MATEO 22:5 - Tepehuano Tepehuán del Sureste (Durango)

⁵ Guꞌ ji na mɨt guꞌ sia cham aa gu jaꞌtkam nam mu tu koiꞌpoꞌ nam paiꞌ dhuuk mu jaꞌp puiꞌ tɨi ba ja tɨtdaim gu tujuandam tugiꞌñ gu gɇꞌkam. Maaꞌn dai nat mu jaꞌk ji dhuu na paiꞌ tu gaꞌmbhar, maaꞌn baꞌ mu jaꞌk jup ji dhuu na paiꞌ tu juandaꞌ.

MATEO 22:5 ပူးပေါင်းရင်းမြစ်များ

MATEO 13:22

Baꞌ guiꞌ nat miꞌ jaꞌk jup suulh na paiꞌ tuutkaꞌ gu tuꞌx bii uꞌuux jix joꞌiiꞌ, dhiꞌ guiꞌ nam puiꞌ tɨi joidham jup kaayaꞌ, guꞌ ji na guꞌ bhaiꞌ ji ja tukgidhaꞌ gu tuꞌ na yaꞌx chu jaiꞌch dhi oiꞌñgaꞌn bhaan. Tuꞌ nam pɨx bax joiꞌñdhaꞌ nam biaꞌkaꞌ jix dhaꞌram namkɨm, piam ku tuꞌ nam pɨx jax bax dhuñiim kaꞌ na tuꞌ cham jum aagidhaꞌ.

MATEO 22:4

Baꞌ gatuuk jaiꞌ gio muiꞌ tɨip ja joot jup xi ja tɨɨdak: “Ea na pim aapiꞌm muiꞌp jimiaꞌ na pim ja baiꞌñpuꞌ gu jaꞌtkam nam yaꞌni tu jugiaꞌ gu koiꞌ. Jaꞌp japim ja tɨɨdaꞌ na yaꞌ bax chu bhai, na ñich guꞌ tu chia gu tutuur gux dhudua kam nam ja koodai tu jidhooraꞌ gu bakaax.”

MATEO 22:6

Gu jaiꞌ baꞌ dai na mɨt bhaiꞌ ji ja daꞌngɨ gu tujuandam tugiꞌñ gu gɇꞌkam, ja gɨbiimɨk jamɨt mi jaꞌp xi ja koodak.

JUAN 2:16

Gio gu giokdaꞌ gaꞌradam jup ja tɨtda: ―¡Mu pim ja bubuaxdhaꞌ dɨɨrap dhi giokdaꞌ! ¿Jax gi ku pim baꞌ yɨjɨ pu tu duuk na cham tuꞌ pu kaiꞌñkam yaꞌ tu baꞌaak guñ Gɨꞌkoraꞌ na bɨxchuꞌ yɨjɨ tum gaꞌradaꞌ?

GU NOONBIꞌÑ GUCH XOIꞌKAM 2:13

Baꞌ jaiꞌ maakam jup ja aiꞌchuxiꞌñ am, jup kaiꞌch am: ―Jaꞌpji nam jix maikut jup kaiꞌch ji dhi jaꞌtkam.

GU NOONBIꞌÑ GUCH XOIꞌKAM 24:25

Gatuuk baꞌ jaꞌpni jaꞌk bhaiꞌp ji chu ja aꞌgi, na sap tuꞌ cham jir am nam pu tu buadaꞌ, nam gammɨjɨ tuꞌ kaꞌm tɨ nɨiꞌñdhaꞌ na baꞌ cham ja tulhiiñchudaꞌ gu Dios na paiꞌ dhuuk tum kuugalhdhaꞌ yaꞌ dhi oiꞌñgaꞌn. Baꞌ giilhim pux chooꞌnnɨt kai gux kaiꞌ Peeles, miꞌ puiꞌ dho guꞌ cham ka kaim, dai nat ba sooꞌmchulh pɨx gu Paablo na ka tu aꞌga, jup tɨtda: ―Bax bhaiꞌ pɨx tu aꞌga ap jiñ jaduuñ. Ba jimiaꞌ ap, gatuuk jañ baꞌ giop bam baiꞌñdhaꞌ nañ paiꞌ dhuuk cham tuꞌ jax buadaꞌ.

