MATEO 17:20 - Tepehuano Tepehuán del Sureste (Durango)

²⁰ Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

MATEO 17:20 ပူးပေါင်းရင်းမြစ်များ

MATEO 13:31

Baꞌ jumai bhaan ji uaꞌrgidhak gio bhaiꞌp ji chu ja aꞌgi gu Jesuus gu jaꞌtkam, jup ja tɨtda: ―Jaꞌpni jaꞌk jup ji buusan gu jaroiꞌ noꞌ bhaan ba tɨ nɨidhim gu Dios, na jax gu jaroiꞌ noꞌt mu paiꞌ ɨi gu mostaasa kai.

MATEO 14:29

Baꞌ gu Jesuus jup tɨtda: ―Dho kap bhaiꞌ xi jim. Baꞌ gu Peegro nat jax jup tɨm bhaiꞌ dhɨr bhaan gu gɇꞌ kanuub, gamaiꞌ pɨx chuꞌp jum duu bɨɨx suudaiꞌ dhaam mu jaꞌk na paiꞌ dhɨr bha jim gu Jesuus.

MATEO 17:17

Baꞌp kaiꞌch gu Jesuus: ―¿Moo jaꞌp chakui bɨɨx jam jujur kɨꞌn jix biiñak japim aa buiñor gu Dios? ¿Jɨꞌx jañ baꞌ yaꞌ pu oirɨt jup jam aagiꞌñdhaꞌ? Bhaiꞌ gor jiñ baiꞌñxiꞌñbop gux koꞌkkam yaꞌni jaꞌk.

MATEO 17:19

Baꞌ gatuuk mu jaꞌp dɨlhkob ba tɨkka am gu Jesuus guiꞌ nam kaichuꞌ, jup tɨtda am: ―¿Jax baꞌr jum duukam chi ku chich baꞌ aach cham jɨꞌxkat maiꞌ joot gu cham kɨɨꞌ iiꞌmdaꞌ bhaiꞌ dhɨr bhaan gu biapmaꞌ?

MATEO 17:9

Baꞌ giop ba jii mɨt bhaiꞌ dhɨr oidhaꞌ taꞌm. Baꞌ nammɨ paiꞌ aꞌnsap nam ba juurkichuꞌ, jup ja tɨtda gu Jesuus nam sap chakui jaroiꞌ aagiꞌñdhaꞌ gu puiꞌ na mɨt jax tɨ tɨɨ, jup kaiꞌch: ―Moo pim chakui jaroiꞌ aagiꞌñdhaꞌ gu dhiꞌ puiꞌ na pimɨt jax tɨ tɨɨ. Dai noꞌ ñich muukɨk giop ba dua na pim baꞌ ba tu aaꞌndaꞌ.

MATEO 21:21

Baꞌp ja tɨtda gu Jesuus: ―Dho na bhaan jix maatɨꞌ kaꞌ na cham tuꞌ daipuꞌ puꞌñix bhaaiꞌ na pim pu tu duñiaꞌ noꞌ pim jix biiñak buiñor guñ Gɨꞌkoraꞌ, guꞌ jaꞌpji sia ji guꞌñi oidhaꞌ noꞌ pim jax tɨtda: “Eap yaꞌ dɨr jaꞌk jim muni jaꞌk na paiꞌ gɇꞌ suuꞌn gu suudaiꞌ”, dho guꞌ puiꞌ dho ji chu buusniaꞌ noꞌ pim bɨɨx jam jujur kɨꞌn tɨ jɨɨgiꞌñ na puiꞌ ji chu buusniaꞌ na pim jax tɨꞌyaꞌ.

MATEO 8:26

Baꞌ ñiñiak jup ja tɨtda gu Jesuus: ―¿Kux moo jaꞌp chakui bɨɨx jam jujur kɨꞌn jix biiñak japim aa aañ jiñ bui ku pim baꞌ moo jaꞌp jup bax chotdontuꞌ? Baꞌ puiꞌ xi chɨꞌɨɨk bamgɨk xi ñiok gu jɨbɨɨlh gio gu suudaiꞌ. Baꞌ miꞌ jotmodaꞌ naiꞌ ampɨx ji chu juu, pu cham paiꞌ ka jɨbɨɨr, ni gu suudaiꞌ ku ka guꞌnguk.

MAARKOS 11:22

Baꞌp ja tɨtda gu Jesuus: ―Dho puꞌñi ku pim jix ioꞌm muiꞌ xim biiñkadaꞌ buiñor gu Dios.

