MATEO 11:25 - Tepehuano Tepehuán del Sureste (Durango)

²⁵ Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.

MATEO 11:25 ပူးပေါင်းရင်းမြစ်များ

MATEO 16:17

Baꞌp tɨtda gu Jesuus: ―Jaꞌp moo joidham jix bhaiꞌ tum jii Simoon aap nap jir maraaꞌn gu Jonaas, nat guꞌ cham tuꞌ jaroiꞌ yaꞌ kam dhi oiꞌñgaꞌn jum aaꞌñ gu dhiꞌ puiꞌ na pich jax jaꞌk tɨi nañ jir tuꞌp tuꞌm daꞌ aañ, guꞌ guñ Gɨꞌkoraꞌ ji guiꞌ nax dhaam jup tuꞌiiꞌ nat jum aaꞌñ.

MATEO 21:16

Baꞌp tɨtda am gu Jesuus gu gɇꞌgɇrkam jum aaꞌndam: ―Jaꞌp xi ja tɨɨꞌn nam cham ñiokdaꞌ dhi aꞌaalh. Moo jaꞌp ja kɇɇ ap pɨx nam jax kaiꞌch. Baꞌp ja tɨtda gu Jesuus: ―Dho jax gip bua siam jax kaiꞌch, na guꞌ puiꞌm kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix na saak siax bhaaiꞌ gu aꞌaalh nam tu daandaꞌ buiñor gu Dios, sia guiꞌ nam ka xioꞌdaꞌ. ¿Cham aa pim jɨꞌxkat tu jiñkuiꞌñ miꞌ na paiꞌ puꞌñim kaiꞌch?

LUUKAS 22:42

jup kaiꞌch: ―Aapiꞌñ Gɨꞌkoraꞌ, xiñ palhbuiꞌñ nam cham jiñ muꞌaaꞌ, na guꞌ dhiꞌ jaꞌp ji buusan nañ iꞌyaꞌ gu tuꞌ na giilhim jix xibuꞌ. Ku guꞌ noꞌp aap jix aaꞌ ji, aañ puiꞌ pɨx tɨi soiꞌm tɨtda ji.

LUUKAS 23:34

Baꞌp kaiꞌch gu Jesuus: ―Jiñ Gɨꞌkoraꞌ, chakuip tuꞌp jum buixiꞌñdhaꞌ ja bui dhi jaꞌtkam, nam guꞌ cham maat noꞌm jup jum uaꞌtulhiꞌñ jum bui. Baꞌ gu sandaaruiꞌx mi jaꞌp ma tɨtbia mɨt mi jaꞌp ji chu darsak amuub gu jajannulhiꞌñ gu Jesuus na sap baꞌ gu jaroiꞌ na tu maiꞌchiaꞌ, bhaan ji chu biꞌyaꞌ.

JUAN 11:41

Baꞌ jaꞌk xi bua mɨt ɨp gu komaarak jodai na kɨꞌn bha kuupich bha gai dɨꞌn kɨr na paiꞌ yaasap gu Laasar. Baꞌ gu Jesuus jix dhaam jaꞌk xi chɨ tɨɨgɨk bhaiꞌ ji chu aꞌga, jup kaiꞌch: ―Jum taxchaabgiꞌñ iñ jiñ Gɨꞌkoraꞌ, aap nap bhammɨ dɨr bhañ kɇɇx dhaam.

