MATEO 20:7 - Tepehuano Tepehuán del Sureste (Durango)

⁷ Baꞌ guiꞌp kaiꞌch am: “Dho na cham jaroiꞌch umuagiꞌñ dho.” Baꞌ guiꞌp ja tɨtda ɨp gio: “Dho guꞌ aañ bha jam umuaꞌñdham dho na pim jiñ palhbuidhaꞌ na pim tu uꞌyaꞌ gu bhaidhaꞌ mu nañ paiꞌ tɨ ɨꞌɨɨx.” Baꞌ guiꞌ cham jax ji chɨꞌɨɨk jup ma oi mɨt na mɨt tu juanam.

MATEO 20:7 ပူးပေါင်းရင်းမြစ်များ

MATEO 20:1

’Baꞌ gu jaroiꞌ noꞌ bhaan ba tɨ nɨidhim gu Dios, jaꞌp ji buusan na jax gu jaroiꞌ noꞌ mu paiꞌ tɨ ɨꞌɨɨx gu bhaidhaꞌ. Baꞌ noꞌ bar am na paiꞌ dhuuk tu uꞌyaꞌ, kapbhuimuk ba ja umuaꞌñdharaꞌ gu tujuandam nam tu uꞌyaꞌ gu bhaidhaꞌ.

MATEO 20:6

Mɨkkat baꞌ nat jix ioꞌm ba ji jur, jaiꞌ giop ma ja umuaꞌñdham mu jaꞌp ɨrban gu gɇꞌ kiicham. Baꞌ ba ja tɨɨ ɨp jaiꞌ nam miꞌ pɨx jaꞌp daraa nam cham tuꞌ jax bua. Baꞌ ba ja tɨkkaꞌ na sap jax kum baꞌ cham tu juan, jup ja tɨtda: “¿Jax ku pim baꞌ cham tu juan jiñ jaaduñ? Yaꞌ pɨx pu daraa japim bɨx chanoolh.”

MATEO 20:8

Baꞌ gatuuk nat paiꞌ dhuuk ba ji chuk, jup tɨtda gu tujuandam tugiꞌñ guiꞌ na miꞌ tɨ ɨꞌɨɨx kaꞌ gu bhaidhaꞌ: “Eap baꞌ xib bhaiꞌ xi ja baiꞌñ guiꞌ na mɨt jich palhbui na mɨt tɨ ɨꞌkɨ gu bhaidhaꞌ, miꞌp xi ja namkidhaꞌ. Bɨɨpɨꞌp bhaiꞌ ji ja namkidhaꞌ guiꞌ na mɨt jɨꞌk jix ioꞌm gatuuk yaꞌ ai, mu jaꞌk jap ji chɨɨmoꞌ ja bui guiꞌ na mɨt jɨꞌk kabuimuk dɨr bhaiꞌ ji chu jua.”

JUAN 9:4

Baꞌñ aꞌm jum aaꞌ nañ xip tu buimɨi nat jɨꞌk jax jiñ chɨɨꞌn guiꞌ nat bhañ joot, kapbhaiꞌ na kax chu maax, na guꞌ noꞌ bax chukgam, cham jax kax bhaaiꞌn kaꞌ.

GU NOONBIꞌÑ GUCH XOIꞌKAM 4:16

jup kaiꞌch am: ―¿Jax baꞌ jaꞌk jix bhaiꞌ nach ja duñiaꞌ dhi jaꞌtkam? Nam guꞌ moo bɨɨx puiꞌp bax chu maat gu jaꞌtkam gu yaꞌ kam Jerusaleen na mɨt duaꞌñ guiꞌ na kax maꞌmkulhiꞌ kat. ¿Jax gi dhuip ja iattulhdhaꞌ ich?

ROOMA KAM 16:25

Dai gu Dios jix bhaaiꞌ nach gɇꞌkamtuꞌndaꞌ, na guꞌ dai guiꞌx bhaaiꞌ na gammɨjɨ sɨlh jam bhɨichdhatgɨdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam, dhiꞌ nax bhaaiꞌ na miꞌ dhɨr baabuꞌ gu jaroiꞌ na mu jaꞌk ka jimdaꞌ na paiꞌ gammɨjɨ miꞌ pup jum tulhiiñdhaꞌ. Dhiꞌr diꞌ nañ jax chuꞌm bhaan tu aꞌga aañ, gio dhix bhaiꞌm kaiꞌchdham ñiꞌook bhaan tu aꞌga guch Xoiꞌkam. Baꞌ dhiꞌ miꞌ puiꞌ tum duñiim na chich jax jaꞌk maat na ɨlhiiꞌñ gu Dios, pu bɨjɨk dɨr puiꞌ jaꞌk pum aa na tu duñiaꞌ gatuuk, pu bɨɨpɨꞌ dɨr nat chakuip dunaak dhi oiꞌñgaꞌn.

EEPESO KAM 6:8

Bax maat japim guꞌ na gu Dios tu ja makiaꞌ bɨɨx gu jaꞌtkam guiꞌ nam jɨꞌk buiñor tɨ jɨɨgiꞌñ guch Xoiꞌkam na tuꞌr ja maiꞌchɨk kaꞌ, jaꞌxbuiꞌ tu ja makiaꞌ nam jɨꞌx tuꞌx bhaiꞌm duukam jup tu duñiaꞌ yaꞌ dhi oiꞌñgaꞌn, cham jax bua sia kum jaiꞌ dhɨt puꞌñir tujuandam kat puiꞌ cham ja namkidhat piam ku guꞌ cham, na guꞌ gu Dios maaꞌn na jax pɨx ja ɨlhiiꞌñ.

KOLOOSAS KAM 1:26

Guiꞌñ aagɨt jup kaiꞌch nañ jix bhaiꞌ jam aagiꞌñdhaꞌ nat dɨɨlh gu Dios jax jaꞌk tu dai na tu duñiaꞌ puꞌñi gatuuk. Jix ioꞌm muiꞌ oidhaꞌp duu nat dɨr puiꞌ jaꞌk tu daasak, pu cham jaroiꞌ maatɨt kɇɇkɇꞌ na jax jir jum duukam kaꞌ. Xib baꞌx bhaiꞌ ka matgir na jax jir jum duukam, nat guꞌ dɨɨlh gu Dios pɨx jich aaꞌñ nach jɨꞌk jir jaꞌtkam tugiꞌñ.

ISRAEL KAM 6:10

Tɨɨꞌ na pim guꞌ joidham jir jix bhabhaiꞌkam, jix ja joiꞌndat ja palhbuiꞌñ japim gu jaiꞌ nam puiꞌp tɨ jɨɨgiꞌñ buiñor guch Xoiꞌkam kɨꞌn gu tuꞌ na ja aꞌm jum aagaidhaꞌ. Dhiꞌ ji baꞌ bhaan bax maatɨꞌ na jam aꞌm tɨ nɨiꞌñ gu Dios na joidham jix chu joiꞌgɨꞌn.