MATEO 24:27 - Tepehuano Tepehuán del Sureste (Durango)

²⁷ Na guꞌ aañ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, aañ nañ xib bhaankam yaꞌ oirɨ guñ Gɨꞌkoraꞌ, jaꞌp jiñ dhuñiaꞌ iñ na jax gu duuk na bɨpgiaꞌ, na bhammɨni dhɨr xiaꞌlhbui bhaiꞌ pu bhɨɨyaꞌ, mummɨni jaꞌk ji aayaꞌ na paiꞌr jurnip. Dhiꞌ bhaan jix maatɨꞌ kaꞌ nañ aañ jir diꞌ kaꞌ.

MATEO 24:27 ပူးပေါင်းရင်းမြစ်များ

MATEO 16:27

Na guꞌ aañ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, jix ioꞌm gɇꞌkam kɨꞌn bha jimdaꞌ iñ, na guꞌñ aꞌm tɨ nɨidhidhaꞌ guñ Gɨꞌkoraꞌ, sia gu noonbiꞌñ jam jiñ bɨɨm jiimdaꞌ. Baꞌ yaꞌ ja makiaꞌ iñ bɨɨx gu jaꞌtkam gu tuꞌ nar ja maiꞌchɨk kaꞌ bɨɨx jɨꞌmaꞌn nam tuꞌ jax buimɨi yaꞌ dhi oiꞌñgaꞌn bhaan, noꞌm miꞌ puiꞌ jiimdat na jax jix aaꞌ gu Dios piam ku guꞌ cham.

MATEO 16:28

Tuꞌ sɨlhkam kɨꞌn jañ yaꞌ pu jam tɨtdañ jaaduñ na pim jɨꞌk yaꞌp tuꞌiiꞌ gu xib, na pim jaiꞌ dhɨt pui kapup duduakaꞌ nañ gio yaꞌ ɇɇji bar gɇꞌkam kaꞌ dhi oiꞌñgaꞌn bhaan, aañ nañ bhaankam yaꞌ oirɨ guñ Gɨꞌkoraꞌ.

MATEO 24:26

Piam noꞌ jaroiꞌ jax ba jam tɨtda: “Maik gor jach kaipuꞌ guch Xoiꞌkam. Muni sap paiꞌ oirɨ gampɨx jix chu gak kɨr”, aapiꞌm moo cham mi kɇkɇɇdaꞌ, na guꞌ cham tuꞌ sɨlhkam aañ jir diꞌ kaꞌ jia kaiꞌñkam. Piam noꞌ jax jam tɨtda: “Muni oꞌñchix guch Xoiꞌkam. Maik gor jach kaipuꞌ”, aapiꞌm moo sia cham mu jimmɨdaꞌ, na guꞌ kaiꞌñkam cham tuꞌ aañ jir diꞌ kaꞌ.

MATEO 24:3

Baꞌ nam miꞌ puiꞌ xi chu aꞌgimɨk, moo sɨlh bhɨi mɨt baasɨꞌn dɨr jaꞌk oidhaꞌ taꞌm bhaiꞌ nam paiꞌ Oliibus kɨꞌn jix chu mat kaꞌ gu jaꞌtkam. Baꞌ jimdat bha jaꞌp ji dhaibu gu Jesuus, baꞌ gu noonbiꞌñ muiꞌ ji ai mɨt nam dɨɨlh jix chɨkkam, jup tɨtda am: ―¿Paa baꞌ pɨk duuk puiꞌ ba jim iaraꞌ gu gɇꞌ chiop, gio na jax ba tum buidhaꞌ na paiꞌ dhuuk bar miaꞌn kaꞌ nam tɨɨmoꞌ dhi oiꞌñgaꞌn, gio nap paiꞌ dhuuk aap saak gio bhaiꞌp ba jimdaꞌ?

