MATEO 21:34 - Tepehuano Tepehuán del Sureste (Durango)

³⁴ Baꞌ nat paiꞌ dhuuk ba bhai gu uubas, muiꞌ ba ja joot gu tujuandam tugiꞌñ mu nat paiꞌ ka xi ja doꞌñchok gu jaiꞌ tujuandam tugiꞌñ nam uaꞌpuꞌ guiꞌ na jɨꞌk bhaan bipioꞌ.

MATEO 21:34 ပူးပေါင်းရင်းမြစ်များ

MATEO 21:35

Guꞌ ji na guꞌ na mɨt paiꞌ dhuuk tɨi mu ba ai gu tujuandam guiꞌ nat mu ja joot, dai na mɨt bhaiꞌ ji ja daꞌngɨ, ja gɨbiimɨk am, jaiꞌ mɨt pu ja koi, jaiꞌ baꞌ dai na mɨt joodai kɨꞌn xi ja maꞌyasak gio puiꞌ mɨjɨp xi ja joot.

MATEO 21:38

Guꞌ ji nat guꞌ cham puiꞌ ji chu buus nat paiꞌ dhuuk mu tɨip ba ai gu maraaꞌn. Jup kaiꞌch am dɨɨlh jix dhuꞌnpiꞌñ kɨꞌn gu tujuandam: “Dhiꞌ moo bhaan ji chu biꞌyaꞌ bɨɨx na jɨꞌk tuꞌ yaꞌx chu jaiꞌch noꞌt ba muu gu taataꞌn. Jaꞌpji nar am ji nach muꞌaaꞌ na baꞌ aach jich aꞌm ji chu biꞌyaꞌ kapbhaiꞌ nat dɨɨlh yaꞌ ka ai.”

MATEO 21:40

’¿Guꞌ baꞌ aapiꞌm jax ɨlhiiꞌñ na ja doodaꞌ dhiꞌ dhi tujuandam na mɨt buam pɨx tu dooda na paiꞌ dhuuk miꞌ aayaꞌ guiꞌ nat miꞌ tu darsak gu uubas?

MATEO 21:41

Baꞌ guiꞌp kaiꞌch am: ―Dho guꞌ ja koodaꞌ dho jia, jaiꞌ baꞌ miꞌ ja iabuꞌ gu tujuandam, nam baꞌ miꞌ dhɨr ba maakidhaꞌ guiꞌ na jɨꞌk bhaan bipioꞌdaꞌ na paiꞌ dhuuk bax bhai kaꞌ gu uubas.

MATEO 22:3

na ba ja jootsaꞌ gu tujuandam tugiꞌñ nam ja baiꞌñpuꞌ gu jaꞌtkam nam tu jugiaꞌ gu koiꞌ. Guꞌ ji na guꞌ ni jɨꞌx kum cham aaꞌ nam paiꞌ dhuuk mu jaꞌp puiꞌ tɨi ba ja tɨtdaim, puiꞌ mɨt giop ba jii gu tujuandam tugiꞌñ gu gɇꞌkam.

MAARKOS 12:1

Miꞌ dhɨr baꞌ gio bhaiꞌp ji chu ja aꞌgi gu Jesuus bhaan ji uaꞌrgidhak maaꞌn gu ɨꞌxchadam, jup ja tɨtda: ―Maaꞌn gu maaꞌnkam tu darsak gu uubas, gio baꞌ nat tu kuu miꞌ nat jɨꞌx juugɨt tu darai. Miꞌ dhɨr baꞌ moop tɨ kɨɨꞌmpi na paiꞌx bhaaiꞌn kaꞌ nam ba kɨiꞌñdhaꞌ, gio baꞌ nat mi kɨi maaꞌn gu tɇb bhiꞌñbak na baꞌ bhaiꞌ dhɨr bhaan naiꞌ tɨ nɨiꞌñdhaꞌ na tu nuukaꞌndaꞌ. Guꞌ ji na guꞌ moo ampɨk jup bar jimdam mɨk jaꞌk, baꞌ miꞌ xi ja doꞌñchok jɨꞌkchi gu jaꞌtkam nam miꞌ ka tu juandaꞌ, pu jii baꞌ.

MAARKOS 12:7

Guꞌ ji na guꞌ nat paiꞌ dhuuk tɨi miꞌ ba ai, jup kaiꞌch am dɨɨlh jix dhuꞌnpiꞌñ kɨꞌn gu tujuandam: “Dhiꞌ moo bhaan ji chu biꞌyaꞌ bɨɨx gu tuꞌ na jɨꞌk yaꞌx chu jaiꞌch noꞌt ba muu gu taataꞌn. Jir am nach muꞌaaꞌ, kapbhaiꞌ nat dɨɨlh yaꞌ ka ai na baꞌ aach jich aꞌm ji chu biꞌyaꞌ.”

MAARKOS 12:9

Baꞌ nat paiꞌ xi chɨɨmuk na puꞌñi xi chu ja aꞌgidhimɨk gu Jesuus, baꞌ moop xi ja tɨkka, jup ja tɨtda: ―¿Jax japim baꞌ ɨlhiiꞌñ na ja doodaꞌ gu kiokam? ¿Cham aa na miꞌ ɇɇji puiꞌp ja koodaꞌ, jaiꞌ baꞌ mi ja iabuꞌ gu tujuandam?

LUUKAS 20:9

Baꞌ gu Jesuus muiꞌ ji chu ja aꞌgi bɨɨx gu jaꞌtkam bhaan xi chu uaꞌrgidhak na tuꞌ jax jum buadaꞌ yaꞌ dhi oiꞌñgaꞌn nam sap baꞌx maatɨt kaayaꞌ. Jup ja tɨtda: ―Maaꞌnnim maaꞌn gu maaꞌnkam xi chu darsak gu uubas mɨk jaꞌk pu bhɨi, dai gu tujuandam jɨꞌk miꞌ xi ja doꞌñchok nam miꞌx bhaiꞌ buixiꞌñdhaꞌ gu ɨꞌxiꞌñ.