Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATEO 23:34 - Tepehuano Tepehuán del Sureste (Durango)

34 Baꞌ aañ bhaiꞌ ka jam joochxidhaꞌ guiꞌ nam bhaankam tu aꞌgadaꞌ gu Dios, gio baꞌ jaiꞌ guiꞌ nam jix chu mamatdaꞌ kaꞌ, gio baꞌ jaiꞌ guiꞌ nam bɨɨx aixim jup jix chu mat kaꞌ. Baꞌ aapiꞌm ja daꞌngɨi ja koodaꞌ, jaiꞌ baꞌ na pim kukrus taꞌm ja sissapai ja koodaꞌ ɨp puiꞌ, gio baꞌ jaiꞌ na pim ja gɨɨꞌbiaꞌ mu jaꞌp na paiꞌ jax tum daandaꞌ, jaiꞌ baꞌ na pim mu jaꞌp naiꞌ ba ja gaagidhaꞌ na paiꞌ jax jɨꞌdɨlh ɨꞌlhich jir kikcham kaꞌ.

အခန်းကိုကြည့်ပါ။ ကော်ပီ




MATEO 23:34
36 ပူးပေါင်းရင်းမြစ်များ  

Baꞌ nam paiꞌ dhuuk bhaiꞌ ji jam oꞌbhaiꞌñdhaꞌ mu paiꞌ jax chuꞌm gɇꞌ kiicham, aapiꞌm miꞌ dhɨr pu ji jimiaꞌ maakam jaꞌk jumai gɇꞌ kiicham, na guꞌ aañ nañ xib bhaankamuꞌn yaꞌ oirɨ guñ Gɨꞌkoraꞌ, cham xiim gio bhaiꞌp jim iñ, aapiꞌm chakui bɨɨx tɨɨmoꞌ na pim tu aꞌgimɨi na jɨꞌk kap jir kikcham yaꞌ dhi Israel.


Baꞌ gio muiꞌp ji ñio gu Jesuus, jup ja tɨtda: ―Noꞌ maadɨt guiꞌ nam sap jix mat kaꞌ gu ñioꞌkiꞌñ gu Dios miꞌ puiꞌ ba jii na jax pɨk jaꞌk bhaan ba tɨ nɨidhidhaꞌ, jaꞌp ji buusandaꞌ na jax gu jaroiꞌ noꞌ miꞌ paiꞌ tu biaꞌ gu bɨxchugaꞌn, na guꞌ bɨɨx pɨx joidham tɨ nɨiꞌñdhaꞌ, sia ku jaiꞌ tɨir kɨklhiꞌñgaꞌn.


Guꞌ ji na guꞌ sia ku pim puꞌñi tɨi kaiꞌch, jax dhui na guꞌx bhaiꞌx maatɨꞌ na pim aapiꞌm jir ja bopxi guiꞌ na mɨt ja koi,


Baꞌ aapiꞌm jiñ aꞌmkam naiꞌ xi chu ja aꞌgidhaꞌ bɨɨx gu jaꞌtkam nam jɨꞌk jix jaiꞌch. Yaꞌ dɨr japim muiꞌ ji kɨɨsaꞌ Jerusaleen. Jaꞌp japim ja tɨtdaidhaꞌ nam miꞌ puiꞌ ba jimiaꞌ na jax jix aaꞌ gu Dios na baꞌ ja uañdhaꞌ gu ja uaꞌtulhdharaꞌ.


Nam guꞌ bhaiꞌ ji jam bhaamkidhaꞌ jia guiꞌ nam bhaiꞌ gɇꞌ chiop ja aꞌmkam ñiokdaꞌ jix dhaam gu jaꞌtkam, noꞌ mɨt ba maat na pim aañ jiñ kaichuꞌ. Maiꞌ jam aadimiaꞌ am noꞌm xi ɨlhiiꞌñ miꞌ dhɨr jam chichiopiꞌ am na pim jax tu daandaꞌ. Gio guꞌ kam aayaꞌ ɨp gu tanoolh nam paiꞌ dhuuk boi jam bhɨichdhaꞌ noꞌ mɨt moop xi ɨlh, puiꞌm xim aagat nam Dios bhaankamuꞌn puiꞌ jam doodaꞌ, nam guꞌ jaꞌp jum aaꞌndaꞌ nam dai guiꞌ miꞌ puiꞌ jiim na jax jix aaꞌ, aapiꞌm baꞌ cham.


