MATEO 18:15 - Tepehuano Tepehuán del Sureste (Durango)

¹⁵ ’Guꞌ baꞌ noꞌ jax dhuukat aapiꞌm maadɨt tuꞌ jax ma jam duiñ gu jax chuꞌm jam jaduuñ, jix bhaiꞌ nap mu jaꞌp dɨlhkob xi baabui xi chu aꞌgidhaꞌ na cham bhaiꞌ na puiꞌ tu buadaꞌ. Baꞌ noꞌ jax kaiꞌch na cham puiꞌ ka tu buadaꞌ, dho guꞌ puiꞌ dho na pim jax jix bhaiꞌ ba kaiꞌchdhaꞌ na jax bɨɨpɨꞌ dɨr.

MATEO 18:15 ပူးပေါင်းရင်းမြစ်များ

KOLOOSAS KAM 3:13

Xi ñakooꞌndaꞌ pim noꞌt jaroiꞌ maadɨt tuꞌ cham am bua jam bui, cham tuꞌ na pim tukgɨi puiꞌp doodaꞌ. Tu uañiꞌñkaꞌ pim pɨx, jaꞌp na jax guch Xoiꞌkam nat tu jam uañ na pim buiñor jix uꞌuaꞌtulhdhix kat.

GALAASIA KAM 6:1

Jaꞌp jañ jup xi jam tɨɨdam jiñ jaaduñ jich Xoiꞌkam bhaan, noꞌt jaroiꞌ tuꞌ bhaan mam uaꞌtulh, xi palhbuidhaꞌ pim aapiꞌm na pim miꞌ puiꞌ jiim, xi aagiꞌñdhaꞌ pim jix bhaiꞌ pɨx na jax jaꞌk jix bhaiꞌ miꞌ puiꞌ jimdaꞌ. Gio aapiꞌm dɨɨlh miꞌ puiꞌp xi jiimɨt, xi gaagidhaꞌ pim na jax jaꞌk cham jam maiꞌchiaꞌ gux buam jum duukam.

2 TESALOONIKA KAM 3:15

Ku guꞌ cham tuꞌ ji na pim moop jix bhaamkiꞌñdhaꞌ, iimdaꞌ pim ji nar jam jaduuñ jich Xoiꞌkam bhaan na baꞌ cham xiꞌ pɨk jix buam jum aaꞌndaꞌ.

MATEO 18:35

Baꞌ miꞌ pɨx juugɨt tu aꞌga gu Jesuus gu dhiꞌ puꞌñi jaꞌk. Miꞌ dhɨr baꞌ moop ja tɨtda: ―Baꞌ aapiꞌm puꞌñip jam doodaꞌ guñ Gɨꞌkoraꞌ guiꞌ nax dhaam jup tuꞌiiꞌ noꞌ pim cham tu ja uañiꞌñ gu jam jaaduñ bɨɨx jam jujur kɨꞌn.

ROOMA KAM 12:21

Jaꞌkbuiꞌ pim maiꞌchɨkdaꞌ gux buam jum duukam kɨꞌn gux bhaiꞌm duukam na pim jup tu buadaꞌ, cham tuꞌ na jaꞌkbuiꞌ kat jam maiꞌchɨkdaꞌ.

1 PEEGRO 3:1

Gio aapiꞌm uꞌuub jiñ jaaduñ jich Xoiꞌkam bhaan na pim tɨ bɨpnaꞌ, jam guguuxiꞌñ iñ ɨp na pim siamri tuꞌ kaꞌm xi ja nɨidhat gu jam bɨpnaꞌ na pim maap tu oiꞌdhaꞌ, na baꞌ guꞌ noꞌm jax dhuukat jaiꞌ dhɨt cham tɨ jɨɨgiꞌñ buiñor guch Xoiꞌkam, saalhiom bhaiꞌ ji chɨ jɨɨꞌñdhaꞌ am, dai nam xi jam nɨiꞌñdhaꞌ pɨx noꞌ pim aapiꞌm joidham jir jix bhabhaiꞌkam ja bui. Cham pɨk jum aaꞌndaꞌ baꞌ na pim gammɨjɨ tu ja aꞌgiꞌñdhaꞌ gu ñioꞌkiꞌñ gu Dios,

1 KORIINTO KAM 8:12

Gio guꞌ aach nach bax kaapak buiñor guch Xoiꞌkam, noꞌch puꞌñi tu kuaꞌ piam tuꞌ noꞌch jax bua ja nɨiꞌñchudat guiꞌ nam cham bhaiꞌ kaapak buiñor guch Xoiꞌkam, jix buam jum aagɨt jich ñɨiꞌñdhaꞌ guch Xoiꞌkam, nach guꞌ uaꞌtulhdharaꞌ tɨr ja iabutuꞌndaꞌ gu jaꞌtkam tugiꞌñ.

2 KORIINTO KAM 7:12

Na ñich paiꞌ dhuuk mu tu jam uaꞌñ, cham paiꞌ jax jiñ aaꞌ iñ noꞌp bar jiñ kuiñcha kaꞌ gatuuk, nañ guꞌ pu cham maat noꞌ pim dhiꞌ kɨꞌn jix buam jup jum ɨlhdhaꞌ. Puiꞌ ñich pɨx jiñ aagɨk mu tu jam uaꞌñ Dios buiñor na gɨt iam dhiꞌ bhaan matgilhiaꞌ noꞌ pim tuꞌ sɨlhkam jix buam jum aagɨt jich chɨꞌñcho piam ku guꞌ cham.

1 TESALOONIKA KAM 4:6

Ni ku pim cham jix joidhat nɨiꞌñdhaꞌ gu jax chuꞌm jich Xoiꞌkam jɨɨgiꞌñdham gu bɨngaꞌn, ni jaroiꞌ jax chuꞌm jumai. Noꞌ jax dhuukat jaroiꞌ puiꞌ jaꞌk tu jim, Dios dhox ioꞌm tulhiiñchudaꞌ cham joiꞌmdai, nach guꞌ tɨi pu ba jam aagiꞌñdhaꞌ.

MATEO 18:14

Baꞌ puꞌñi ɨp guñ Gɨꞌkoraꞌ nax dhaam jup tuꞌiiꞌ, cham aaꞌ na jaroiꞌ maadɨt maiꞌ gɨxiaꞌ dhiꞌ dhi aꞌaalh.

MATEO 18:21

Baꞌ gu Peegro mu jimɨɨk amuub bhaiꞌ ba tɨkka gu Jesuus, jup tɨtda: ―¿Guꞌ baꞌ jɨꞌkim jix bhaiꞌ nañ pu tɨɨdaꞌ gu jax chuꞌm jiñ jaduuñ noꞌt tuꞌ jax jiñ duiñ nañ puiꞌ pɨx ka tu uañiꞌñkaꞌ, jɨꞌk xijum gookim aa?

TIITO 3:10

Noꞌ jaroiꞌ maadɨt miꞌ paiꞌ maakam ja aagiꞌñ guch Xoiꞌkam jɨɨgiꞌñdham, dɨlhkob jap xi baidhai xi chu aꞌgidhaꞌ na cham jir am na jax jaꞌk tu jim. Baꞌ noꞌ cham jum jɨɨgiꞌñ, jaꞌp jap tɨɨdaꞌ na buusniaꞌ miꞌ dhɨr ja bui guch Xoiꞌkam jɨɨgiꞌñdham, cham tuꞌ na miꞌ oirɨt maakam ja aagiꞌñdhaꞌ.