ROOMA KAM 2:4

Guꞌ ji na guꞌ gu Dios joidham jix chu joiꞌgɨꞌn, tu nakooꞌ pɨx kiaꞌ na pim tuꞌ jax bua, na guꞌ tɨ nɨɨra noꞌ pim iam miꞌ puiꞌ ba jimiaꞌ na jax jix aaꞌ, sia ku pim guꞌ aapiꞌm pu cham maat na jax jum aaꞌ gu Dios jam bui.

ROOMA KAM 8:6

Gio guꞌ gu jaroiꞌ nax buam jum aaꞌntugɨt gaagidhaꞌ na jax jurtuꞌnkaꞌ gux Dhuuduꞌ kam jix Uañ Iiꞌmdaꞌ, dhiꞌ joidham jix bhaiꞌ tu jimiaꞌ, na guꞌ buiñor jaꞌk aayaꞌ gu Dios na paiꞌ joidham jix bhaiꞌ tu tatdaꞌ. Guꞌ cham ji guiꞌ na dai bhaan jix buam jum aaꞌndaꞌ gu yaꞌ kam dhi oiꞌñgaꞌn na tuꞌx maax, na jax jurtuꞌnkaꞌ gu tukgaꞌn, dai guꞌ na mu jaꞌk bhɨɨyaꞌ na paiꞌ gammɨjɨ miꞌ pup jum tulhiiñdhaꞌ.

2 TIMOTEO 3:4

Gio nam cham jɨꞌxkat pu duñiaꞌ nam jax tɨi xi chɨꞌyaꞌ, sia ku mɨt tɨi sɨlhkam puiꞌ xi chɨi nam pu duñiaꞌ gu tuꞌ nar jix bhaiꞌm duukam, dai gu tuꞌ nar jix buam jum duukam dho gi guꞌ pu duñiaꞌm ji noꞌ mɨt ba ɨlh. Gɇꞌgɇrkam jum taatɨt gaagidhaꞌ am gu tuꞌ nam kɨꞌn jix bhaiꞌm taat kaꞌ dɨɨlh, iam nam gaagidhaꞌ gɨt nam jax jaꞌk miꞌ puiꞌ jiimdaꞌ na jax jix aaꞌ gu Dios.

ISRAEL KAM 2:3

Guꞌ gi baꞌ dhix bhaiꞌm kaiꞌchdham ñiꞌook na xib ya jaꞌp tum aꞌgichuꞌ, nat dɨɨlh bha jimɨɨk guch Gɨꞌkoraꞌ maaꞌnkam jup jum duuk yaꞌ xi chu daasak na jax jaꞌk tu aagix kaꞌ jich bui, ¿cham aa guꞌx ioꞌm jum aaꞌ nach bɨɨx jich jujur kɨꞌn tɨ jɨɨꞌñdhai buiñor miꞌ puiꞌ ba jimiaꞌ? Na guꞌ noꞌch aach jaꞌp xi dhuukat cham tɨ jɨɨgiꞌñ nat tuch uañ nach jix uꞌuaꞌtulhdhix kat, am tɨꞌñchokaꞌ ich nax ioꞌm jich chulhiiñchudaꞌ, na guꞌ dhiꞌ cham tuꞌr jaaxmadaꞌ, ni ku cham tuꞌr iatdaꞌ. Guꞌ dhiꞌ matgam maaxik kɇɇjimɨk am ji guiꞌ nam maap oipimɨk janoꞌ guch Gɨꞌkoraꞌ, jix maatɨt jam baꞌ miꞌ dhɨr bha jaꞌk puiꞌp ba tuch aꞌgiꞌñ.

2 PEEGRO 2:3

Ku guꞌ dhiꞌ nam bhaan pɨx xi jam boosgidhak kaꞌ ji gu jam tumñiꞌ nam baꞌ puꞌñi mu jaꞌp jiimɨt maakam jam iatgidhidhaꞌ, cham tuꞌ nam sɨlhkam ñioꞌkiꞌñ gu Dios tu aꞌgidhaꞌ joidham jix joojoidhat. Ku baꞌ guꞌ dhiꞌ kam aayaꞌ ji gu tanoolh nam paiꞌ dhuuk jum tulhiiñaꞌ jaꞌp ioꞌm paꞌ, nat guꞌ gu Dios pu bɨjɨk dɨr tu dai na puꞌñi ja tulhiiñchudaꞌ gu puꞌñi chuꞌm gu jaꞌtkam.