MATEO 19:19 - Tepehuano Tepehuán del Sureste (Durango)

¹⁹ Gio baꞌ nap tuꞌ kaꞌm nɨidhat gum taat gio gum naan. Gio baꞌ nap bɨɨx pɨx jix ja joiꞌgɨꞌndaꞌ gu jaꞌtkam sia nar jaroiꞌ kaꞌ gɨt, jaꞌp nap jax xim joiꞌgɨꞌndaꞌ aap dɨɨlh.”

MATEO 19:19 ပူးပေါင်းရင်းမြစ်များ

MATEO 19:20

Baꞌp kaiꞌch ɨp gio gu biapmaꞌ: ―Dho guꞌ aañ bɨɨx miꞌ puiꞌ tɨi duiñchuꞌ ji gu dhiꞌ puiꞌ nap jɨꞌk jax kaiꞌch jiñ jaduuñ. ¿Chi guꞌ moo cham ji jia?

MATEO 22:39

Gatuuk baꞌ moo miꞌ na paiꞌ jaꞌpnip jum kaiꞌch: “Jix ja joiꞌgɨꞌndaꞌ ap bɨɨx gu jaꞌtkam sia nar jaroiꞌ kaꞌ gɨt, jaꞌp nap jax xim joiꞌgɨꞌndaꞌ aap dɨɨlh.”

MATEO 5:43

’Gio baꞌ moo jaꞌpni jaꞌk jup jum tɨi ɨp na tu aagix kaꞌ na pim jax bax maat jiñ jaaduñ: “Dai guiꞌ nam cham jam bhaamkiꞌñdhaꞌ pim jix bhaiꞌ ja tɨtdadaꞌ, guiꞌ baꞌ nam xi jam bhaamkiꞌñ cham.”

LUUKAS 10:27

Baꞌp kaiꞌch: ―Dho sap nach gammɨjɨ tuꞌ kaꞌm nɨiꞌñdhaꞌ gu Dios, gio nach gammɨjɨ tɨꞌñchokaꞌ bɨɨx jich jujur kɨꞌn gio na jɨꞌx jich iꞌiiꞌmdaꞌ kɨꞌn, bɨɨx nach jɨꞌx pup jich chaat. Gio sap baꞌ nach jix joiꞌmdai tɨɨgɨix bhaiꞌ dhuñiaꞌ gu jaroiꞌ noꞌ tuꞌ bhaan jum tulhiiñ, panaas ku sap moo aach pɨx jir guiꞌ kaꞌ.

ROOMA KAM 13:9

Jaꞌpni tu aagix guꞌ buiñor gu Dios nach tu duiñchuꞌndaꞌ: “Chaꞌp jaiꞌ ja bɨɨm boppodaꞌ gu uꞌuub, daipuꞌ gum bɨɨnaꞌ nap jax chuꞌm bɨɨmaꞌn tu kiokaꞌ. Chaꞌp ja kooꞌndaꞌ gu jaꞌtkam. Chaꞌp jix joiꞌñdhaꞌ gu tuꞌ noꞌr jumai gaꞌn.” Baꞌ dhiꞌ puiꞌ na jax tu aagix, gam bɨɨx gu jaiꞌ, dhiꞌ pɨx bhaan jim tɨtmo na jaꞌpnim kaiꞌch: “Jix ja joiꞌmdat jap jix bhaiꞌ ja buadaꞌ gu jaꞌtkam sia nar jaroiꞌ kaꞌ gɨt. Puiꞌp jaꞌk jix ja joiꞌmdat jix bhaiꞌ ja buadaꞌ nap jax dɨɨlh xim joiꞌmdat jix bhaiꞌm buadaꞌ.”

GALAASIA KAM 5:14

na guꞌ bɨɨx gu jaiꞌ na jɨꞌk jax tu aagix, dhiꞌñi bhaan jim tɨtmo na jaꞌpnim kaiꞌch: “Jix joiꞌmdaip jix bhaiꞌ duñiaꞌ gu jaroiꞌ noꞌ tuꞌ bhaan jum tulhiiñ, sia moo nar jaroiꞌ kaꞌ gɨt, panaas ku moo aap pɨx jir diꞌ kaꞌ gu jaroiꞌ nam tulhiiñdhaꞌ.”

SANTIAGO 2:8

Guꞌ dhiꞌm aaꞌ ji na pim miꞌ puiꞌ xi chu daaꞌñchuꞌndaꞌ na jax jum kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: “Jix ja joiꞌndat jap jix bhaiꞌ ja buadaꞌ gu jaꞌtkam sia jaroiꞌ na pɨx, jaꞌp nap jax xim joiꞌndat jix bhaiꞌ buadaꞌ aap dɨɨlh.” Dhiꞌ jɨꞌ noꞌ pim puꞌñi jaꞌk duiñchuꞌ na pim baꞌ bhaan puiꞌ ba ɨlhiiꞌñdhaꞌ na pim miꞌ puiꞌ bhɨichuꞌ na jax jum kaiꞌch gu ñioꞌkiꞌñ gu Dios.