MATEO 18:7 - Tepehuano Tepehuán del Sureste (Durango)

⁷ Jaꞌp moox buam iam ja bui gu jaꞌtkam, nam guꞌ gammɨjɨ jaiꞌch kaꞌ ja bui guiꞌ nam ja baidhidhaꞌ nam jix buam jum duukam jup tu duiñpuꞌ. Ku baꞌ guꞌ gu jaroiꞌ na puꞌñi ja baidhidhaꞌ gu jaꞌtkam nam jum uꞌuaꞌtulhdhapuꞌ, giilhim joiꞌmdam jum duñiaꞌ ji gatuuk na paiꞌ dhuuk tulhiiñchudaꞌ gu Dios.

MATEO 18:7 ပူးပေါင်းရင်းမြစ်များ

MATEO 16:23

Guꞌ ji nat guꞌ jotmodaꞌ kuꞌ xi kɨkbok gu Jesuus jup tɨtda: ―Moop cham tuꞌ kɨꞌn jiñ juandaꞌ toobilhik, nap guꞌ cham puiꞌ ɨlhiiꞌñ na jax jix aaꞌ gu Dios, dai nam jax pɨx jaꞌk ɨlhiiꞌñ gu jaꞌtkam.

MATEO 26:24

Ku baꞌ guꞌ dhiꞌ na miꞌ pɨx puiꞌ ba jim ji na jax dhui pɨx puiꞌ jaꞌk tum kuugalhdhaꞌ na mɨt jax tu uaꞌnak guiꞌ nam bɨjɨk ya jaꞌp bhaankam tu aꞌgimɨk gu Dios nam aañ jiñ aagɨt jup kaiꞌchdhaꞌ nam saak puꞌñi bañ dhoodaꞌ aañ nañ xib bhaankam yaꞌ oirɨ guñ Gɨꞌkoraꞌ. Baꞌ guiꞌ na jaroiꞌ maaxik jiñ kɨɨsaꞌ, giilhim jum tulhiiñaꞌ. Jir am kat na moo pu cham jaiꞌch kaꞌ gɨt na baꞌ cham puꞌñim uaꞌtulhdhai bam tulhiiñaꞌ.

MAARKOS 13:7

’Guꞌ noꞌ moo bar miaꞌn, puiꞌ ba tɨ kaayaꞌ pim ji na jɨgialhchaꞌ miꞌ paiꞌ na pim jup tuiꞌkaꞌ piam maakam jaꞌk. Ku baꞌ guꞌ aapiꞌm cham jax jum aaꞌndaꞌ ji, na guꞌ dhiꞌ puiꞌ ji chu buusniaꞌ sia pɨk jax kaꞌ gɨt, giilhim jix buam tum buidhaꞌ, ku guꞌ chakuir dhiꞌ kaꞌ ji na paiꞌ dhuuk pɨk tum kuugalhdhaꞌ.

LUUKAS 17:1

Baꞌp ja tɨtda ɨp gio gu Jesuus guiꞌ nam kaichuꞌ: ―Gammɨjɨ pɨx jix jaiꞌch kaꞌ am gu jaꞌtkam nam tu baidhidhaꞌ mu jaꞌk na paiꞌx chu uaꞌtulhdhix. Tɨiñ jix buam jiñ aaꞌndaꞌ bhaankam gu jaroiꞌ noꞌt jax dhuukat maadɨt aapiꞌm mu jaꞌk jam bhɨich na pim kiaꞌpɨx jiñ bui ba tɨ jɨɨgiꞌñ, na guꞌ miꞌ dhɨr cham bhaiꞌ ka tu jimiaꞌ na puiꞌ xi jam doodai.

JUAN 17:12

Na guꞌ aañ nañ jɨꞌx ja bɨɨm oilhimɨk, siamri cham tuꞌ maaꞌn jiñ ñakgak maiꞌ gɨi ji, nañ guꞌx bhaiꞌ ja nuukdaidhat gam nañ ja palhbuiꞌñchuꞌndat bɨɨx aixim bhaan. Dai dho siamri guiꞌ na maaxik jiñ kɨɨsaꞌ nam boiñ bhɨichdhaꞌ na baꞌ maiꞌ ba gɨɨxix, na jax pu pu chuꞌm kɨꞌn daaxix na baꞌ bhaan jum kuugalhdhaꞌ nat jax tum uaꞌnak bɨjɨk nam dhiꞌ aagat jup kaiꞌch.