MAARKOS 11:23

Tuꞌ sɨlhkam kɨꞌn jañ yaꞌ pu jam tɨɨdaꞌ, noꞌ jaroiꞌ jax tɨtda dhi oidhaꞌ: “Jaꞌk jim yaꞌ dɨr, mup jimiaꞌ na paiꞌ gɇꞌ suuꞌn gu suudaiꞌ”, noꞌ moo jaꞌp tuꞌ sɨlhkam jix biiñak bɨɨx juraaꞌn kɨꞌn, noꞌ moo pɨx pum aaꞌ nar puiꞌ kaꞌ na jax tɨꞌyaꞌ, puiꞌ dho ji chu buusniaꞌ, kux baꞌ cham ɨp.

MAARKOS 4:31

Jaꞌpni dho ji buusan na jax gu mostaasa kai nar ɨlhiꞌch alh, pu ni jax chuꞌm kaichuk kur jaꞌxbuiꞌ.

MAARKOS 9:23

Baꞌp tɨtda gu Jesuus: ―Dho guꞌ noꞌp guꞌ bax biiñak kaꞌ buiñor guñ Gɨꞌkoraꞌ, xib dho puiꞌ ji chu buusniaꞌ, na guꞌ guiꞌ cham tuꞌ xijaichuꞌn.

LUUKAS 1:37

Jax dhui na guꞌ gu Dios cham tuꞌ xijai kam ɨlhiiꞌñ gu tuꞌ na jax dhuñiaꞌ.

LUUKAS 17:6

Baꞌ gu Jesuus jup ja tɨtda: ―Jax dhui na pu ni palhɨɨp ku pim iam jix biiñak buiñor gu Dios. Kani noꞌ pim sia jaꞌxbuiꞌ buiñor jix biiñak kaꞌ gɨt na jɨꞌx gu kaiꞌñ gu mostaasa, baꞌ noꞌ pim jax tɨtda dhi tua na miꞌñi kɨɨk na dɨɨlh jum takbunai mummɨm daasaꞌ na paiꞌ gɇꞌ suuꞌn gu suudaiꞌ, puiꞌ dhop ji buusniaꞌ gɨt.

LUUKAS 18:27

Baꞌp ja tɨtda gu Jesuus: ―Jax dhui na cham tuꞌ xijaim ɨlhiiꞌñdhaꞌ gu Dios gu tuꞌ nam gu jaꞌtkam jix xijaim ɨlhiiꞌñdhaꞌ, na guꞌ bɨxchuꞌx bhaaiꞌ na pu tu duñiaꞌ.

JUAN 11:40

Baꞌ gu Jesuus jup tɨtda: ―Matgam gu Dios cham tuꞌ xijaichuꞌn ji nax bhaiꞌm duukam jup tu duñiaꞌ. Jaꞌpji aapiꞌ noꞌp jix biiñak kat aañ jiñ bui bɨɨx jum jur kɨꞌn tɨ jɨɨgiꞌñ na puiꞌ ji chu buusniaꞌ jax ñap ɨlhiiꞌñdhaꞌ, nañ jax bam tɨtda bo bɨɨpɨꞌ.

1 KORIINTO KAM 12:9

Jaiꞌ baꞌp ja maak nam jax jaꞌk jix ioꞌm tɨ jɨɨgiꞌñdhaꞌ buiñor guch Xoiꞌkam, gio jaiꞌp ja maak ɨp nam jax jaꞌk ja duduadhiꞌñdhaꞌ gux kakoꞌkkam.

1 KORIINTO KAM 13:2

Piam sia ku tɨir jiñ aꞌmkam nañ bhaankam gu Dios ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌ, piam kuñ bɨɨx jix chu maat na jɨꞌk tuꞌx chu jaiꞌch yaꞌ dhi oiꞌñgaꞌn gio na jax jaꞌk tu tuꞌiiꞌ, piam sia kux bhaaiꞌ nañ ja joiñchudaꞌ gu oiꞌdhaꞌ nañ jix bhaiꞌ tɨ jɨɨgiꞌñ buiñor guch Xoiꞌkam, guꞌ pɨx ji noꞌñ guꞌ cham tu joiꞌgɨꞌn, pur cham tuꞌ kaꞌ iñ.

ISRAEL KAM 3:19

Puiꞌ dho baꞌ pu cham bhammɨ dɨr ai mɨt Kanaan nat paiꞌ tɨi ba ja maakak gu dɨbɨɨr, na mɨt guꞌ cham jɨꞌxdhaꞌ miꞌ puiꞌ jii na jax jix aaꞌ.