MATEO 20:34 - Tepehuano Tepehuán del Sureste (Durango)

³⁴ Baꞌ gu Jesuus cham jax ji chɨꞌɨɨk jix ja joiꞌmdak jup xi ja duduaꞌñdhak, dai nat bhaiꞌ pɨx xi ja daa ja buupui am, pux kɨkɨɨꞌp jum duu mɨt miꞌ jotmodaꞌ. Miꞌ dhɨr baꞌ dai na mɨt jaiꞌp ma oi mu jaꞌk na paiꞌ jim.

MATEO 20:34 ပူးပေါင်းရင်းမြစ်များ

MATEO 14:14

Baꞌ nat paiꞌ dhuuk bhammɨ dɨr ba ai gu Jesuus, nat jax muiꞌ ji chɨm bhaiꞌ dhɨr bhaan gu gɇꞌ kanuub, bhaiꞌ pɨx ji ja tɨɨ gu jaꞌtkam nam jix ioꞌm muiꞌ nammɨ juꞌ nam bhaiꞌp tuꞌiiꞌ juꞌñdharan gu gɇꞌ suudaiꞌ. Baꞌx joiꞌmdak ba ja tɨɨ, baꞌ bhaiꞌ ji ja duduaꞌñ gux kakoꞌkkam guiꞌ nam ja uaꞌ.

MATEO 15:32

Baꞌ ba ja bai gu Jesuus gu noonbiꞌñ, jup ja tɨtda: ―Jix joiꞌmdat ja nɨiꞌñ iñ dhi jaꞌtkam, na guꞌ cham jaiꞌch nam tuꞌ ka jugiaꞌ, na mɨt guꞌ baik tanoolh yaꞌ ba juruuñ aañ jiñ bui. Gio guꞌ cham jup jir am noꞌ ñich tɨip xi ja joot nam ba jimiaꞌ ja kiꞌaam jaꞌk, nam guꞌ mu paiꞌ tu kaamui miꞌ pup bɨtkaꞌ boi chaꞌm.

MATEO 20:33

Baꞌ guiꞌp kaiꞌch am: ―Dho nach puiꞌ tɨi ɨlhiiꞌñ dho nap xich dhuduaꞌñdhai gɨt nach cham ñiññia.

MATEO 21:1

Baꞌ bhammɨ amuub ba ai gu Jesuus na paiꞌr Jerusaleen, maaꞌn kap na paiꞌ puiꞌ tɨ tɨɨꞌ Betpajee, sonpan gu oidhaꞌ guiꞌ nam Oliibus kɨꞌn jup jix mat kaꞌ gu jaꞌtkam. Baꞌ ba ja jootos gook gu noonbiꞌñ nam tɨɨmɨlhdhapuꞌ maaꞌn gu bhuruꞌx,

MATEO 8:15

Baꞌ amuub xi ɇɇk miꞌ xi dhaa nobiꞌran. Baꞌ jotmodaꞌ jix bhaiꞌ ji chu tatdat, jix kɨɨꞌ dho guꞌp jum duu na ka ɇɇkat gu toiñdhiꞌ. Miꞌ dhɨr dho guꞌ dai nat bamgɨk ba tu ja onbaiꞌ.

MATEO 9:29

Baꞌ gu Jesuus bhaiꞌ xi ja daagɨk ja buupui am jup ja tɨtda: ―Ea ku gi na moo puiꞌ tu tuiꞌkaꞌ na pim jax kaiꞌch jiñ jaaduñ, na pim guꞌ aañ jiñ bui bax biiñak.

MATEO 9:36

Baꞌx joiꞌmdat ja nɨidhidhaꞌ gu Jesuus gu jaꞌtkam mu jaꞌp na paiꞌ jax aꞌjidhaꞌ, na guꞌ sap cham bhaaiꞌn kaꞌ nam jax xim buadaꞌ, gio na cham jaroiꞌ jaiꞌch na ja guguuxdhaꞌ. Jaꞌp ji buusan am na jax gu kakasnir noꞌ cham jaroiꞌ ja bipiaꞌ.

MAARKOS 7:33

Baꞌ gu Jesuus jaꞌp jaꞌk xi baidhak dɨɨlhkob palhɨɨp bhɨjɨ xi kɨɨꞌmpi naankaran, gio baꞌ nat xi xixbuidhak gu nobiiꞌñ palhɨɨp bhaiꞌ xi dhaa nɨɨnɨran.

