MATEO 23:8 - Tepehuano Tepehuán del Sureste (Durango)

⁸ ’Baꞌ aapiꞌm cham puiꞌ jaꞌk jup tu jimdaꞌ nam jax jaꞌk tu jim guiꞌam. Chaꞌpim jix aaꞌndaꞌ nam puiꞌ jam tɨɨtɨꞌndaꞌ gu jaꞌtkam na pim jir jix chu mamatdagɨm, na pim guꞌ aapiꞌm jaꞌp ba ji buan na pim jir jum jajaaꞌnnim. Baꞌ maaꞌn pɨx jix jaiꞌch guiꞌ nax dhaam jup tuꞌiiꞌ na jam buir jix chu matdagɨm.

MATEO 23:8 ပူးပေါင်းရင်းမြစ်များ

MATEO 10:25

Guꞌ dai ji na kɇɇjidhaꞌ pɨx na jax jaꞌk tɨɨdaidhaꞌ guiꞌ na kaichgɨdaꞌ, cham tuꞌ na guꞌ miꞌ bɨɨpɨꞌ kat gɇꞌkam jup bam taat kaꞌ, gio gu tujuandam na jax jaꞌk tɨɨdaidhaꞌ pɨx ɨp gu gɇꞌkam tugiꞌñ, miꞌ puiꞌ duñiidhaꞌ. Gio puiꞌ na jax gu kiokam noꞌm jax tɨtda na jaꞌook bhaan jup tuꞌiiꞌ, ¿cham aa pim ɨlhiiꞌñ nam giilhim jix buam ja tɨtdadaꞌ guiꞌ nam jɨꞌk maap miꞌ oiꞌñkaꞌ? Baꞌ aapiꞌm puꞌñip jam tɨtdadaꞌ am gu jaꞌtkam na pim tɨ jɨɨgiꞌñ aañ jiñ bui.

MATEO 17:5

Baꞌ na miꞌ puiꞌ ka kaiꞌch gu Peegro, jotmodaꞌ bhaiꞌ ji chɨbgɨr, jix chutuap tum duu miꞌ nam paiꞌp tuꞌiiꞌ. Baꞌ bhɨjɨ dɨr jaꞌp tɨbaaꞌñ chaꞌm bhaiꞌ ji chum ñio, jup tum kaiꞌch: ―Dhi Jesuus aañ jir jiñ mar, baꞌx ioꞌm jix dhaꞌ iñ. Aañiꞌ yaꞌ dɨr mu joot na pim baꞌ miꞌ puiꞌ xi jimɨi na jax jam tɨɨdaꞌ.

MATEO 23:10

Ni na pim cham puiꞌm aaꞌndaꞌ nam gɨt gɇꞌgɇrkam jam biaꞌkaꞌ gu jaꞌtkam, na guꞌ aañ nat bhañ joot guñ Gɨꞌkoraꞌ nañ baꞌr jam gɇꞌkam tuk.

MATEO 23:7

Gio nam jix aaꞌndaꞌ ɨp nam soiꞌm duukat ja ñioꞌkiꞌñdhaꞌ gu jaꞌtkam mu jaꞌp ɨrban gu gɇꞌ kiicham, gio nam jix aaꞌndaꞌ ɨp nam puiꞌ ja tɨɨtɨꞌndaꞌ nam jir jix chu mamatdagɨm.

MATEO 26:25

Baꞌ gu Juudas guiꞌ na maaxik kɨɨsaꞌ gu Jesuus, jaiꞌ puiꞌ xi kaiꞌch nam jax kaiꞌch gu jaiꞌ noonbiꞌñ gu Jesuus na sap baꞌ jax dhui bhaan cham xi maatɨꞌ kaꞌ gɨt na tuꞌ jax dhuñiaꞌ, jup tɨtda gu Jesuus: ―¿Kaꞌ moo aañiꞌ aa chi puiꞌ pɨk maaxik jum kɨɨsaꞌñ jaduuñ? Baꞌp tɨtda gu Jesuus: ―Dho aapiꞌ dhor diꞌ nap jax ba kaiꞌch jiñ jaduuñ.

