MATEO 24:31 - Tepehuano Tepehuán del Sureste (Durango)

³¹ Miꞌ dhɨr baꞌ dai na gɇꞌ kɨꞌn ba tum kuichdhaꞌ, baꞌ aañ jotmodaꞌ naiꞌ ja jootsaꞌ gu noonbiꞌñ guñ Gɨꞌkoraꞌ mu jaꞌp na jɨꞌx jir oiꞌñgaꞌn na jɨꞌx juugɨt juꞌ kam tuꞌiiꞌ dhix dhaam, nam baꞌ bɨɨx maap ja jumpadaꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui.

MATEO 24:31 ပူးပေါင်းရင်းမြစ်များ

MATEO 13:41

Baꞌ aañ nat bhañ joot guñ Gɨꞌkoraꞌ, naiꞌ ja jootsaꞌ iñ gu noonbiꞌñ nam maap ja jumpadaꞌ guiꞌ nam jɨꞌk ja chiandaꞌ gu jaiꞌ jaꞌtkam nam pu tu duñiaꞌ gu tuꞌ nar jix buam jum duukam, gio baꞌ bɨɨx nam jɨꞌk jix buam tu buadaꞌ.

MATEO 24:22

Nat guꞌ moo pu puiꞌ tɨi ɨp gu Dios na sap janoꞌ na paiꞌ dhuuk ba ji chum kuugalhdhaꞌ, cham tuꞌ mɨk jir tulhiiñaraꞌ kaꞌ, na guꞌx ja joiꞌgɨꞌn guiꞌ nam jɨꞌk tɨ jɨɨgiꞌñdhaꞌ buiñor, puiꞌ ku baꞌ cham aaꞌ nam mɨk yaꞌ oipot giilhim jum tulhiiñdhaꞌ. Na guꞌ noꞌ cham tu daasaꞌ gɨt na jɨꞌx juugɨt jir tulhiiñaraꞌ kaꞌ, pu bɨɨx jam dho gɨt koꞌyaꞌ, na guꞌ cham jaroiꞌ nakooꞌ na giilhim jum tulhiiñaꞌ.

MATEO 24:24

Nam guꞌ kaiꞌñkam muiꞌ ka jaiꞌchdhɨlhiaꞌ jia guiꞌ nam sap pɨk baꞌ Dios bhaankamuꞌn jup xi chu aꞌgidhaꞌ. Baꞌ puiꞌx bhaiꞌp xi chu buidhaꞌ am guiꞌ na tuꞌr jix kɨɨꞌp jum duukam kaꞌ, guꞌ nam jax dhui pɨx ja iatgidhaꞌ ji gu jaꞌtkam, sia ji guꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui, jaiꞌ dhɨt mu jaꞌk jup ji ja kaayaꞌ am.

MATEO 24:32

’Baꞌ dhi jaꞌp ji buusniaꞌ na jax gu ɨꞌɨɨx na paiꞌ dhuuk bhaiꞌ ji iꞌpuñiaꞌ na joidham pɨx tɨɨꞌñgilhidhaꞌ gu jaagaꞌn. Dhiꞌ bhaan jix maatɨꞌ kaꞌ na bar miaꞌn kaꞌ na paiꞌ dhuuk ba ji chɨꞌngiaꞌ. Moo pim xi chɨꞌñchokat dhiꞌ puiꞌ nañ jax jam tɨtda.

MATEO 25:31

Miꞌ dhɨr baꞌ moo jaꞌpni bhaiꞌp ji chu ja aꞌgi ɨp gio gu Jesuus gu jaꞌtkam, jup ja tɨtda: ―Baꞌ aañ nañ xib bhaankam yaꞌ oirɨ guñ Gɨꞌkoraꞌ, janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan ja bɨɨm gu noonbiꞌñ guñ Gɨꞌkoraꞌ, joidham mɨk jaꞌp tum tonnichuꞌndaꞌ. Miꞌ dhɨr baꞌ dai nañ bhaiꞌ ba daibuꞌ bhaiꞌ nañ paiꞌ dhɨr naiꞌr gɇꞌkam kaꞌ, na paiꞌ joidham jix chu abhaar.