MATEO 24:37

’Baꞌ janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, aañ nañ xib yaꞌ oirɨ bhaankam guñ Gɨꞌkoraꞌ, puꞌñi jaꞌk jup tum duñiaꞌ nat jax tum duu janoꞌ na paiꞌ dhuuk gu Noee tɨi pup tu ja aꞌgidhimɨk gu jaꞌtkam na tɨi ja aagiꞌñdhaꞌ na jax ja doodaꞌ gu Dios, guꞌ ji na mɨt guꞌ cham jɨꞌxkat kai.

MATEO 24:39

Ni jɨꞌx kum cham pum aagɨt gu jaꞌtkam na jax jup tum duñiaꞌ, na guꞌ jotmodaꞌ pɨx nat bhaiꞌ ji dhuuꞌn nam cham pum aaꞌ, baꞌ pu bɨɨx koi mɨt bhaiꞌkuk. Baꞌ puꞌñip tum duñiaꞌ janoꞌ nañ paiꞌ dhuuk aañ gio bhaiꞌp jimdaꞌ yaꞌ dhi oiꞌñgaꞌn bhaan, aañ nañ xib bhaankam yaꞌ oirɨ guñ Gɨꞌkoraꞌ.

MATEO 24:44

Baꞌ puꞌñi ɨp aapiꞌm, jum aaꞌ na pim gammɨjɨ cham kooksɨt darkaꞌ, na guꞌ aañ nañ xib bhaankam yaꞌ oirɨ guñ Gɨꞌkoraꞌ, puꞌñiñ jotmodaꞌ pɨx yaꞌ ba aayaꞌ na pim paiꞌ dhuuk cham ɨlhiiꞌñdhaꞌ.

MATEO 8:20

Baꞌ gu Jesuus jup tɨtda: ―Jax dhui na guꞌ aañ nat bhañ joot guñ Gɨꞌkoraꞌ yaꞌ dhi oiꞌñgaꞌn bhaan, pu cham paiꞌ bhaaiꞌ nañ gɨt joidham xiñ jɨɨpiꞌñkaꞌ, cham puiꞌ na jax gu kaxio, na guꞌ sɨlh jimiaꞌ mu paiꞌ nar chiob kaꞌ noꞌ bax kooxim. Gio gu uꞌiiꞌ na guꞌ puiꞌp tu kos kaꞌ, dai na ba koxiaꞌ na paiꞌ dhuuk ɨlhiiꞌñdhaꞌ.

SANTIAGO 5:8

Aapiꞌm puꞌñi ɨp jiñ jaaduñ, chaꞌpim jax jum aaꞌndaꞌ na cham ob paiꞌ aajim guch Xoiꞌkam na pim tɨi xi chɨ nɨɨra, Dios japim pɨx buiñor jix biiñak kaꞌ cham jax jim aagɨt nañ jax ba jam tɨtda. Pu ka na guꞌ jootom yaꞌ pɨx ba kɨɨkaꞌ cham jum ɨlhdham, dai ji nach cham oodat pɨx am tɨ nɨɨrdaꞌ.

2 PEEGRO 3:4

Jup jam tɨtdadaꞌ am: “¿Jax jum duu na saak gio bhaiꞌp jimdaꞌ guch Xoiꞌkam na pim jup kaiꞌchdhaꞌ, nat baꞌ moo cham paiꞌ ba ji ai? Jaꞌp moo na pur iatdaꞌ ji bak. Bɨjɨk dɨr pu chuꞌm ba tum aꞌga, yammɨ puiꞌ ba koi mɨt guch gɨꞌkoraꞌ kat pu chuꞌm jup xi chɇ kɇɇjimɨk. Gio guꞌ ni ku cham paiꞌ iam maakam jup ba tum duñiim noꞌ moo tum pataasaim, puiꞌ na jax pɨx ba tu tuꞌiiꞌ na jax pu ba tu tuꞌiiꞌ nat dɨr jup jum duu dhi oiꞌñgaꞌn. Jaꞌp moo na pur iatdaꞌ ji dhiꞌ.”