MATEO 26:49

Baꞌ puiꞌm duu ɨp jia, na jax jim gu Juudas pɨx jix bhaiꞌ kaiꞌchim, jup tɨtda gu Jesuus: ―¡Aach bha jaꞌk ɨp jiñ jaduuñ! Gio baꞌ nat miꞌ xi ñioꞌki puiꞌ xi chɨɨdak.

MAARKOS 10:51

baꞌ xi chɨkka gu Jesuus, jup tɨtda: ―¿Tuꞌni aam duuk jiñ jaduuñ nap baꞌ bhañ jiiñkaiꞌñ? Baꞌ guiꞌp kaiꞌch: ―Dho nañ jaꞌp tɨi ɨlhdhat noꞌp moo puiꞌp ɨlhiiꞌñdhaꞌ gɨt nap iam xiñ dhuaꞌñdhai gɨt nañ cham ñia.

MAARKOS 11:21

Baꞌ ba tɨꞌñchu gu Peegro nat bak pɨn ñiok gu Jesuus, baꞌp tɨtda: ―Kagɨt jiñ jaduuñ nat ba gaa dhi iigɨx na pich ñiok takaab. Attiiru dho moox gak sia gu takaaꞌn.

MAARKOS 14:45

Puiꞌ dhom duu. Na mɨt jax miꞌ ai, pɨx jix bhaiꞌ kaiꞌchim gu Juudas, jup tɨtda gu Jesuus: ―Aach bha jaꞌk ɨp jiñ jaduuñ. Gio baꞌ nat miꞌ xi ñioꞌki.

MAARKOS 9:5

Baꞌ muiꞌ ji ñio gu Peegro, jup kaiꞌch: ―¡Umri moor am na pich bhach baidhak jiñ jaduuñ nach yaꞌp tuiꞌkaꞌ jum bɨɨm! Xib baꞌ tuꞌ na jax chuiꞌkaꞌ, jɨꞌmaꞌn jach jam oꞌnamdhaꞌ, maaꞌn jir aap gaꞌn kaꞌ, jumai baꞌr Moisees gaꞌn kaꞌ, jumai baꞌr Eliiyas gaꞌn kaꞌ.

LUUKAS 22:32

Guꞌ ji na guꞌ aañ soiꞌ tɨtdatuꞌ ɨp guñ Gɨꞌkoraꞌ na aap jix ioꞌm jum palhbuidhaꞌ nap baꞌ gatuuk gioñ buip ba tɨ jɨɨgiꞌñdhaꞌ, sia kup guꞌ jɨꞌx tɨi cham xi chɨ jɨɨꞌñdhat jiñ bui. Baꞌ nap paiꞌ dhuuk gioñ buip ba tɨ jɨɨgiꞌñdhaꞌ, ja aagiꞌñdhaꞌ ap dhi jaiꞌ nam gammɨjɨ bɨɨx ja jujur kɨꞌn jiñ bui tɨ jɨɨgiꞌñdhaꞌ, cham tuꞌ nam ampɨx jum oꞌjolhiꞌñdhaꞌ.

JUAN 1:38

Baꞌ nammɨ gama jaꞌk na ba jimchuꞌ gu Jesuus, ba ja tɨɨ nam gatuuk dɨr mu oiꞌñ gook gu jaꞌtkam, baꞌp ja tɨtda: ―¿Tuꞌ pim gaagim jiñ jaaduñ? Baꞌ guiꞌp kaiꞌch am: ―Chaam tuꞌ. Yaꞌ chich pɨx bham tɨkkam nap paiꞌ kioñ jaduuñ.

JUAN 1:49

Baꞌp kaiꞌch ɨp gio gu Natanail: ―Xib jañ dho gi bax maat ji nap aap jir diꞌ gu Maraaꞌn gu Dios jiñ jaduuñ. Tɨɨꞌ nap guꞌ jax bɨxchuꞌx chu matdaꞌ. Aap bak baꞌ yaꞌ bar gɇꞌkam kaꞌ ja bui gu Israel kam jaꞌtkam.

