MATEO 20:8 - Tepehuano Tepehuán del Sureste (Durango)

⁸ Baꞌ gatuuk nat paiꞌ dhuuk ba ji chuk, jup tɨtda gu tujuandam tugiꞌñ guiꞌ na miꞌ tɨ ɨꞌɨɨx kaꞌ gu bhaidhaꞌ: “Eap baꞌ xib bhaiꞌ xi ja baiꞌñ guiꞌ na mɨt jich palhbui na mɨt tɨ ɨꞌkɨ gu bhaidhaꞌ, miꞌp xi ja namkidhaꞌ. Bɨɨpɨꞌp bhaiꞌ ji ja namkidhaꞌ guiꞌ na mɨt jɨꞌk jix ioꞌm gatuuk yaꞌ ai, mu jaꞌk jap ji chɨɨmoꞌ ja bui guiꞌ na mɨt jɨꞌk kabuimuk dɨr bhaiꞌ ji chu jua.”

MATEO 20:8 ပူးပေါင်းရင်းမြစ်များ

MATEO 20:7

Baꞌ guiꞌp kaiꞌch am: “Dho na cham jaroiꞌch umuagiꞌñ dho.” Baꞌ guiꞌp ja tɨtda ɨp gio: “Dho guꞌ aañ bha jam umuaꞌñdham dho na pim jiñ palhbuidhaꞌ na pim tu uꞌyaꞌ gu bhaidhaꞌ mu nañ paiꞌ tɨ ɨꞌɨɨx.” Baꞌ guiꞌ cham jax ji chɨꞌɨɨk jup ma oi mɨt na mɨt tu juanam.

MATEO 20:9

Baꞌ moo miꞌ ba ai mɨt guiꞌ na mɨt jɨꞌk jix ioꞌm jurnɨk ka tu jua, baꞌ miꞌ xi ja namki mɨt. Baꞌ maaꞌn na mɨt jɨꞌk ja namki na jɨꞌk tum namkiꞌñdhaꞌ gu maaꞌn tanoolh sia ku mɨt tɨi palhɨɨp pɨx tu jua.

MATEO 25:19

’Baꞌ mɨkkat jix ioꞌm muiꞌ jurniꞌñ kɨꞌn gio miꞌp ba ai gu ja gɇꞌkam tuk dhiꞌ dhi tujuandam, baꞌ giop ba tu ja joochxi nam sap mu uaꞌtulhiꞌñdhaꞌ gu tumñigaꞌn na baꞌ tu jaꞌkɨlhdhaꞌ na mɨt jɨꞌk miꞌ ba buusaiꞌ nam kɨꞌn tu juan.

MATEO 25:31

Miꞌ dhɨr baꞌ moo jaꞌpni bhaiꞌp ji chu ja aꞌgi ɨp gio gu Jesuus gu jaꞌtkam, jup ja tɨtda: ―Baꞌ aañ nañ xib bhaankam yaꞌ oirɨ guñ Gɨꞌkoraꞌ, janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan ja bɨɨm gu noonbiꞌñ guñ Gɨꞌkoraꞌ, joidham mɨk jaꞌp tum tonnichuꞌndaꞌ. Miꞌ dhɨr baꞌ dai nañ bhaiꞌ ba daibuꞌ bhaiꞌ nañ paiꞌ dhɨr naiꞌr gɇꞌkam kaꞌ, na paiꞌ joidham jix chu abhaar.

LUUKAS 10:7

Chaꞌpim naiꞌ pɨx tɨbiappuidhaꞌ kikcham, miꞌ ji na pim juruuñdhaꞌ paiꞌ nam jam aichdhaꞌx bhaiꞌ jam tɨɨdai. Na pim paiꞌ bɨɨx xi chu ja aꞌgidhai gu jaꞌtkam guiꞌ nam mi jaꞌp jup oiꞌñkaꞌ na pim baꞌ ba jimiaꞌ miꞌ dhɨr. Gio gu koiꞌ, miꞌ puiꞌ tu kuaꞌdaꞌ pim tuꞌ nam jam maakdaꞌ, gio gu suudaiꞌ miꞌ jam toiꞌdhidhaꞌ am, na guꞌ na pim jax bax maat gu jaroiꞌ noꞌ tuꞌ bhaan tu juan, mi buusnidhaꞌ gu maiꞌchɨk gaꞌn.