MATEO 28:18

Baꞌ gu Jesuus amuub xi ɇɇk jup ja tɨtda: ―Guñ Gɨꞌkoraꞌ gɇꞌkam kɨꞌn jiñ dhai jix dhaam jaꞌk gio yaꞌ dhi oiꞌñgaꞌn bhaan.

MAARKOS 13:27

Baꞌ naiꞌ ja jootsaꞌ iñ gu noonbiꞌñ guñ Gɨꞌkoraꞌ na jɨꞌx jir oiꞌñgaꞌn, puiꞌ na jax mummɨni jaꞌp na paiꞌ am juꞌkam tuꞌiiꞌ dhix dhaam, nam baꞌ ja jumpadaꞌ gu jaꞌtkam guiꞌ nam jɨꞌk tɨ jɨɨgiꞌñdhaꞌ aañ jiñ bui.

LUUKAS 24:47

Baꞌ aapiꞌm jiñ aꞌmkam naiꞌ xi chu ja aꞌgidhaꞌ bɨɨx gu jaꞌtkam nam jɨꞌk jix jaiꞌch. Yaꞌ dɨr japim muiꞌ ji kɨɨsaꞌ Jerusaleen. Jaꞌp japim ja tɨtdaidhaꞌ nam miꞌ puiꞌ ba jimiaꞌ na jax jix aaꞌ gu Dios na baꞌ ja uañdhaꞌ gu ja uaꞌtulhdharaꞌ.

JUAN 11:52

gam sia gu jaiꞌ nam mu jaꞌp oiꞌdhaꞌ bɨɨx kap na jɨꞌx oiꞌñgaꞌn, baꞌ jaꞌp ji buusniaꞌ na bɨɨx maap ba ja jumpadaꞌ guiꞌ nam jɨꞌk tɨ jɨɨgiꞌñ buiñor guch Gɨꞌkoraꞌ.

ROOMA KAM 10:18

Baꞌ aañ dɨɨlh jup jiñ aaꞌndaꞌ: ¿Kux chakui aa chi paiꞌ dhuuk kai mɨt gux bhaiꞌm kaiꞌchdham ñioꞌkiꞌñ guch Xoiꞌkam bɨɨx nam jɨꞌk jir Israel kam jaꞌtkam? Ba kai mɨt ji matgɨm, na guꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Bɨɨx kap naiꞌ puiꞌ tum aꞌga gux bhaiꞌm kaiꞌchdham ñioꞌkiꞌñ gu Dios, na mɨt guꞌ bɨɨx kap ai na jɨꞌx oiꞌñgaꞌn guiꞌ nam puꞌñi naiꞌ tu aꞌga.

1 KORIINTO KAM 15:52

jaꞌp na jax nach maaꞌnnim kupiogiaꞌ. Janoꞌ na maaꞌnnim pɨx ba tum kuichdhaꞌx dhaam dɨr, duduadɨi bhaiꞌ ji baapmigiaꞌ am bɨɨx guiꞌ nam koꞌiix kaꞌ, baꞌ dai guiꞌ nach jɨꞌk duduakaꞌ nach tɨ jɨɨgiꞌñdhaꞌ buiñor guch Xoiꞌkam, jotmodaꞌ maakam tuꞌm jup jich dhuñiaꞌ ich.

EEPESO KAM 1:10

Baꞌ janoꞌ na paiꞌ dhuuk bɨɨx puiꞌ tum duñiaꞌ nat jax jaꞌk tu dai dɨɨlh gu Dios na tu duñiaꞌ, bɨɨx maap tu jumpadai na jɨꞌk tuꞌx chu jaiꞌch jix dhaam gio yaꞌ dhi oiꞌñgaꞌn pu ja tɨɨdaꞌ nar ja gɇꞌkam tuk guch Xoiꞌkam.

1 TESALOONIKA KAM 4:16

Na guꞌ janoꞌ na paiꞌ dhuuk jum aayaꞌ gu tanoolh, bhammɨ dɨr puiꞌ ba tɨm tɨꞌyaꞌx gɨꞌm kɨꞌn gio gɇꞌ kɨꞌn. Sia gu ja gɇꞌkam tuk bɨɨx gu noonbiꞌñ gu Dios gɇꞌ kɨꞌn puiꞌp ba tɨꞌyaꞌ, gio gu Dios gu kuichdhakaruꞌn bam kuichdhaꞌ. Baꞌ guch Xoiꞌkam nar Gɇꞌkam bhammɨ dɨr bhaiꞌ ji jimiaꞌ jix dhaam, baꞌ guiꞌ nam jɨꞌk buiñor tɨ jɨɨꞌñdhai koꞌiix kaꞌ, bɨɨpɨꞌ duduadɨi bhaiꞌ ji baapmigiaꞌ am.