JUAN 11:8

Guꞌ ji nam guꞌ am cham aaꞌ gu noonbiꞌñ, jup kaiꞌch am: ―¿Moo cham ja ɨɨbhiꞌñ ap aa jiñ jaduuñ gu Israel kam gɇꞌgɇrkam kup baꞌ moo gio muiꞌp bar jimdam? Na mɨt moo bhaiꞌ tɨip jum maꞌyasa joodai kɨꞌn janoꞌ nach bhammɨ xi oipimɨk.

JUAN 20:16

Baꞌp tɨtda gu Jesuus: ―¿Cham aap kañ maat Mariiya? Baꞌ gu Mariiya miaꞌn dɨr jix bhaiꞌ bhaiꞌ xi ñɨiꞌñ, jir diꞌ gu Jesuus. Baꞌp tɨtda ebreo ñiꞌook kɨꞌn bhaiꞌ xi koomkɨk: ―¡Rabuuni! ¿Aapiꞌ aar diꞌ? Rabuuni jaꞌp kaiꞌñkam jup kaiꞌch na sap bɨxchuꞌx chu maat.

JUAN 3:2

Baꞌ maaꞌnnim muiꞌ mam dɨkoo gu Nikodeemo nat muiꞌ ma jii tukaaꞌñ chaꞌm mu na paiꞌ tɨbiap gu Jesuus. Mummu ba ji buus, baꞌp tɨtda: ―Bax maat ich jiñ jaduuñ nat aap Dios bham joot nap yaꞌ tuch aꞌgidhaꞌ nach jax jaꞌk miꞌ puiꞌ jiimdaꞌ na jax jix aaꞌ, nach guꞌ cham paiꞌ jaroiꞌ puiꞌ nɨidhat nax bhaiꞌ tu bua na tuꞌr jix bhaiꞌm duukam noꞌ cham bhaan tɨ nɨidhim gu Dios jaꞌp na jax aap nap bɨxchuꞌx aichuꞌn nap pu tu duñiaꞌ.

JUAN 3:26

Miꞌ puiꞌ xi kaiꞌchimɨk mummu jaꞌk maakam jup ba tu aꞌgidhim am gu Juan guiꞌ nam kaichuꞌ, jup tɨtda am: ―Guiꞌ nap aaꞌ janoꞌ na bhammɨ dɨr oirɨ baasɨꞌn dɨr gu Jordaan Ak, guiꞌ bo na pich saak bha ja mattudam gu jaꞌtkam nar tuꞌp tuꞌm daꞌ, xib puiꞌp ba ja bopkon gu jaꞌtkam. Puiꞌ muiꞌp ba kaichuꞌ am.

JUAN 4:31

Guꞌ baꞌ guiꞌ nam kaichuꞌ gu Jesuus, mu jaꞌk tɨi tu aagiꞌñ am gu koiꞌ soiꞌ tɨtdat jup tɨtda am: ―Yaꞌ jaiꞌ bi chu juꞌñ jaduuñ. ¿Cham bax bhioꞌ ap?

JUAN 6:25

Baꞌ na mɨt jax bhammɨ dɨr tɨɨtɨs baasɨꞌn dɨr gu jaꞌtkam, bhaiꞌ pɨx jaꞌp ji chɨɨ mɨt gu Jesuus, baꞌp tɨtda am: ―¿Paa pich dhuuk yammɨ dɨr jaꞌk tɨs jiñ jaduuñ? Aach bhammɨ dɨr tɨim nɨɨraimɨk.

JUAN 9:2

Baꞌ xi chɨkka am gu noonbiꞌñ, jup tɨtda am: ―Jiñ jaduuñ, ¿dɨɨlh aam uaꞌtulh dhi jaduuñ nat baꞌ cham ñia kam maaxir, kaꞌ gu gɨꞌkorgaꞌn aa?

