MATEO 18:4 - Tepehuano Tepehuán del Sureste (Durango)

⁴ Baꞌ gu jaroiꞌ na puiꞌm ɨlhiiꞌñdhaꞌ na jax gu alhii na soiꞌm ɨlhiiꞌñdhaꞌ, dhiꞌ jɨꞌ ji na bar gɇꞌkam kaꞌ jix dhaam jaꞌk buiñor gu Dios.

MATEO 18:4 ပူးပေါင်းရင်းမြစ်များ

MATEO 18:1

Baꞌ moo jaꞌpni bhaiꞌp ba tɨkka am gu Jesuus gu noonbiꞌñ, jup tɨtda am: ―¿Jaroo chi baꞌx ioꞌm jir gɇꞌkam kaꞌ jix dhaam jaꞌk buiñor gu Dios?

MATEO 18:3

jup ja tɨtda: ―Tuꞌ sɨlhkam kɨꞌn jañ yaꞌ pu jam tɨtda, gu jaroiꞌ noꞌ cham puiꞌm ɨlhiiꞌñ na jax dhiꞌñi alhii, cham jɨꞌxkat jimiaꞌ jix dhaam jaꞌk buiñor gu Dios.

MATEO 18:5

Guꞌ baꞌ gu jaroiꞌ noꞌt jix bhaiꞌ ba duu gu jax chuꞌm alhii aañ jiñ aꞌmkam jaꞌp na jax dhiꞌñi nañ yaꞌ daaꞌ, jaꞌp ji buusniaꞌ nat aañ jix bhaiꞌ bañ dhuu.

MAARKOS 10:43

Guꞌ matgam noꞌ pim aapiꞌm jix aaꞌ na pim jir gɇꞌgɇrkam kaꞌ, jum aaꞌ ji na pim soiꞌm duukat ja palhbuiꞌñdhaꞌ gu jaꞌtkam, sia nar jaroiꞌ,

MAARKOS 9:34

Pu cham jaroiꞌ ñiok, nam guꞌx xiꞌɨr, nam guꞌm tɨ tɨkkaim na jaroiꞌ jix ioꞌm jir gɇꞌkam guiꞌ nam jɨꞌk bha jiimchuꞌ dai guiꞌ nam jɨꞌk kaichuꞌ.

LUUKAS 14:11

Na guꞌ gu jaroiꞌ noꞌ gampaiꞌm ɨlhiiꞌñ, joidham jix kɨɨꞌ kaꞌm nɨiꞌñdhaꞌ am gu jaꞌtkam, guꞌ cham tuꞌ kɨɨꞌ kaꞌm nɨiꞌñdhaꞌ am ji noꞌ dai gɇꞌkam jum taat.

LUUKAS 9:48

jup ja tɨtda: ―Noꞌ jaroiꞌ maadɨt aapiꞌm jiñ buix biiñak kat jix bhaiꞌ ba duu maaꞌn gu alhii jaꞌp na dhiꞌñi, dhiꞌ aañ nax bhaiꞌñ dhuñiaꞌ. Guꞌ baꞌ gu jaroiꞌ na aañ jix bhaiꞌñ dhuñiaꞌ, guñ Gɨꞌkoraꞌ nax bhaiꞌ duñiaꞌ ɨp nat bhañ joot jix dhaam dɨr. Baꞌ dhiꞌ jaꞌpniñ kaiꞌñkam jup jam tɨtda na gu jaroiꞌ noꞌx aaꞌ nar gɇꞌkam kaꞌ ja bui gu jaiꞌ, jum aaꞌ na cham tuꞌ tuꞌ jim ɨlhdhat jix bhaiꞌ ja buadaꞌ gu jaiꞌ, dhiꞌ baꞌ puiꞌ bam kaiꞌch nar gɇꞌkam.

SANTIAGO 4:10

Gio na pim gampaiꞌ pɨx bam ɨlhiiꞌñdhaꞌ buiñor gu Dios, cham tuꞌ na pim bhaan ka tɨtɨɨꞌñchokaꞌ gu tuꞌ yaꞌ kam dhi oiꞌñgaꞌn, na baꞌ miꞌ dhɨr puꞌñi xi jam joiꞌndai gio jam aꞌm jup ba tɨ nɨidhidhaꞌ, gam na ba jam palhbuiꞌñchuꞌndaꞌ tuꞌ na pɨx bhaan.

1 PEEGRO 5:5

Guꞌ baꞌ aapiꞌm jiñ jaaduñ na pim kar biipibop, jam guguuxiꞌñ iñ ɨp na pim siamri tuꞌ kaꞌm xi ja nɨidhat guiꞌ nam jam aagiꞌñ gu ñioꞌkiꞌñ gu Dios, nam guꞌ guiꞌx ioꞌm bax maat, nam guꞌ bɨjɨk dɨr ba tɨ jɨɨgiꞌñ buiñor guch Xoiꞌkam. Jam guguuxiꞌñ iñ ɨp na pim jix bhaiꞌ xi kaiꞌchɨt bɨɨx jɨꞌmaꞌn, chaꞌpim jaiꞌ dhɨt gɇꞌgɇrkam jum taatɨt tuꞌ pɨx ja ɨlhiiꞌñdhaꞌ gu jaiꞌ. Jaꞌpji gampaiꞌ pɨx na pim jum ɨlhiiꞌñdhaꞌ bɨɨx jɨꞌmaꞌn, na guꞌ jaꞌpnim kaiꞌch gu ñioꞌkiꞌñ gu Dios miꞌ na paiꞌ tu uaꞌñix: Cham tuꞌ ja kɨɨgalhiꞌñ gu Dios guiꞌ nam gɇꞌgɇrkam jum taatɨt giilhim xim ɨlhiiꞌñdhaꞌ, ni ku ja aꞌm tɨ nɨiꞌñdhaꞌ, dai guiꞌ nam jɨꞌk gampaiꞌ pɨx jum ɨlhiiꞌñdhaꞌ na baꞌ joidham jix ja joiꞌndat ja aꞌm tɨ nɨidhidhat ja palhbuiꞌñchuꞌndaꞌ tuꞌ na pɨx bhaan.