chuꞌm gɇꞌkam nam baꞌ miꞌ maap jum jumpadai tu aꞌgidhaꞌ. Piam noꞌx bhaamut jax tɨtda gu jaꞌnniꞌñ na cham juraaꞌn biaꞌ, dho guꞌ pu jimiaꞌ dho mu jaꞌk na paiꞌ gammɨjɨ miꞌ pup jum tulhiiñdhaꞌ.

MATEO 4:10

Guꞌ ji na guꞌp tɨtda pɨx gu Jesuus: ―Mu bi jim jaꞌook. Chaꞌp tuꞌ kɨꞌn kañ juandaꞌ. Na guꞌp jum kaiꞌch ɨp miꞌ na paiꞌ tu uaꞌñix gu ñioꞌkiꞌñ gu Dios na jaꞌpni muiꞌ jim kɨksa: “Xi chu daanɨt ap buiñor gu Dios guiꞌ nar gɇꞌkam. Baꞌ dai guiꞌ buiñor jap pɨx tu daandaꞌ, cham tuꞌ jumai buiñor ɨp.”

MATEO 25:42

Na pimɨt guꞌ cham tuñ onbaiꞌ janoꞌ nañ paiꞌ dhuuk tɨi ba uamaim, gio na pimɨt cham jiñ choiꞌ gu suudaiꞌ janoꞌ nañ paiꞌ dhuuk tɨi ba tonmoim,

2 TESALOONIKA KAM 1:7

Aapiꞌm baꞌ dai na jam jɨjɨkgɨtdai ba jam jɨɨpdhatdaꞌ na pim jum tulhiiñ, sia puiꞌ na jax aach. Dhiꞌ janoꞌ puiꞌ jaꞌk tum duñiaꞌ na gu Gɇꞌkam jich Xoiꞌkam gio bhaiꞌp jimdaꞌ ja bɨɨm gu noonbiꞌñ gu Dios nam bɨxchuꞌx bhaaiꞌ nam pu tu duñiaꞌ, gɇꞌ tonnichgɨdaꞌ jaꞌp na gu tai noꞌ paiꞌ gɇꞌ mɨim na bhaiꞌ ba jimdaꞌ jix dhaam dɨr.