Baꞌp ja tɨtda ɨp gio gu Jesuus: ―Jix bhaiꞌ pim jum taat kaꞌ na ñich yaꞌ ba ai. Aañ bhaiꞌ pɨx puiꞌ jam tɨɨdam na pim jix bhaiꞌm ɨlhdhai naiꞌ xi jimiaꞌ bɨɨx kap na pim tu ja aꞌgiꞌñpuꞌ gu jaꞌtkam. Jaꞌp na jax aañ na ñich bha jii yaꞌ dhi oiꞌñgaꞌn na ñich bha tu jam aꞌgidham nat paiꞌ dhuuk bhañ joot guñ Gɨꞌkoraꞌ, puiꞌ kuñ baꞌ aañ yaꞌ dɨr jup jam jootos aapiꞌm.


Ku baꞌ guꞌ na paiꞌ dhuuk jam aꞌm bam tajaanaꞌ gux Dhuuduꞌ kam jix Uañ Iiꞌmdaꞌ, bax bhaaiꞌn kaꞌ ji na pim pu tu duñiaꞌ aañ jiñ aꞌmkam bɨɨx aixim na tuꞌr jix kɨɨꞌp jum duukam, baꞌ naiꞌ ji chu ja aꞌgiꞌñpuꞌ pim gu jaꞌtkam. Miꞌ dhɨr japim muiꞌ ji kɨɨsaꞌ Jerusaleen, miꞌ dhɨr baꞌ bɨɨx kap na jɨꞌx juugɨt bhaan bipioꞌ gu Judea dɨbɨɨr, gatuuk baꞌ mu jaꞌk ɨp na paiꞌ jɨꞌx juugɨt bhaan jup bipioꞌ gu Samaaria dɨbɨɨr, miꞌ dhɨr baꞌ naiꞌ jaꞌp bɨɨx kap na jɨꞌx juugɨt jir oiꞌñgaꞌn.


Baꞌ janoꞌ mummɨp ba ji bubua mɨt jɨꞌkchi guiꞌ nam bhaankamuꞌn tu aꞌgadaꞌ gu Dios.


baꞌ tu chia nam muꞌaaꞌ gu Jakoobo guiꞌ nar jaꞌnniꞌñ gu Juan.


Baꞌ guiꞌ nam jɨꞌk mummɨx jaiꞌch kaꞌ Antiokiiya nam tɨ jɨɨgiꞌñdhaꞌ buiñor guch Xoiꞌkam, jaiꞌ dhɨt bhaankam tu aꞌgadaꞌ am gu Dios, jaiꞌ baꞌ nam jaꞌp pɨx tu mamtuxiꞌñdhaꞌ. Baꞌ dhiꞌ nam jir jaroiꞌ dhaꞌ moo gu Bernabee, gio gu Simoon guiꞌ nam Jix Ɨɨkaꞌ kɨꞌn jup jix mat kaꞌ, gio baꞌ moo gu Luusio ɨp guiꞌ na mummɨ jaꞌk kiokaꞌ Sireene, gio baꞌ moo gu Manain ɨp guiꞌ na mɨt maap gɨꞌgɨr gu Eroodis kat guiꞌ na mummɨr gɇꞌkam kat Galilea, gio baꞌ moo gu Saulo ɨp.


Baꞌ moo bhaiꞌp ba ai mɨt jɨꞌkchi gu Israel kam jaꞌtkam guiꞌ nam jix bhaaktuꞌ ja bui gu noonbiꞌñ guch Xoiꞌkam guiꞌ nam bhammɨ oiꞌñkaꞌ Antiokiiya gio guiꞌ nam bhaiꞌ jaꞌk jup oiꞌñkaꞌ Ikoonio, baꞌ bhaiꞌ ji ja iatgi mɨt nam bhaiꞌ kax ja daañim. Baꞌ guiꞌ giilhim bhaiꞌp ji bhaak jamɨt, maap jamɨt xim daagɨk bhaiꞌ ji maꞌyasa gu Paablo joodai kɨꞌn. Baꞌ nam paiꞌ dhuuk ɨlhiiꞌñ nat ba muu, tɨɨmɨrak jamɨt mu jaꞌp xi buapuk na paiꞌr juꞌñdharan bhaiꞌ gu gɇꞌ kiicham.


Baꞌ gu Juudas gio gu Siilas jix ioꞌm jup xi ja guguux jamɨt, na guꞌ puiꞌ jaꞌk ja aꞌm tajaañixchuꞌndaꞌ gux Dhuuduꞌ kam jix Uañ Iiꞌmdaꞌ nam baꞌ bhaankam tu aꞌgadaꞌ gu Dios.


