MATEO 24:13 - Tepehuano Tepehuán del Sureste (Durango)

¹³ Ku baꞌ guꞌ gu jaroiꞌ noꞌ moo cham tuꞌ bhaan jax jim aagɨt pu tɨ jɨɨgiꞌñ aañ jiñ bui, cham tuꞌ kam tulhiiñaꞌ ji gatuuk, na guꞌ pu jimiaꞌ jix dhaam jaꞌk buiñor gu Dios.

MATEO 24:13 ပူးပေါင်းရင်းမြစ်များ

MATEO 10:22

Baꞌ bɨɨx pɨx xi jam bhaamkiꞌñdhaꞌ am gu jaꞌtkam na pim jɨꞌk tɨ jɨɨgiꞌñ aañ jiñ bui. Ku baꞌ guꞌ gu jaroiꞌ noꞌ gammɨjɨ cham jax jim aagɨt pu tɨ jɨɨgiꞌñ aañ jiñ bui, jix bhaiꞌ tu jimiaꞌ ji, na guꞌ jimiaꞌ jix dhaam jaꞌk na paiꞌ dhuuk mukiaꞌ.

MATEO 24:12

Gio nam bɨɨx pɨx giilhim jix buam ba tomaat kaꞌ gu jaꞌtkam, cham tuꞌ jaroiꞌ kar jix bhaiꞌkam kaꞌ janoꞌ.

MATEO 24:6

Gio baꞌ na pim puiꞌ ba tɇ kɇɇkɇꞌ na ba jɨgialhchaꞌ ya jaꞌp gio baꞌ jaiꞌ kap, ku baꞌ guꞌ aapiꞌm cham totdon kaꞌ ji. Na guꞌ dhiꞌ bɨɨpɨꞌm aaꞌ na puiꞌ tum duñiaꞌ na baꞌ pɨk moo bam tɨɨmoꞌ dhi oiꞌñgaꞌn, ku guꞌ chakuir janoꞌ kaꞌ ji na paiꞌ pɨk duuk jum tɨɨmoꞌ.

MAARKOS 13:13

Bɨɨx na jɨꞌk jaꞌtkam guiꞌ nam cham tuꞌ kaꞌm tɨ nɨiꞌñdhaꞌ, cham ja kaim kaꞌ am gio nam cham ja nɨidham kaꞌ guiꞌ nam jɨꞌk ba tɨ jɨɨgiꞌñdhaꞌ aañ jiñ bui. Ku baꞌ guꞌ gu jaroiꞌ na cham jim oꞌjolhdhat gammɨjɨ tɨ jɨɨgiꞌñdhaꞌ, cham jax bua ji sia mɨt ma mua, na guꞌx dhaam jaꞌk bhɨɨyaꞌ.

LUUKAS 21:19

Baꞌ chaꞌpim jax jum aaꞌntugɨt miꞌ puiꞌ xi chu duñiidhaꞌ na jax jix aaꞌ gu Dios sia puiꞌ jim tulhiiñaidhat, na baꞌ jam baidhikaꞌ na paiꞌp tuꞌiiꞌ.

LUUKAS 8:15

Baꞌ guiꞌ nat miꞌ suulh na paiꞌ joidham jix kɨɨꞌ gu dɨbɨɨr, guiꞌ ja aagɨt jup kaiꞌch iñ nam bɨɨx ja jujur kɨꞌn pu gammɨjɨ ba tɨ jɨɨꞌñdhaꞌ na jax jum tɨꞌyaꞌ gu ñioꞌkiꞌñ gu Dios, cham jɨꞌxkat jaꞌk ka suulhgiaꞌ am baꞌ. Baꞌ dhiꞌ puiꞌ bam kaiꞌch ɨp nat giilhim joidham jix bhaiꞌm dunaak muiꞌm oo gu tiriik.

ROOMA KAM 2:7

Guiꞌ nam jɨꞌk pu gaagaꞌ yaꞌ dhi oiꞌñgaꞌn nam jax dhui aayaꞌ buiñor gu Dios, gio na jax jaꞌk dui pɨx jix bhaiꞌ ja aaꞌndaꞌ, gio nam jax jaꞌk dui cham jimiaꞌ nam paiꞌ gammɨjɨ miꞌ pup jum tulhiiñdhaꞌ, nam miꞌ puiꞌ jimiaꞌ na jax jix kɨɨꞌ kaꞌm nɨiꞌñ gu Dios, dhiꞌ jɨꞌ am, gu Dios ja baidhaꞌ nam buiñor bap tuiꞌkaꞌ gammɨjɨ.