2 TESALOONIKA KAM 2:1

Jiñ jaaduñ jich Xoiꞌkam bhaan, bhaan jañ jup xi chu jam aꞌgidhaꞌ na jax jaꞌk ba tum buidhaꞌ janoꞌ nach paiꞌ dhuuk baasɨꞌn ba namkiaꞌ guch Xoiꞌkam na gio bhaiꞌp jim. Aach soiꞌ jam tɨtda

ISRAEL KAM 12:19

Gio nat gɇꞌ kɨꞌn bhaiꞌ ji chum kuich, pɨx am joiñchuꞌn gu dɨbɨɨr, nat baꞌ miꞌ dhɨr bhaiꞌ ba tu ja aꞌgi gu Dios guch bopxi kat na jax jaꞌk tu daaxix kaꞌ ja bui. Baꞌ guch bopxi kat jix chotdonɨt tɨip kaiꞌch am na jaꞌxbuiꞌ pɨx tu aꞌgaꞌ gu Dios,

NAT JAX TƗ TƗƗ GU JUAN 1:20

Baꞌ xim aagiꞌñdhaꞌ iñ na jax jir jum duukam dhix xijum gook chiichiaꞌ nañ ja daaꞌ gio dhix xijum gook na bhaan jum tuttu gu kañdhiir nap yaꞌ nɨiꞌñ. Dho dhix xijum gook chiichiaꞌ, jir diꞌ am guñ chujuandam tuk guiꞌ nam mu jaꞌp bɨɨpɨꞌ dɨr guꞌkat ja aagiꞌñ gux bhaiꞌm kaiꞌchdham jiñ ñiꞌook guiꞌ nam bañ kaichuꞌ. Guꞌ baꞌ dhix xijum gook na bhaan jum tuttu gu kañdhiir, dhiꞌ pɨx puiꞌ jaꞌk jum maaxiꞌñ mu jaꞌp xijum gok kap nam paiꞌ jax jum jumpaꞌn nam jiñ dhaandaꞌ guiꞌ nam ba tɨ jɨɨgiꞌñ aañ jiñ bui.

NAT JAX TƗ TƗƗ GU JUAN 11:15

Baꞌ nat paiꞌ dhuuk jumaip xi chu kuich gu nobiiꞌñ gu Dios nam baꞌ kɨꞌn bar daipuꞌ kaꞌ, muiꞌ dhɨt bhaiꞌ ji chum ñio gɇꞌ kɨꞌn bhammɨ dɨr jix dhaam, jup kaiꞌch am: Dhi Dios jich Gɨꞌkoraꞌ bɨɨmaꞌn guch Xoiꞌkam, bɨɨx kap bar gɇꞌgɇrkam am na jɨꞌx oiꞌñgaꞌn, baꞌ gammɨjɨ pu bar gɇꞌgɇrkam kaꞌ am sia nar paiꞌ dhuuk kaꞌ gɨt.

NAT JAX TƗ TƗƗ GU JUAN 7:1

Gio baꞌ moo miꞌ dhɨr jaꞌpni ñich jup tɨ tɨɨ, maakob sap gu noonbiꞌñ gu Dios maakob kap guguuk am na jɨꞌx oiꞌñgaꞌn, na mɨt puiꞌ jaꞌk ja tɨɨdak mu ja joot nam jix ioꞌm tɨ jɨlhbichdhaꞌ bɨɨx kap na jɨꞌx oiꞌñgaꞌn na baꞌ tum xichuiꞌdhaꞌ bɨɨx na jɨꞌk tuꞌx chu jaiꞌch bɨɨx kap, sia mu jaꞌp suudaiꞌ chɨr.

NAT JAX TƗ TƗƗ GU JUAN 8:2

Baꞌ gux xijum gook gu noonbiꞌñ gu Dios nam jaꞌpni bɨɨpɨꞌ dɨr guguuk miꞌ na paiꞌ daa, xi ja maa mɨt jɨꞌmaꞌn gu kukuichdhakar.