Dai na mɨt xi chu chia pɨx nam ja baiꞌñpui xi ja gɨɨꞌbiaꞌ chipliin kɨꞌn gu noonbiꞌñ guch Xoiꞌkam. Miꞌ dhɨr baꞌ dai na mɨt xi ja sooꞌmchulhdhak ba ja joot nam cham naiꞌ bhaan ka tu aꞌgadaꞌ gu Jesuus.


Jix aꞌaixkam kɨꞌn tu aꞌga ich dho ja bui dai guiꞌ nam jɨꞌk bhaan bax kaapak nam tɨ jɨɨgiꞌñ buiñor guch Xoiꞌkam, nam guꞌx bhaiꞌx maatɨt ba kɇɇ na jax jir jum duukam gu ñioꞌkiꞌñ gu Dios. Gio guꞌ cham tuꞌ puiꞌ jaꞌk bua ich nam jax jaꞌk tu jim yaꞌ dhi oiꞌñgaꞌn gux aꞌaixkam nam gɇꞌgɇrkam kɨꞌn daraa, dhiꞌ nam alhio pɨx yaꞌr gɇꞌgɇrkam, na guꞌ bam aajim nam paiꞌ dhuuk gampaiꞌ ji biꞌyaꞌ.


Gu Dios dɨɨlh xiñ joiꞌmdak jiñ aꞌm tɨ tɨɨ nañ aañ mi baapsaꞌ guiꞌ na bhaan bam kɨɨsaim gu bhiꞌñbak, jir jaiꞌ am ɨp baꞌ guiꞌ nam tɨsaaꞌñdhim nam bhiꞌñbakchaim. Matdaꞌ kɨꞌn jañich mi tɨɨ guiꞌ na bhaan bam kɨɨsaim gu bhiꞌñbak, gio guiꞌ nam tɨsaaꞌñdhim nam bhiꞌñbakchaim puiꞌ matdaꞌ kɨꞌn ɨp.


Baꞌ aach bɨɨx jich jujur kɨꞌn jix bhaiꞌ xich gaꞌngidhat tu aꞌgim na jax jaꞌk tu tuꞌiiꞌ buiñor guch Xoiꞌkam, nach baꞌx bhaiꞌ biꞌyaꞌ buiñor janoꞌ nach paiꞌ dhuuk buiñor aayaꞌ.


na guꞌ noꞌch tɨi xix chu ja aꞌgidham guiꞌ nam cham jir Israel kam jaꞌtkam nam baꞌ cham jup jum tulhiiñaꞌ, guiꞌ cham aaꞌndaꞌ am nach gan tu ja aꞌgiꞌñdhaꞌ. Puꞌñi dhuuk jamɨt baꞌ bam uaꞌtulh jaꞌp gɇꞌkam kɨꞌn, ba suudaꞌ ja iꞌiiꞌmdaꞌ bhaan. Baꞌ dai na cham xiim jix ioꞌm ja tulhiiñchudaꞌ cham ja joiꞌmdat gu Dios.


Jaiꞌ dhɨt jamɨt joodai kɨꞌn ja maꞌyasimɨk ja koi, jaiꞌ dhɨt baꞌ na mɨt ɨꞌrapan ja ɨꞌkɨ sirruuch kɨꞌn, gam jaiꞌ dhɨt nam ja sɨxximɨk kukxir kɨꞌn. Bɨɨx dhiꞌ nañ jɨꞌk ja aaꞌ, jaiꞌ dhɨt cham paiꞌ tu oiꞌñkat am, muiꞌ kap oipimɨk am, kakasnir jajoꞌ tɨm tɨꞌiiꞌñkaꞌ am gam kakarbax jajooꞌ, nam guꞌ cham tuꞌr jix chutumñigam kat, gampaiꞌ tuutuꞌm kat am. Bɨxchuꞌ bhaan jum tulhiiñaimɨk am, gam na mɨt ja koꞌktulhdhimɨk.


Dai na mɨt joidham jix bhaiꞌ bhaiꞌ jim ɨlh bɨɨx na jɨꞌk jaꞌtkam na mɨt ba ja tɨɨ na mɨt ba koi guiꞌ jɨꞌ gook tujuandam tugiꞌñ gu Dios, pɨx am tum aꞌonbagiꞌñ am bɨɨx jɨꞌmaꞌn gux dhaꞌram namkɨm, nam guꞌ puiꞌ xim aaꞌ na miꞌ dhɨr jaꞌp jaꞌk joidham jix bhaiꞌ ba tu ja jimiaꞌ, cham tuꞌ bhaan kam tulhiiñaꞌ am, na mɨt guꞌ ba koi guiꞌ nam puiꞌ jaꞌk ka tu buaꞌt.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