LUUKAS 18:43

Baꞌ bhaiꞌ ji chɨ tɨɨ gu cham ñia kam nat puiꞌ xi chɨɨꞌn gu Jesuus, jix kɨɨꞌp jum duu. Baꞌ dai nat ba oi gu Jesuus xi taxchaabgidhidhat gu Dios jix dhaam jaꞌk. Sia puiꞌp xi taxchaabgidhim am gu Dios guiꞌ na mɨt jɨꞌk tɨɨ nat duaꞌñ gu Jesuus.

LUUKAS 22:51

Baꞌp ja tɨtda gu Jesuus: ―Chaꞌpim ja juandaꞌ. Bax bhaiꞌ. Baꞌ puiꞌ xi ja tɨɨdak giop xi dhuaꞌñdhak gu naakaꞌn guiꞌ na mɨt soñiich.

LUUKAS 7:13

Baꞌx joiꞌmdat tɨɨ gu Jesuus gu ubii nax buam jum aaꞌntugɨt suakim, jup tɨtda muiꞌ xi ɇɇk miaꞌn: ―Chaꞌp ka suakdaꞌ.

GU NOONBIꞌÑ GUCH XOIꞌKAM 26:18

Baꞌ dhiꞌ jaꞌp kaiꞌñkam jañ mum jootsaꞌ nap ja aagiꞌñdhaꞌ nam baꞌ ba machiaꞌ nam jax jaꞌk miꞌ puiꞌ jimiaꞌ nam baꞌ cham jix chu tukgam kɨr ka oipodaꞌ, nam baꞌ cham ka kaichgɨdaꞌ gu jaꞌook. Guꞌ jaꞌpji nam miꞌ puiꞌ ba jimiaꞌ ji na jax jix aaꞌ gu Dios, gio nam baꞌ ba tɨ jɨɨꞌñdhaꞌ aañ jiñ bui. Dhiꞌ puꞌñi jaꞌk duuk baꞌ ba uañchudhix kaꞌ gu ja uaꞌtulhdharaꞌ, gio na baꞌ ja aꞌm biꞌyaꞌ guiꞌ nat tuꞌ ba ja iimchuda guiꞌ na jɨꞌk ja aꞌm ba tɨ nɨidhim gu Dios.”

ISRAEL KAM 2:17

Baꞌm aagɨt na pu chuꞌm jup jum duñiaꞌ na jax gu jaꞌtkam yaꞌ kam dhi oiꞌñgaꞌn, na baꞌ miꞌ dhɨr bax bhaaiꞌn kaꞌ na ja palhbuidhaꞌ nam jax dhui cham maiꞌ ka suulhgix kaꞌ. Puiꞌ kut baꞌ maaꞌnkam jup jum duuk yaꞌ ɇɇk jich bui, baꞌ yaꞌm makgɨrta jich aꞌmkam na baꞌ puꞌñi duuji tuch uañdhaꞌ gu Dios bɨɨx guch uaꞌtulhdharaꞌ, nat guꞌch aꞌmkam ba muu guch Xoiꞌkam. Dhiꞌr diꞌ baꞌ xib guiꞌ nach aꞌmkam ñiok buiñor gu Dios, na puiꞌ tɨɨꞌntuꞌndaꞌ gammɨjɨ na tuch uañiꞌñkaꞌ guch uaꞌtulhdharaꞌ nach gammɨjɨ pɨx jich uaꞌtulhiꞌñ. Puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu ja daañxiꞌñdhaꞌ gu jaꞌtkam gio nam ja palhbuiꞌñdhaꞌ nam tu daandaꞌ buiñor gu Dios, na joidham jix chu joiꞌgɨꞌn.

1 PEEGRO 3:8

Baꞌ bɨɨx na pim jɨꞌk tɨ jɨɨgiꞌñ buiñor guch Xoiꞌkam, jam guguuxiꞌñ iñ na pim joidham jix bhaiꞌ kaiꞌchɨt tu oiꞌñkaꞌ. Joidham japim maaꞌn ñiꞌook xip duukat bɨɨx dhɨt xim ja joiꞌgɨꞌndaꞌ bɨɨx jɨꞌmaꞌn, panaas ku pim moo jir maaꞌn na pim jax pɨx ɨlhiiꞌñdhaꞌ bɨɨx jɨꞌmaꞌn, cham tuꞌ jaiꞌ maakam. Gam na pim joidham jir jix bhabhaiꞌkam kaꞌ ja bui gu jaiꞌ, gio na pim gampaiꞌ pɨx jum ɨlhiiꞌñdhaꞌ.