MATEO 21:16 - Tepehuano Tepehuán del Sureste (Durango)

¹⁶ Baꞌp tɨtda am gu Jesuus gu gɇꞌgɇrkam jum aaꞌndam: ―Jaꞌp xi ja tɨɨꞌn nam cham ñiokdaꞌ dhi aꞌaalh. Moo jaꞌp ja kɇɇ ap pɨx nam jax kaiꞌch. Baꞌp ja tɨtda gu Jesuus: ―Dho jax gip bua siam jax kaiꞌch, na guꞌ puiꞌm kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix na saak siax bhaaiꞌ gu aꞌaalh nam tu daandaꞌ buiñor gu Dios, sia guiꞌ nam ka xioꞌdaꞌ. ¿Cham aa pim jɨꞌxkat tu jiñkuiꞌñ miꞌ na paiꞌ puꞌñim kaiꞌch?

MATEO 21:16 ပူးပေါင်းရင်းမြစ်များ

MATEO 11:25

Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.

MATEO 12:3

Baꞌp ja tɨtda gu Jesuus: ―¿Kux aapiꞌm cham jɨꞌxkat tu jiñkuiꞌñ aa miꞌ na paiꞌ tu uaꞌñix gu ñioꞌkiꞌñ gu Dios nat jax tu duu gu Dabii gio gu jaꞌtkam tugiꞌñ janoꞌ nam paiꞌ dhuuk ba uaꞌmaim?

MATEO 19:4

Baꞌp ja tɨtda gu Jesuus: ―¿Kux aapiꞌm aa cham jɨꞌxkat tu jiñkuiꞌñ miꞌ na mɨt paiꞌ tu uaꞌnak gu bɨjɨk dɨr kam nap jum kaiꞌch nat guñ Gɨꞌkoraꞌ pu kaiꞌñkam jup duu gu chioꞌñ gio gu ubii nam baꞌ gammɨjɨ maap tu oiꞌñkaꞌ?

MATEO 22:31

Gio guꞌx bhaiꞌx maatɨꞌ nam bhaiꞌ paiꞌ aajim maaꞌn kap guiꞌ nam jɨꞌk koꞌiim gu ja tutkuꞌ am bhaan, na guꞌ puiꞌm kaiꞌch bo gu ñioꞌkiꞌñ gu Dios miꞌ na paiꞌ tu uaꞌñix bhaan gu uꞌuan. ¿Cham aa pim jɨꞌxkat tu jiñkuiꞌñ? Na jaꞌpnim kaiꞌch bo:

MAARKOS 13:17

¡Jaꞌp moo joiꞌmdam tum duñiaꞌ ji janoꞌ, kux baꞌ guꞌ puiꞌ aa! Nam guꞌ giilhim jum tulhiiñaꞌ gu uꞌuub guiꞌ nam aꞌaalh kɨꞌn cham bhaiꞌm taat kaꞌ, gio jaiꞌ nam ɨꞌlhich ka tu maamar kaꞌ xioꞌdam.

MAARKOS 2:25

Baꞌp ja tɨtda gu Jesuus: ―¿Kux aapiꞌm cham jɨꞌxkat tu jiñkuiꞌñ aa miꞌ uꞌuan taꞌm nat jax tu duu gu Dabii gio gu jaꞌtkam tugiꞌñ janoꞌ maaꞌnnim nam paiꞌ dhuuk ba uaꞌmaim?

LUUKAS 21:23

Tɨi joiꞌmdam jum buadaꞌ am janoꞌ gu uꞌuub guiꞌ nam aꞌaalh kɨꞌn cham bhaiꞌm taat kaꞌ, gio guiꞌ nam kiaꞌpɨx ja tɨgiaꞌ gu aꞌaalh. Giilhim jix koꞌkom jum buadaꞌ am bɨɨx pɨx gu Israel kam jaꞌtkam guiꞌ nam cham miꞌ puiꞌ jimiaꞌ na jax jix aaꞌ gu Dios, ja daam ba jimiaꞌ guꞌ gu tulhiiñaraꞌ dhiꞌ dhi jaꞌtkam.