MATEO 21:22 - Tepehuano Tepehuán del Sureste (Durango)

²² Guꞌ baꞌ puꞌñi ɨp noꞌ pim bɨɨx jam jujur kɨꞌn jix biiñak buiñor guñ Gɨꞌkoraꞌ, jam makiaꞌ dho tuꞌ na pim taandaꞌ.

MATEO 21:22 ပူးပေါင်းရင်းမြစ်များ

MATEO 18:19

’Baꞌ noꞌ pimɨt jɨꞌk gook maap xi chu aꞌgak ma tu daanɨ buiñor guñ Gɨꞌkoraꞌ, jam makiaꞌ dho na pim tuꞌ taandaꞌ, aañ moo yaꞌ pu jam tɨtda.

MATEO 7:11

Dho jaña nam jax joidham jix bhaiꞌ tu ja maakdaꞌ gu ja maamar gu jaꞌtkam, sia kum guꞌ cham tuꞌ kaꞌm tɨ nɨiꞌñ. Guꞌ gi baꞌ guñ Gɨꞌkoraꞌ guiꞌ nax dhaam jup tuꞌiiꞌ na joidham jir jix bhaiꞌkam, matgɨm bha jam joochxidhaꞌ ji gux kɨɨꞌp jum duukam noꞌ pim taan.

MATEO 7:7

’Gio baꞌ moo jaꞌpniñ jup xi jam tɨɨdam jiñ jaaduñ na pim tu daandaꞌ buiñor guñ Gɨꞌkoraꞌ. Baꞌ gu tuꞌ na pim mu taandaꞌ, jam makiaꞌ dho, gio gu tuꞌ na pim jix maachim kaꞌ, machiaꞌ pim dho, na guꞌ guiꞌ dɨɨlh jam makiaꞌ gu matdaꞌ. Na guꞌ dhiꞌ jaꞌpni ji buusan jia na jax noꞌñ mu paiꞌ kiicham paxiaraim nañ muiꞌ xi chu ñioꞌkdhaꞌ, na guꞌ bañ kupioꞌkdhaꞌ gu kiꞌñgob gu kiokam, miꞌ dhɨr baꞌ dai na bañ chiñiaꞌ nañ mu jaꞌk ba bakiaꞌ.

MAARKOS 11:24

Aañ moo jam aagiꞌñ noꞌ pim tuꞌ yaꞌ dɨr mu taan guñ Gɨꞌkoraꞌ jix dhaam jaꞌk soiꞌm ɨlhdhat, noꞌ pim moo pɨx pum aaꞌ nar puiꞌ kaꞌ na pim jax tɨɨdaꞌ, puiꞌ dho ji buusniaꞌ.

JUAN 14:13

Baꞌ noꞌ ñich puꞌñi ba jii, bhammɨ dɨr dai nañ bhaiꞌ ba jam joochxiꞌñdhaꞌ gu tuꞌ na pim yaꞌ dɨr mu taandaꞌ guñ Gɨꞌkoraꞌ aañ jiñ bui jix biiñak kat, na baꞌ bhaan jix maatɨꞌ kaꞌ nach sɨlhkam gook dɨt maaꞌn iiꞌmdaꞌ pɨx jup duuk guñ Gɨꞌkoraꞌ na giilhim jir gɇꞌkam.

JUAN 15:7

’Guꞌ noꞌ pim moo miꞌ puiꞌ jiimɨt nañ jax tu jam aꞌgiꞌñ gammɨjɨx biiñak kat aañ jiñ bui, jam kɇɇkɇt jam maakidhaꞌ ji guñ Gɨꞌkoraꞌ sia tuꞌ na pim yaꞌ dɨr mu taandaꞌ.

JUAN 16:24

Puiꞌ na jax noꞌ pimɨt chakui tuꞌ mu taa, bar am dho na pim muiꞌ xi chañiaꞌ gu tuꞌ na jam aꞌm jum aaꞌ. Tuꞌ gi na pim guꞌ aañ jiñ bui bax biiñak, na pim baꞌx ioꞌm gɇꞌkam kɨꞌn jix bhaiꞌ bam ɨlhdhaꞌ noꞌt ba jam maa guñ Gɨꞌkoraꞌ.

SANTIAGO 5:16

Puꞌñi jaꞌk jum aaꞌ na pim duiñchuꞌndaꞌñ jaaduñ. Xi chu aꞌgat japim xi chum uañdhat maaꞌn ñiꞌook xip buaꞌt noꞌ pimɨt tuꞌ bhaan mam uaꞌtulh dai aapiꞌm jam bui, na baꞌ guꞌp jam kɇɇkɇꞌ gu Dios na pim paiꞌ dhuuk puꞌñi soiꞌ ba tɨtdadaꞌ na pim tum daañxiꞌñdhaꞌ bɨɨx jɨꞌmaꞌn na jam duduaꞌñdhaꞌ noꞌt ba ji jam ai gu jax chuꞌm koꞌkdaiꞌ, sia gu jam iꞌiiꞌmdaꞌ bhaan. Na guꞌ gu jaroiꞌ noꞌ moo miꞌ puiꞌ xi dhuiñchuꞌ na jax jaꞌk moox aaꞌ guch Gɨꞌkoraꞌ, bɨxchuꞌx bhaiꞌm duukam jix bhaaiꞌ na pu tu duñiaꞌ bhaankamuꞌn, na guꞌ kɇɇkɇꞌ na paiꞌ dhuuk muiꞌ ba taandaꞌ.

1 JUAN 3:22

Baꞌ guiꞌ xi jam joiꞌndat tu jam maakidhaꞌ bɨɨx na pim jɨꞌk tuꞌ mu taandaꞌ bhammɨ jaꞌk na paiꞌp tuꞌiiꞌ, na guꞌx mat kaꞌ na pim tuꞌ kaꞌm nɨidhat miꞌ puiꞌ bhɨichgɨdaꞌ na jax chu daaxix gux bhaiꞌm kaiꞌchdham ñioꞌkiꞌñ gam na jax pɨk jaꞌk jix aaꞌ.