2 KORIINTO KAM 1:24

Cham jir am guꞌ nach moop jam chian na pim miꞌ puiꞌ jimiaꞌ, guꞌ jaꞌpji dɨɨlh na pim miꞌ puiꞌ xi dhuñiaꞌ cham jax ji kaiꞌchɨt, na pim guꞌ tɨ jɨɨgiꞌñ buiñor guch Xoiꞌkam. Aach dai nach mu jam palhbuiꞌñ pɨx na pim jax jaꞌk jix ioꞌm jix bhaiꞌm taatɨt buiñor tɨ jɨɨgiꞌñdhaꞌ guch Xoiꞌkam.

2 KORIINTO KAM 4:5

Cham tuꞌch ja aaꞌñdhim guꞌ gu jaꞌtkam nach jax jir tuꞌm kam dɨɨlh, guꞌ jaꞌpji nach puiꞌ ja tɨtdaim na guch Xoiꞌkam bɨɨx jir jich Gɇꞌkam tuk. Gio guꞌ puiꞌ pɨx jich ɨlhiiꞌñ ich jam bui nach jir tu jam juandam tuk, nach guꞌ xi jam joiꞌgɨꞌn bhaankam guch Xoiꞌkam.

EEPESO KAM 3:15

dhiꞌ nat jaroiꞌp tu duu bɨɨx na jɨꞌk jix chu jaiꞌch yaꞌ dhi oiꞌñgaꞌn giox dhaam.

PILIMOON 1:16

Baꞌ puiꞌ pɨx jaꞌk jap jup ba ɨlhdhaꞌ na jax gu jaiꞌch jaaduñ jich Xoiꞌkam bhaan. Jix joiꞌmdat jap nɨiꞌñdhaꞌ, cham tuꞌp puiꞌ jaꞌk ka ɨlhiiꞌñdhaꞌ na jax bɨɨpɨꞌ dɨr nap tujuandam kɨꞌn ka biaꞌkaꞌ puiꞌ cham ji namkidhat. Jix kɨɨgalhiꞌñ iñ guꞌ aañ. Aap jum aꞌm jum aaꞌ nap jix ioꞌm jix dhaꞌram ɨlhiiꞌñdhaꞌ, cham tuꞌ puiꞌ na aañ, na guꞌ bar jix kɨɨꞌ maaꞌnkam, gio na puiꞌp bar jum jaduuñ na ba tɨ jɨɨgiꞌñ buiñor guch Xoiꞌkam.

SANTIAGO 3:1

Moo pim alh jix bhaiꞌñ jaaduñ, chaꞌpim bɨɨx pɨx jix aaꞌndaꞌ na pim bɨɨpɨꞌ dɨr guꞌkat ja aagiꞌñdhaꞌ guch Xoiꞌkam jɨɨgiꞌñdham gu ñioꞌkiꞌñ gu Dios, na guꞌ dhiꞌ cham tuꞌr jaaxmadaꞌ. Jum aaꞌ guꞌ nañ bɨɨpɨꞌ jix bhaiꞌx mat kaꞌ gio baꞌ nañ miꞌ puiꞌ xi jimdaꞌ na jax pɨk jaꞌk moox aaꞌ gu Dios nañ baꞌ bar pu chuꞌm kaꞌ, nañ baꞌ guꞌ cham maakam pɨx ja aagiꞌñdhaꞌ guch Xoiꞌkam jɨɨgiꞌñdham. Na guꞌ noꞌñ miꞌ paiꞌ maakam pɨx ja aagiꞌñ, noꞌ guꞌ cham tuꞌ puiꞌ kaiꞌñkam jup jum kaiꞌch gu ñioꞌkiꞌñ gu Dios, dhiꞌ ñich dho bhaan gɇꞌkam kɨꞌn bañ uaꞌtulh buiñor, baꞌ dai na bañ chulhiiñchudaꞌ.

