MATEO 24:10 - Tepehuano Tepehuán del Sureste (Durango)

¹⁰ Muiꞌ dho guꞌ cham ka tɨ jɨɨgiꞌñdhaꞌ am janoꞌ aañ jiñ bui na paiꞌ dhuuk puiꞌ tum duñiaꞌ, dai nam dɨɨlh bhaiꞌ jim bhabhaakuidhaꞌ, ja koodaꞌ am jaiꞌ dhɨt.

MATEO 24:10 ပူးပေါင်းရင်းမြစ်များ

MATEO 10:21

’Baꞌ guiꞌ nam jɨꞌk tɨ jɨɨꞌñdhaꞌ aañ jiñ bui, bhaiꞌ ji ja bhaamkidhaꞌ am gu ja jaaduñ. Puiꞌ na jax gu ja maamar noꞌ mɨt tɨ jɨɨꞌñ aañ jiñ bui, gu ja tataat jam bhaiꞌp ji ja bhaamkidhaꞌ. Piam ku guꞌ noꞌ mɨt gu ja tataat jiñ bui tɨ jɨɨꞌñ, gu ja maamar jam bhaiꞌp ji ja bhaamkidhaꞌ, ja koodaꞌ am dho guꞌ noꞌm xi ɨlhiiꞌñ.

MATEO 11:6

Jaꞌp moo joidham jix bhaiꞌ tu jimiaꞌ gu jaroiꞌ noꞌ pu gammɨjɨ tɨ jɨɨgiꞌñ aañ jiñ bui.

MATEO 13:21

guꞌ ji nam guꞌ puiꞌ ji bubuakiaꞌ na jax gu tiriik nat cham tuukab takta. Baꞌ noꞌ tuꞌ jax ba ja duiñchuꞌ, mummɨ puiꞌ giop suulhgiaꞌ am, nam guꞌ cham bɨɨx ja jujur kɨꞌn tɨ jɨɨgiꞌñdhaꞌ.

MATEO 13:57

Baꞌ puiꞌ xi kaiꞌchimɨk miꞌ puiꞌ cham tuꞌ kap jum buixiꞌñ am. Baꞌp ja tɨtda gu Jesuus: ―Gu jaroiꞌ na tu aꞌgadaꞌ bhaankam gu Dios, cham kɨɨgalhiꞌñdhaꞌ am gu jaꞌtkam miꞌ nar paiꞌ kam kaꞌ, sia ji guꞌ gu miꞌ kiaꞌmiꞌñ kam. Dai noꞌr maakam jaꞌk kam nam baꞌ bɨɨx kap jix kɨɨgalhiꞌñdhaꞌ.

MATEO 24:11

Gio baꞌ nam muiꞌ yaꞌ ba aayaꞌ guiꞌ nam sap pɨk baꞌ Dios bhaankamuꞌn tu aꞌgidhaꞌ, baꞌ muiꞌ jaꞌtkam ja iatgidhaꞌ am.

MAARKOS 13:12

Jaꞌp na paiꞌ jigialhiꞌ chɨr jup tum tuiꞌkaꞌ dho guꞌ panaas, na guꞌ bɨɨx pɨx jix chum bhaak kaꞌ guiꞌ nam jɨꞌk cham tɨ jɨɨgiꞌñdhaꞌ aañ jiñ bui. Dɨɨlh jum iꞌiattulhdhaꞌ am gu jaꞌtkam siam sɨspidhim, jaiꞌ gu ja maamar nam bhaiꞌ ji ja bhaamkidhai ja iattulhdhaꞌ noꞌm ba tɨ jɨɨgiꞌñ aañ jiñ bui, jaiꞌ gu ja tataat nam ja iattulhdhaꞌ nam baꞌx bhaiꞌ ja bhɨɨyaꞌ gu gɇꞌgɇrkam jum aaꞌndam nam ja koodaꞌ noꞌm xi ɨlhiiꞌñ.

MAARKOS 4:17

Baꞌ maaꞌn nam jax gio mummu puiꞌp suulhgiaꞌ noꞌ tuꞌ ba ja duiñchuꞌ, nam guꞌ palhɨɨp pɨx nɨɨrdaꞌ, na guꞌ miꞌ pɨx tu ja mamaiꞌchɨkdaꞌ noꞌm baabuiꞌ moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

LUUKAS 21:16

Ku guꞌ bɨɨx pɨx bhaiꞌ ji jam bhaamkidhaꞌm ji guiꞌ nam cham jiñ bui tɨ jɨɨgiꞌñdhaꞌ, sia gu jam tataat noꞌm cham jiñ bui tɨ jɨɨgiꞌñ, sia gu miaꞌn jam jaaduñ, sia gu mɨk dɨr kam jam jaaduñ, sia gu jaroiꞌ na pim tɨi gook dɨt jix bhaiꞌ ka kaiꞌchdhaꞌ. Dhiꞌ baꞌ maaxik jam tuttuꞌ am ja bui gu gɇꞌgɇrkam, baꞌ jaiꞌ dhɨt jam koodaꞌ am noꞌm xi ɨlhiiꞌñ.

2 TIMOTEO 1:15

Baꞌ puiꞌ nap jax jup bax maat na mɨt jaꞌp xiñ dhuuk guch jaaduñ nam puiꞌ tɨip tɨ jɨɨgiꞌñ buiñor guch Xoiꞌkam guiꞌ nam Aasia dɨbɨɨr bhaan oiꞌdhaꞌ, jaiꞌ dhɨt jir diꞌ am gu Pijeelo gio gu Ermoojenes.

2 TIMOTEO 4:10

Nat guꞌ gu Deemas yaꞌ xiñ buak ba jii Tesaloonika jaꞌk, na guꞌ dai bhaan jurtɨk gu tuꞌ na yaꞌx chu jaiꞌch dhi oiꞌñgaꞌn bhaan. Gu Kresente maaꞌn kap jup jii na paiꞌ Galaasia bhaan bipioꞌ guiꞌ gu dɨbɨɨr. Baꞌ gu Tiito bhaiꞌ dhɨr jaꞌk jup bhɨi maaꞌn kap na paiꞌ Dalmaasia bhaan bipioꞌ ɨp guiꞌ gu dɨbɨɨr.

2 TIMOTEO 4:16

Pu cham jaroiꞌñ palhbui janoꞌ na mɨt jax jiñ iattulh gu jaꞌtkam ja bui gu gɇꞌgɇrkam. Dɨɨlh na ñich jiñ palhbui, na mɨt guꞌ bɨɨx jaꞌp xiñ dhuuk nach jɨꞌk tɨi maap jich dhaaꞌñchugɨt. Iam gɨt dhiꞌ bhaan cham tuꞌp jum buixiꞌñdhaꞌ gu Dios.