JUAN 12:27

’Aañ moo cham puiꞌ ka tu tatdaꞌ ji xib, ampɨx puiꞌx buam tu tatdaꞌ. Chi na ñich guꞌ pu kaiꞌñkam pɨx bha jii yaꞌ dhi oiꞌñgaꞌn, cham bhaaiꞌ nañ jax jup ba ji chɨɨdaꞌ guñ Gɨꞌkoraꞌ: “Jiñ palhbuidhaꞌ ap jiñ Gɨꞌkoraꞌ nam cham jɨꞌxkat jax jiñ dhoodaꞌ guiꞌ nam xiñ bhaamkiꞌñ.” Jax dhui na ñich guꞌ pu kaiꞌñkam bha jii nañ yaꞌ puiꞌ tu kuugalhdhaꞌ nat jɨꞌk jax jiñ chɨɨꞌn. Guꞌ jaꞌpjani nañ tɨɨdaꞌ: “Jiñ palhbuidhaꞌ ap jiñ Gɨꞌkoraꞌ nañ baꞌ puiꞌ tu kuugalhdhaꞌ na pich jɨꞌk jax jiñ chɨɨdak bhañ joot, nam baꞌ machiaꞌ gu jaꞌtkam nap aap giilhim jir gɇꞌkam.”

JUAN 12:28

Baꞌ miꞌ dhɨr bhaiꞌ ji chu aꞌga jix dhaam jaꞌk jup kaiꞌch: ―Xiñ palhbuidhaꞌ ap jiñ Gɨꞌkoraꞌ nañ puiꞌ tu kuugalhdhaꞌ na pich jax jiñ chɨɨdak bhañ joot, nam baꞌ machiaꞌ gu jaꞌtkam nap aap giilhim jir gɇꞌkam. Baꞌ gɇꞌ kɨꞌn bhaiꞌ ba tum ñio bhammɨ dɨr jix dhaam jup tum kaiꞌch: ―Matgam jañich pu puiꞌ ba duu ji. Gɇꞌkam kɨꞌn jix bhaiꞌñ chaat iñ nap miꞌ puiꞌ tu kuugalhdhim nañ jax jum tɨtda. Jix ioꞌm jañ jix bhaiꞌ bañ chaat kaꞌ noꞌ pich bɨɨx puiꞌ ba tu kuugalh.

GU NOONBIꞌÑ GUCH XOIꞌKAM 17:24

’Dho dhiꞌ dhor diꞌ guiꞌ nat jup duu dhi oiꞌñgaꞌn gio na jɨꞌk tuꞌ ya jaꞌp jix chu jaiꞌch bhaan, guiꞌ nax dhaam jir gɇꞌkam gio ya jaꞌp dhi oiꞌñgaꞌn, baꞌ cham tuꞌ ya jaꞌp paiꞌ kio bhaan gu chichiop guiꞌ na jaꞌtkam jup jir ja duiñ.

1 KORIINTO KAM 2:10

Baꞌ aach nach jɨꞌk buiñor ba tɨ jɨɨgiꞌñ guch Xoiꞌkam, gu Dios bhaankam gux Dhuuduꞌ kam jix Uañ Iiꞌmdagaꞌn jich aagiꞌñ dhiꞌ nat tuꞌch biꞌ pu bɨjɨk. Na guꞌ gux Dhuuduꞌ kam jix Uañ Iiꞌmdaꞌ noꞌñ aꞌm bap tuiꞌdhiꞌ, bɨɨx tuñ aagiꞌñdhaꞌ, sia ku panaas jix xijai gu tuꞌ nañ jix maatɨt kaayaꞌ.

2 KORIINTO KAM 3:14

Guꞌ ji nam guꞌ pu cham maatɨt nɨiꞌñdhaꞌ gu Israel kam jaꞌtkam na jax jir tum duukam kaꞌ dhiꞌ nam jɨꞌk jax tɨ nɨiꞌñdhaꞌ, sia xib jam pui cham maatɨt nɨiꞌñ. Na guꞌ jaꞌp ji buusan na pui ja soobhiꞌñ gu jannulh guiꞌ na jax chuꞌm kɨꞌn jum iiñkaꞌ janoꞌ gu Moisees, nam guꞌ cham tɨ jɨɨgiꞌñ buiñor guch Xoiꞌkam, na guꞌ dai guch Xoiꞌkam jix bhaaiꞌ na jaꞌk ja bhɨidhaꞌ dhi jannulh na ja iiñ.