1 PEEGRO 5:3

Ni na pim gɇꞌgɇrkam jum taatɨt jix bhaakut mu ja chiandaꞌ nam miꞌ puiꞌ jimiaꞌ na jax jix aaꞌ gu Dios na pim puiꞌ jim aagɨt na pim jix ioꞌm bax maat gu ñioꞌkiꞌñ. Jaꞌpjix bhaiꞌ pɨx ji na pim ja aaꞌñdhat xi ja guguuxiꞌñdhaꞌ, gio aapiꞌm dɨɨlh na pim jix bhaiꞌ miꞌ puiꞌ xi jiimdaꞌ na jax jix aaꞌ gu Dios nam baꞌ jam nɨidhat miꞌ puiꞌp bhɨichgɨdaꞌ.

NAT JAX TƗ TƗƗ GU JUAN 1:9

Aañ puiꞌp jir jam jaduuñ guch Xoiꞌkam bhaan, nañ guꞌ aañ puiꞌp tɨ jɨɨgiꞌñ buiñor, puiꞌ kuñ baꞌ mɨjɨ tu jam uaꞌñxiꞌñ, puiꞌ bhammɨp aayaꞌ iñ buiñor gu Dios na pim paiꞌ jaꞌk bhɨichuꞌ aapiꞌm. Gio jaꞌxbuiꞌ puiꞌp jiñ chulhiiñ iñ bɨxchuꞌ bhaan na jax aapiꞌm, guꞌ ji na guꞌ guch Xoiꞌkam jiñ palhbuidhat jiñ guguuxiꞌñ nañ jax dhui nakgaꞌ. Xib jañ yammɨ dɨr jaꞌk jup tuꞌiiꞌ suudaiꞌ ɨraab na paiꞌ alhiꞌch jir dɨbɨɨr na Patmos tɨ tɨɨꞌ, na mɨt jiñ dhaagɨk yammɨ dɨr jaꞌk jiñ aich gu Rooma kam nam cham aaꞌ nañ bha jaꞌp tu aꞌgadaꞌ gux bhaiꞌm kaiꞌchdham ñioꞌkiꞌñ gu Dios na bhaan tu aꞌga guch Xoiꞌkam.

NAT JAX TƗ TƗƗ GU JUAN 19:10

Baꞌ aañ na ñich jax jiñ oꞌlhia kɨꞌn kɨkbo, ba ji chu daanɨ ñich buiñor gu nobiiꞌñ gu Dios na miꞌ tuñ aꞌgiꞌñ, guꞌ ji na guꞌ guiꞌp jiñ chɨtda: ―Chaꞌp tu daandaꞌ aañ jiñ bui, nañ guꞌ aañ pur cham tuꞌ. Jir tujuandam tugiꞌñ iñ pɨx gu Dios jaꞌp na jax aap jiñ jaduuñ gio gu jaiꞌ nam jɨꞌk tuꞌ kaꞌm nɨidhat miꞌ puiꞌ ba jiim na jax chum aꞌga gux bhaiꞌm kaiꞌchdham ñiꞌook na bhaan tu aꞌga guch Xoiꞌkam. Guiꞌ ji Dios nap xi dhañiaꞌ. Na guꞌ bɨɨx nam jɨꞌk bhaankamuꞌn tu aꞌga gu Dios, bɨɨx ja jujur kɨꞌn ba tɨ jɨɨgiꞌñ am na jax jum kaiꞌch gux bhaiꞌm kaiꞌchdham ñiꞌook na bhaan tu aꞌga guch Xoiꞌkam.

NAT JAX TƗ TƗƗ GU JUAN 22:9

guꞌ ji nat guꞌ guiꞌ puñ xooꞌmchulh, jup jiñ chɨtda: ―Chaꞌp tu daandaꞌ aañ jiñ bui, nañ guꞌ aañ jir jaꞌppɨx tujuandam tugiꞌñ gu Dios jaꞌp na jax aap gio gu jaiꞌ nam puiꞌ bhaankamuꞌn jup tu aꞌga, gam guiꞌ nam jɨꞌk tɨ jɨɨꞌñdhat buiñor guch Xoiꞌkam miꞌ puiꞌ ba jiim na jax yaꞌ tu uaꞌñix dhi uꞌuan taꞌm. Dai ji gu Dios buiñor nap tu daandaꞌ.