MATEO 22:22 - Tepehuano Tepehuán del Sureste (Durango)

²² Baꞌ pu cham ka ñio mɨt guiꞌ nam miꞌ tɨkka, dai nam miꞌ puiꞌ pup tuꞌiiꞌ jɨꞌx juugɨt. Miꞌ dhɨr baꞌ dai na mɨt ba jii cham jax ji chɨꞌɨɨk.

MATEO 22:22 ပူးပေါင်းရင်းမြစ်များ

MATEO 10:16

’Baꞌ aañ muiꞌ xi jam jootsaꞌ jaꞌp na kakasnir mu jaꞌp ja bui guiꞌ nam jaꞌp ji buan na jax gu sɨsɨɨꞌ nam giilhim jix bhaaꞌmnaꞌ. Baꞌ jam aꞌm jum aaꞌ na pim jix chu matdaꞌ kaꞌ na pim jax dhuim palhbuidhaꞌ jaꞌp na jax gu kookoꞌ guiꞌ nam jix chu mamatdaꞌ, gio baꞌ na pim cham bhakkudaꞌ jaꞌp na gu giokdaꞌ nam cham bhaaꞌmnaꞌ.

MATEO 22:33

Baꞌ pu cham ka ñio mɨt bɨɨx gu jaꞌtkam, dai nam miꞌ puiꞌ pup tuꞌiiꞌ na mɨt puꞌñi kai gu Jesuus, na guꞌ joidham jix bhaiꞌ xi bua na tu aꞌga.

MATEO 22:46

Baꞌ pu cham jaroiꞌ ka ñio, dai nam miꞌ pɨx puiꞌ pup tuꞌiiꞌ. Janoꞌ dɨr baꞌ pu cham jaroiꞌ tuꞌ ka tɨkkadaꞌ gu Jesuus, nam guꞌx maat na maaꞌn na jax ja maiꞌchiaꞌ.

MATEO 8:10

Baꞌ miꞌ puiꞌ pup tuꞌiiꞌ gu Jesuus nat puꞌñi kai gu ja gɇꞌkam tuk gu sandaaruiꞌx. Miꞌ dhɨr baꞌ moop ja tɨtda gu jaꞌtkam guiꞌ nam oiꞌñchuꞌ: ―Tuꞌ sɨlhkam kɨꞌn jañ yaꞌ pu jam tɨtdañ jaaduñ na cham jaroiꞌ jaiꞌch gu Israel kam na jaꞌxbuiꞌ puiꞌ bɨɨx juraaꞌn kɨꞌn jix biiñak buiñor gu Dios na jax dhiñ jaduuñ.

MAARKOS 12:12

Baꞌ tɨix dhaagik am gu Jesuus gu gɇꞌgɇrkam jum aaꞌndam, nam guꞌx maat na dhiꞌ ja aagɨt jup kaiꞌch nat tu aꞌga bhaan ji uaꞌrgidhak gu ɨꞌxchadam. Guꞌ ji nam guꞌx ja ɨɨbhiꞌñ gu muiꞌ jaꞌtkam, puiꞌ cham juan am, dai na mɨt ma jii pɨx.

LUUKAS 21:15

nañ guꞌ aañ jam makiaꞌ gu matdaꞌ na pim jax jaꞌk ja tɨɨdaꞌ noꞌ pim bhaan bap tuiꞌdhiꞌ. Dɨɨlh pɨx yaꞌ dɨr jaꞌp ji bubuakiaꞌ gu ñiꞌook na pim jax jaꞌk ja tɨɨdaꞌ, guiꞌ pu cham ka bhaaiꞌn kaꞌ nam jax jam tɨɨdaꞌ.

GU NOONBIꞌÑ GUCH XOIꞌKAM 6:10

Ku guꞌ dɨɨlh guiꞌ am cham bhaaiꞌ ji nam jax jaꞌk xi chɨtdadaꞌ gɨt na baꞌ cham ka tu aꞌgadaꞌ gɨt, na guꞌ guiꞌ giilhim joidham jix bhaiꞌ xi bua na xi chu aꞌga nam xi kɇɇ, na guꞌ gux Dhuuduꞌ kam jix Uañ Iiꞌmdaꞌ na mattuꞌn na jax jaꞌk tɨꞌyaꞌ na tu aꞌgaꞌ.

KOLOOSAS KAM 4:6

Dai gux kɨɨꞌp jum duukam ɨp na pim tu ja aꞌgiꞌñdhaꞌ gammɨjɨ na tuꞌ joidham jum kaiꞌch. Gio bɨɨpɨꞌ dɨr japim pu bam gaꞌngadaꞌ na pim jax jaꞌk tɨɨdaꞌ maaꞌn gu tuꞌ na ba jam tɨkkadaꞌ, cham tuꞌ na pim jaꞌp pɨx muiꞌ ba nokiaꞌ cham bhaiꞌ ji kɇɇji na tuꞌ pɨk jix maachim kaꞌ.