LUUKAS 12:42

Baꞌ gu Jesuus jup tɨtda: ―Dho puiꞌ na maaꞌn gu gɇꞌkam ɨp noꞌt mɨk jaꞌk bhɨi na miꞌ xi dhoꞌñchoi maaꞌn gu tujuandam kiaꞌmiꞌñ, na miꞌ ka tu ja maakdaꞌ gu maamraꞌn ganaiꞌ jajaaꞌnniꞌñ na paiꞌ dhuuk jum aajidhaꞌ nam tu kuaꞌdaꞌ.

LUUKAS 8:3

Gio baꞌ jumai Juana tɨɨgɨm ɨp, Kuusa gu bɨngaꞌn. Gu Kuusa jir diꞌ na ja aaꞌñdhat gu tujuandam tugiꞌñ gu Eroodis nam jax jaꞌk tu duñiidhaꞌ. Gio baꞌ jumai Susaana tɨɨgim jup jimdaꞌ, gam jaiꞌ muiꞌ gu uꞌuub. Bɨɨx guiꞌ gu uꞌuub tu sabaꞌdaidhat gu koiꞌ dɨɨlh ja tumñiꞌ kɨꞌn tu ja uaꞌtulhiꞌñdhaꞌ am bɨɨx guiꞌ nam jɨꞌk maap jiimdaꞌ.

2 KORIINTO KAM 5:10

Na guꞌ bɨɨx buiñor guꞌkiaꞌ ich nach jɨꞌk jaꞌtkam kaꞌ na paiꞌ daakaꞌ nar gɇꞌkam kaꞌ, guiꞌ baꞌ dɨɨlh pu tɨꞌyaꞌ na tuꞌr jich maiꞌchɨk kaꞌ bɨɨx jɨꞌmaꞌn tuꞌ nach jax dhuñiaꞌ yaꞌ dhi oiꞌñgaꞌn bhaan, piam ku guꞌ nach jich chulhiiñaꞌ pɨx jir jich maiꞌchɨk.

TIITO 1:7

Na guꞌ gu jaroiꞌ na tu ja aꞌgiꞌñdhaꞌ guch Xoiꞌkam jɨɨgiꞌñdham, dhiꞌ gu Dios na bhaankam miꞌ puiꞌ tu buadaꞌ. Puiꞌ ku baꞌm aaꞌ na tuꞌ kaꞌm tɨ nɨidhat miꞌ puiꞌ jimdaꞌ na jax jix aaꞌ, na cham tuꞌ dɨɨlh pɨx xim joiꞌgɨꞌndaꞌ, ni ku cham bhammukdaꞌ, ni ku cham maimmukdaꞌ, ni ku cham joojoiꞌñdhaꞌ na ja gɨɨbdaꞌ gu jaiꞌ, ni ku cham jix maiꞌchim kaꞌ gu tuumiñ na kɨꞌn jix chu sabaꞌdam kaꞌ gu tuꞌ na pu cham tuꞌ mim nɨnɨiꞌñ buiñor gu Dios.

ISRAEL KAM 9:28

Puꞌñi ɨp guch Xoiꞌkam janoꞌ nat yaꞌ xi ɇɇk, maaꞌnnim pɨx jum makgɨrta jich aꞌmkam, dhiꞌ kɨꞌn pu ba tu namkix bɨɨx maaꞌn jimdam nam jix uꞌuaꞌtulhdhix gu jaꞌtkam yaꞌ dhi oiꞌñgaꞌn. Baꞌ xib na gio bhaiꞌp jimdaꞌ, cham tuꞌ na gioch aꞌmkam jup ka mukiaꞌ na tuch ñamkixdhaꞌ guch uaꞌtulhdharaꞌ, jaꞌpji daipuꞌ na bha ja baiꞌñmɨraꞌ pɨx guiꞌ nam jɨꞌk puꞌñi tɨ nɨɨra na bha ja baiꞌñmɨraꞌ miꞌ puiꞌ ji jiimɨt na jax jix aaꞌ.

1 PEEGRO 4:10

Na guꞌ aapiꞌm xi jam joiꞌndat jam aꞌm ba tɨ nɨidhim gu Dios, puiꞌ ku pim baꞌ aapiꞌm puiꞌp jix ja joiꞌndat xi chu ja maakidhat gu jaiꞌ gu tuꞌ na jam maakidhaꞌ xi jam joiꞌndat guch Gɨꞌkoraꞌ. Puiꞌ pim xi chu duñiidhaꞌ jax ña pim jaꞌk jix joojoiꞌñdhaꞌ na pim bhaankamuꞌn tu juanaꞌ gu Dios, nat guꞌ bɨɨx jɨꞌmaꞌn ba jam maa na pim jax tu duñiaꞌ bhaankamuꞌn.