MATEO 20:5 - Tepehuano Tepehuán del Sureste (Durango)

⁵ Baꞌ nat miꞌ xi ja doꞌñchok, jaꞌxpɨx jix dhaam duuk jaiꞌ giop ma ja umuaꞌñdham. Baꞌ puiꞌp ba ja tɨtda nat paiꞌ dhuuk ba ja tɨɨ nat jax ja tɨɨdak ja baidhak gu jaiꞌ. Baꞌ xi ja baidhak mu xi ja doꞌñchok ɨp. Miꞌ dhɨr baꞌ jaꞌxpɨx mia ji dhunɨɨk, gio jaiꞌp ma ja umuaꞌñdham. Baꞌ ba ja tɨɨ ɨp jaiꞌ, baꞌ puiꞌp ba ja tɨtda nat jax ja tɨɨdak ja baidhak gu jaiꞌ. Baꞌ puiꞌp xi ja baidhak mu xi ja doꞌñchok ɨp.

MATEO 20:5 ပူးပေါင်းရင်းမြစ်များ

MATEO 20:4

Baꞌ puiꞌp ba ja tɨtda, jup kaiꞌch: “Aañ bha jam umuaꞌñdham jiñ jaaduñ na pim jiñ palhbuidhaꞌ na pim tɨ ɨꞌkiaꞌ gu bhaidhaꞌ mu nañ paiꞌ tɨ ɨꞌɨɨx.” Baꞌ guiꞌ cham jax ji chɨꞌɨɨk jup ma oi mɨt na mɨt tu juanam.

MATEO 20:6

Mɨkkat baꞌ nat jix ioꞌm ba ji jur, jaiꞌ giop ma ja umuaꞌñdham mu jaꞌp ɨrban gu gɇꞌ kiicham. Baꞌ ba ja tɨɨ ɨp jaiꞌ nam miꞌ pɨx jaꞌp daraa nam cham tuꞌ jax bua. Baꞌ ba ja tɨkkaꞌ na sap jax kum baꞌ cham tu juan, jup ja tɨtda: “¿Jax ku pim baꞌ cham tu juan jiñ jaaduñ? Yaꞌ pɨx pu daraa japim bɨx chanoolh.”

MATEO 27:45

Baꞌ nat jix dhaam ba ji dhuu, naiꞌ ji chum tukgamta, pu cham ka tu maax, nammɨ jix ioꞌm mia ji dhunɨɨk nat baꞌ gio bhaiꞌp jix chu maaxir.

JUAN 1:39

Baꞌ gu Jesuus jup ja tɨtda: ―Dho mummuni. Pu kani gor maik na pim baꞌ tɨ tɨgiaꞌ. Baꞌ guiꞌp ma oi mɨt mu kiaꞌmiꞌñ gu Jesuus. Miꞌm baꞌ xi dharaat alhio, na guꞌ pu puiꞌ ba jurnim, dumaalh pɨx ba duu na mɨt mu ai.

JUAN 11:9

Baꞌ gu Jesuus jup ja tɨtda: ―Dho na guꞌ dhiꞌ jaꞌpni jia na jax gu jaroiꞌ noꞌ tataab mu paiꞌ jimchuꞌ na cham jɨꞌxdhaꞌ moo jutbuip ba ɨlhiaꞌ mu paiꞌ, na guꞌ mu tɨ nɨidhidhaꞌ na paiꞌ jax tɨ kɨispaidhaꞌ, na guꞌx bhaiꞌx chu maax kaꞌ.

JUAN 4:6

nat paiꞌ kolhbixdhak gu suudaiꞌ. Baꞌ gu Jesuus jimdat mi jaꞌp jim jɨɨp na paiꞌ kolhbixdhix gu suudaiꞌ na bax magoontuꞌ nat guꞌ mɨk ba jii, nat guꞌ puiꞌx dhaam ba ji dhuu nat baꞌ miꞌ ka bhɨi.

GU NOONBIꞌÑ GUCH XOIꞌKAM 10:3

Baꞌ maaꞌnnim mia duuk na ka tu daan, ba tɨɨ maaꞌn gu nobiiꞌñ gu Dios nat buiñor bam maax na miꞌ dhɨr jaꞌp muiꞌ ba jim mu jaꞌk na paiꞌ ka tu daan, jup xi chɨtdaidhat: ―¡Aapiꞌ Korneelio!

GU NOONBIꞌÑ GUCH XOIꞌKAM 10:9

Baꞌ nam kiaꞌpɨx mummɨ ba aajim Joopi, na bar buimgidhak na kiaꞌpɨx jix dhaam ba duu, gu Peegro bhammɨ baꞌk dhaam ji chɨsdɨk bhaiꞌ ji chu daanɨ jix dhaam jaꞌk.

GU NOONBIꞌÑ GUCH XOIꞌKAM 3:1

Baꞌ maaꞌnnim mia duuk na paiꞌ dhuuk jum aꞌjɨdaꞌ na tum daandaꞌ bhaiꞌ na paiꞌr gɇꞌ chiop kaꞌ, ma jii gu Peegro gio gu Juan na mɨt ba tu daañim.