MATEO 14:29 - Tepehuano Tepehuán del Sureste (Durango)

²⁹ Baꞌ gu Jesuus jup tɨtda: ―Dho kap bhaiꞌ xi jim. Baꞌ gu Peegro nat jax jup tɨm bhaiꞌ dhɨr bhaan gu gɇꞌ kanuub, gamaiꞌ pɨx chuꞌp jum duu bɨɨx suudaiꞌ dhaam mu jaꞌk na paiꞌ dhɨr bha jim gu Jesuus.

MATEO 14:29 ပူးပေါင်းရင်းမြစ်များ

MATEO 14:28

Baꞌ muiꞌ ji ñio gu Peegro, jup kaiꞌch: ―Noꞌp baabuiꞌ sɨlhkam aap jir diꞌñ jaduuñ, puiꞌp xi chɨꞌyaꞌ nañ aañ yaꞌ dɨr muiꞌ xi jimiaꞌ bɨɨx suudaiꞌ dhaam miꞌ nap paiꞌ dhɨr bha jim.

MATEO 14:30

Guꞌ ji nat guꞌ gama jaꞌk bhaiꞌ ji chooꞌn, na guꞌx ɨɨbhidhat nɨiꞌñ gu suudaiꞌ na bha sɨlh guꞌnguk. Baꞌ miꞌ gamaiꞌ ba ji baa gu Peegro, jup tɨtda gu Jesuus gɇꞌ kɨꞌn: ―¡Xiñ dhaaꞌñ jaduuñ!

MATEO 17:20

Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

MATEO 21:21

Baꞌp ja tɨtda gu Jesuus: ―Dho na bhaan jix maatɨꞌ kaꞌ na cham tuꞌ daipuꞌ puꞌñix bhaaiꞌ na pim pu tu duñiaꞌ noꞌ pim jix biiñak buiñor guñ Gɨꞌkoraꞌ, guꞌ jaꞌpji sia ji guꞌñi oidhaꞌ noꞌ pim jax tɨtda: “Eap yaꞌ dɨr jaꞌk jim muni jaꞌk na paiꞌ gɇꞌ suuꞌn gu suudaiꞌ”, dho guꞌ puiꞌ dho ji chu buusniaꞌ noꞌ pim bɨɨx jam jujur kɨꞌn tɨ jɨɨgiꞌñ na puiꞌ ji chu buusniaꞌ na pim jax tɨꞌyaꞌ.

MAARKOS 9:23

Baꞌp tɨtda gu Jesuus: ―Dho guꞌ noꞌp guꞌ bax biiñak kaꞌ buiñor guñ Gɨꞌkoraꞌ, xib dho puiꞌ ji chu buusniaꞌ, na guꞌ guiꞌ cham tuꞌ xijaichuꞌn.

LUUKAS 17:6

Baꞌ gu Jesuus jup ja tɨtda: ―Jax dhui na pu ni palhɨɨp ku pim iam jix biiñak buiñor gu Dios. Kani noꞌ pim sia jaꞌxbuiꞌ buiñor jix biiñak kaꞌ gɨt na jɨꞌx gu kaiꞌñ gu mostaasa, baꞌ noꞌ pim jax tɨtda dhi tua na miꞌñi kɨɨk na dɨɨlh jum takbunai mummɨm daasaꞌ na paiꞌ gɇꞌ suuꞌn gu suudaiꞌ, puiꞌ dhop ji buusniaꞌ gɨt.

GU NOONBIꞌÑ GUCH XOIꞌKAM 3:16

Guꞌ baꞌ dhich jaduuñ na yaꞌ kɨɨk na pim nɨiꞌñ gio na pim jix maat nar jaroiꞌ dhaꞌ, dho guꞌ dhiꞌ na soiꞌm ɨlhdhat jix biiñak dho buiñor gu Jesuus, puiꞌ kut baꞌ dua na kax maꞌmkulhiꞌ kat. Baꞌ dhiꞌ puꞌñi pɨx jaꞌk jir jum duukam jiñ jaaduñ.

ROOMA KAM 4:19

Nat guꞌ gu Abraam cham jɨꞌx jum oꞌjolh na soiꞌm ɨlhdhat tuꞌ sɨlhkam tɨ jɨɨgiꞌñdhaꞌ buiñor gu Dios, sia ku guꞌ janoꞌ ba aichdhidhaꞌ gux chamaam ooꞌm oidhaꞌ. Jix mat kaꞌ guꞌ tɨi gu Abraam na cham xiim ba mukiaꞌ bɨɨmaꞌn gu bɨngaꞌn Saara, nam guꞌx ioꞌm bar jagɨꞌgɨr kaꞌ, cham bhaaiꞌ panaas nam jax dhui ka ja tɨgiaꞌ gu aꞌaalh.

PILIIPOS KAM 4:13

Bɨɨx aixim cham tuꞌ bhaan jax jir jiñ aaꞌndam iñ kiaꞌ, na guꞌ guch Xoiꞌkam pɨx nañ aꞌm tɨ nɨidhidhat jiñ palhbuiꞌñchuꞌ nañ baꞌ bɨɨx aixim bhaan jix chu nakooꞌndaꞌ.