MATEO 13:41 - Tepehuano Tepehuán del Sureste (Durango)

⁴¹ Baꞌ aañ nat bhañ joot guñ Gɨꞌkoraꞌ, naiꞌ ja jootsaꞌ iñ gu noonbiꞌñ nam maap ja jumpadaꞌ guiꞌ nam jɨꞌk ja chiandaꞌ gu jaiꞌ jaꞌtkam nam pu tu duñiaꞌ gu tuꞌ nar jix buam jum duukam, gio baꞌ bɨɨx nam jɨꞌk jix buam tu buadaꞌ.

MATEO 13:41 ပူးပေါင်းရင်းမြစ်များ

MATEO 13:49

Baꞌ puꞌñi jaꞌk jup tum duñiaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan. Naiꞌ jaꞌp ji jimiaꞌ am gu noonbiꞌñ guñ Gɨꞌkoraꞌ nam ja boosgapuꞌ guiꞌ nam jɨꞌk cham tuꞌ kaꞌm tɨ nɨiꞌñdhaꞌ miꞌ dhɨr ja bui guiꞌ nam tuꞌ kaꞌm tɨ nɨiꞌñ.

MATEO 18:7

Jaꞌp moox buam iam ja bui gu jaꞌtkam, nam guꞌ gammɨjɨ jaiꞌch kaꞌ ja bui guiꞌ nam ja baidhidhaꞌ nam jix buam jum duukam jup tu duiñpuꞌ. Ku baꞌ guꞌ gu jaroiꞌ na puꞌñi ja baidhidhaꞌ gu jaꞌtkam nam jum uꞌuaꞌtulhdhapuꞌ, giilhim joiꞌmdam jum duñiaꞌ ji gatuuk na paiꞌ dhuuk tulhiiñchudaꞌ gu Dios.

MATEO 24:31

Miꞌ dhɨr baꞌ dai na gɇꞌ kɨꞌn ba tum kuichdhaꞌ, baꞌ aañ jotmodaꞌ naiꞌ ja jootsaꞌ gu noonbiꞌñ guñ Gɨꞌkoraꞌ mu jaꞌp na jɨꞌx jir oiꞌñgaꞌn na jɨꞌx juugɨt juꞌ kam tuꞌiiꞌ dhix dhaam, nam baꞌ bɨɨx maap ja jumpadaꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui.

MATEO 3:12

Baꞌ na paiꞌ dhuuk bha jimdaꞌ, pu uaꞌkaꞌ guiꞌ na kɨꞌn jɨlhbidhaꞌ gu tiriik, baꞌ xi kɨɨꞌmpigai dai ba ulhñaꞌ guiꞌ na jɨꞌk jix kɨɨꞌ, gu tanaaraꞌ baꞌ mu jaꞌk xi ñuꞌaaꞌ na paiꞌ cham jɨꞌxkat tuutkɨ gu tai.

MATEO 8:20

Baꞌ gu Jesuus jup tɨtda: ―Jax dhui na guꞌ aañ nat bhañ joot guñ Gɨꞌkoraꞌ yaꞌ dhi oiꞌñgaꞌn bhaan, pu cham paiꞌ bhaaiꞌ nañ gɨt joidham xiñ jɨɨpiꞌñkaꞌ, cham puiꞌ na jax gu kaxio, na guꞌ sɨlh jimiaꞌ mu paiꞌ nar chiob kaꞌ noꞌ bax kooxim. Gio gu uꞌiiꞌ na guꞌ puiꞌp tu kos kaꞌ, dai na ba koxiaꞌ na paiꞌ dhuuk ɨlhiiꞌñdhaꞌ.

MAARKOS 13:27

Baꞌ naiꞌ ja jootsaꞌ iñ gu noonbiꞌñ guñ Gɨꞌkoraꞌ na jɨꞌx jir oiꞌñgaꞌn, puiꞌ na jax mummɨni jaꞌp na paiꞌ am juꞌkam tuꞌiiꞌ dhix dhaam, nam baꞌ ja jumpadaꞌ gu jaꞌtkam guiꞌ nam jɨꞌk tɨ jɨɨgiꞌñdhaꞌ aañ jiñ bui.

ROOMA KAM 2:16

janoꞌ na paiꞌ dhuuk jum aayaꞌ gu tanoolh na gu Dios bɨɨx ja aagiꞌñdhaꞌ gu jaꞌtkam nam tuꞌ jax xi buimɨi yaꞌ dhi oiꞌñgaꞌn, puiꞌ na jax jum kaiꞌch dhix bhaiꞌm kaiꞌchdham ñioꞌkiꞌñ guch Xoiꞌkam nañ jax chuꞌm bhaan tu aꞌga aañ, sia kum guꞌ cham jum matdaꞌɨr pɨx pu buim xib nam jax ɨlhiiꞌñ.

ISRAEL KAM 1:14

Nam guꞌ gu noonbiꞌñ gu Dios jir jaꞌppɨx tujuandam tugiꞌñ, jaꞌpni pɨx jir tuutuꞌm am na gu jɨbɨɨlh, na tu ja chiandaꞌ pɨx. Puiꞌ na jax na bha ja jootosdaꞌ ya jaꞌp ja bui guiꞌ nam jɨꞌk tɨ jɨɨꞌñdhidhaꞌ buiñor guch Xoiꞌkam nam ja nuukaꞌndaꞌ na baꞌ cham jax ja doodaꞌ gux buam jum duukam.

NAT JAX TƗ TƗƗ GU JUAN 21:27

Bhaiꞌ cham tuꞌ ka jaiꞌch kaꞌ am guiꞌ nam jix buam tomaat na jax cham kɨɨꞌ kaꞌm nɨiꞌñ gu Dios, ni sia guiꞌ nam bɨxchuꞌ bhaan jum uaꞌtulhiꞌñdhaꞌ gam nam naiꞌx chu bhaamkiꞌñdhaꞌ, gio guiꞌ nam naiꞌ pɨx tu iatgiꞌñdhaꞌ, dai ji guiꞌ nam mi daaxix kaꞌ nam jax chɨɨꞌ bhaan gu uꞌuan na paiꞌ ja daasaim guch Xoiꞌkam guiꞌ nam jɨꞌk tɨ jɨɨꞌñdhidhat miꞌ puiꞌ jiim na jax jix aaꞌ nam baꞌ bhaiꞌp tuiꞌkaꞌ.