1 KORIINTO KAM 1:8

Gu Dios pɨx dɨɨlh jam palhbuiꞌñchuꞌndaꞌ na pim jax jaꞌk miꞌ puiꞌ jiimdaꞌ na jax jix aaꞌ na pim yaꞌ kap tuiꞌdhiꞌ dhi oiꞌñgaꞌn bhaan na baꞌ cham jaroiꞌ jax jam tɨɨdaꞌ na pimɨt cham am bua.

ISRAEL KAM 10:39

Jaiñ na jax jum kaiꞌch gu ñioꞌkiꞌñ gu Dios. Ku baꞌ guꞌ nach guꞌ aach bɨɨx jich jujur kɨꞌn tɨ jɨɨꞌñdhat jix biiñak buiñor guch Xoiꞌkam, cham jɨꞌxdhaꞌ jaꞌk suulhgiaꞌ ich sia ku jax jix buam tuch jim, nach guꞌx maat nach baidhikaꞌ gu Dios jix dhaam nach paiꞌ joidham jix jɨjɨkgɨm bap tuiꞌkaꞌ gammɨjɨ, cham puiꞌ na jax guiꞌ nam gio jaꞌk jup suulhiꞌ mu jaꞌk na paiꞌr tu tulhiiñaraꞌ.

ISRAEL KAM 3:14

Na guꞌ na baꞌch baidhikaꞌ gu Jesuus jich Xoiꞌkam jix dhaam jaꞌk, jum aaꞌ nach miꞌ puiꞌ jimiaꞌ na jɨꞌk jax tu daaxix gu ñioꞌkiꞌñ gu Dios, gio nach gammɨjɨx biiñak kaꞌ buiñor nach jax bax biiñak janoꞌ dɨr na chich jax tɨ jɨɨꞌñ buiñor.

ISRAEL KAM 3:6

Baꞌ gu Jesuus jich Xoiꞌkam nar Maraaꞌn gu Dios, jix ioꞌm gɇꞌkam kɨꞌn dai yaꞌ aach jich bui janoꞌ dɨr nat puiꞌ xi chu kuugalhdhak nat jax tɨɨdak bha joot. Jaꞌp ji buus nat guiꞌ bhaan ji bii gu baꞌaak nat kɨi bhaankamuꞌn gu Dios na nuukaꞌndat gu Moisees, na guꞌch palhbuiꞌñchuꞌ bɨɨx aixim bhaan aach nach jɨꞌk buiñor bap tuiꞌdhiꞌ gu Dios. Baꞌ gammɨjɨ pu bach palhbuiꞌñchuꞌndaꞌ noꞌch aach cham oodat buiñor tɨ jɨɨꞌñdhat miꞌ puiꞌ xi dhuiñchuꞌ na jax jix aaꞌ jix bhaiꞌch chaatɨt.

NAT JAX TƗ TƗƗ GU JUAN 2:10

Baꞌ aapiꞌm cham tuꞌ bhaan jax jim aagɨt gammɨjɨ muiꞌ xix biiñak kaꞌ buiñor gu Dios. Chaꞌpim jax jum aaꞌndaꞌ sia kut bɨɨx aixim jix buam bhaiꞌ ji chu jam jii. Xi ñakooꞌndaꞌ pim sia noꞌ mɨt bhaiꞌ ji jam tulhiiñchuda gu jaꞌtkam bhaankamuꞌn gu jaꞌook, na guꞌ jax chuꞌm tanoolh puiꞌ jaꞌk ja jurtudaꞌ nam jam tulhiiñchudai jam kuupaꞌ, ku guꞌ dhiꞌ na bhaan pɨx matgilhiaꞌ ji noꞌ pim moox biiñak jiñ bui piam ku guꞌ cham. Gio guꞌ cham tuꞌ muiꞌ tanoolh jum tulhiiñaꞌ pim, mambhɨɨx tanoolh pɨx. Baꞌ noꞌ pimɨt nakoo sia ku pim puꞌñi giilhim jum tulhiiñ, jam makiaꞌ iñ gu gɇꞌgɇr jup tum duuꞌnkam nar jam namkiꞌ kaꞌ.