GU NOONBIꞌÑ GUCH XOIꞌKAM 1:16

―Yaꞌ mam kuugalh jiñ jaaduñ gu puiꞌ nat jax jaꞌk jurtudak gux Dhuuduꞌ kam jix Uañ Iiꞌmdaꞌ gu Dabii nat baꞌ puiꞌ jaꞌk tu uaꞌnak na saak puꞌñi ba ji chu buusniaꞌ gatuuk, na bhaan tu aꞌga gu Juudas kat guiꞌ nat boi bhɨich gu Jesuus nat iattulhdham,

1 KORIINTO KAM 11:19

Gio guꞌ maaxik jup jum aagɨt na pim puꞌñim jɨꞌdɨlhkadaꞌ na pim baꞌ bhaan matgilhiaꞌ na pim jir jaroiꞌ dhaꞌ guiꞌ na pim tuꞌ sɨlhkam kaichuꞌ guch Xoiꞌkam.

1 TIMOTEO 6:1

Jaiꞌ dhɨt guch Xoiꞌkam jɨɨgiꞌñdham nam tu ja juantuꞌn puiꞌ cham ji ja namkidhat, jum aaꞌ nam tuꞌ kaꞌm ja nɨidhat miꞌ puiꞌ xi dhuñiidhaꞌ tuꞌ nam ja chiandaꞌ gu ja gɇꞌgɇrkam tuk nam baꞌ bɨɨx pɨx jix bhaiꞌ aaꞌndaꞌ gu Dios gio gu ñioꞌkiꞌñ dhiꞌ nach aach bhaan tu aꞌga.

TIITO 2:5

Dɨɨlh jam puiꞌp xim gaꞌngidhat nam jax jaꞌk miꞌ puiꞌ jiimdaꞌ na jax jix kɨɨꞌ kaꞌm nɨiꞌñ gu Dios, nax uꞌuañ jup tuiꞌñgɨdaꞌ gammɨjɨ gu ja iꞌiiꞌmdaꞌ. Gio nam jix bhaiꞌ tu buaꞌt mu jaꞌp ja kiikiaꞌ am, gio nam jix chu joiꞌgɨꞌndaꞌ, gam nam jix ja kɇɇkɇt gu ja bɨpnaꞌ. Puꞌñi jaꞌk jum aaꞌ nach tu duiñchuꞌndaꞌ na baꞌ cham jaroiꞌ buam aꞌgaꞌ gux bhaiꞌm kaiꞌchdham ñioꞌkiꞌñ gu Dios.

TIITO 2:8

Noꞌch bɨɨx puiꞌ tu duiñchuꞌ dhiꞌ nañ jɨꞌk jax kaiꞌch, cham jaroiꞌ buam jich aꞌgadaꞌ, nam guꞌch nɨiꞌñdhaꞌ nach jix bhaiꞌ tu jimdaꞌ, jix xiꞌɨraam jum aagat jich ñɨiꞌñdhaꞌ am pɨx.

JUUDAS 1:4

Tɨix buam jiñ aaꞌ iñ guꞌ na mɨt bhɨjɨ ba ji kaiꞌñcha jam bui guiꞌ nam tu iatgiꞌñ, nam puiꞌ kaiꞌch na sap cham tum aaꞌ nach tuꞌ kaꞌm nɨiꞌñdhaꞌ guch Xoiꞌkam, na guꞌ sap pur cham tuꞌ. Gam nam puiꞌ kaiꞌchɨt oipo na sap cham jɨꞌxdhaꞌch chulhiiñchudaꞌ gu Dios sia kuch jix buam tu bua na jax cham kɨɨꞌ kaꞌm nɨiꞌñ, na guꞌ sap guiꞌr jix bhaiꞌkam, cham jɨꞌxdhaꞌ na moop ba jich chulhiiñchudaꞌ. Ku baꞌ guꞌ dhiꞌ am tɨꞌñchokaꞌ am ji nax ioꞌm ja tulhiiñchudaꞌ guch Gɨꞌkoraꞌ, na mɨt guꞌ giilhim gɇꞌ bam uaꞌtulh buiñor. Puiꞌ jaꞌk tu daaxix gu ñioꞌkiꞌñ miꞌ nat paiꞌ tum uaꞌnak bɨjɨk na jax ja doodaꞌ gu puꞌñi chuꞌm gu jaꞌtkam. Cham jir am guꞌ gu puiꞌ nam jax kaiꞌchɨt oipo bhaan xim iatat nam sap pɨk baꞌ tɨ jɨɨgiꞌñ nat gu Dios jix ja joiꞌndak ja palhbui, guꞌ na jax dhui pɨx bhaan cham maatɨꞌ kaꞌ ji nam cham kɨɨgalhdhat jix bhaamut aaꞌ guch Xoiꞌkam, gam nam bɨɨx aixim tu bua na jax cham kɨɨꞌ kaꞌm nɨiꞌñ.