MATEO 11:23 - Tepehuano Tepehuán del Sureste (Durango)

²³ Baꞌ aapiꞌm na pim Kapernaum oiꞌdhaꞌ, ¿jaꞌp jum aaꞌ pim aa na pim aayaꞌ jix dhaam jaꞌk buiñor guñ Gɨꞌkoraꞌ? Matgɨm mu jaꞌk ji na xi jam jootsaꞌ jix ioꞌm tuukab jaꞌk na paiꞌ gɇꞌ tɨ dɨꞌ, na pimɨt guꞌ cham miꞌ puiꞌ jii na jax jix aaꞌ. Na guꞌ noꞌñ mu jaꞌk Sodooma puiꞌ joidham jix kɨɨꞌp jum duukam jup tu duñiaꞌ gɨt, moo janoꞌ gɨt nam tɨ jɨɨꞌñdhai miꞌ puiꞌ jimiaꞌ na jax jix aaꞌ guñ Gɨꞌkoraꞌ, xib dho pui miꞌr kiicham kaꞌ gɨt.

MATEO 11:23 ပူးပေါင်းရင်းမြစ်များ

MATEO 10:15

Baꞌ aañ yaꞌ pu jam tɨtda nax ioꞌm cham bhaiꞌ tu ja jimiaꞌ dhiꞌ dhi jaꞌtkam janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan, nam guꞌ giilhim jum tulhiiñaꞌ, cham tuꞌ puiꞌ na jax gu Sodooma kam gio gu Gomorra kam.

MATEO 16:18

Baꞌ xib aañ pum tɨtda, aap nap Peegro kɨꞌn jup tɨɨꞌ, na jaꞌp kaiꞌñkam jup jum kaiꞌch nap jir jodai, aap yaꞌ ka ja sɨlhkaꞌndaꞌ guiꞌ nam jɨꞌk jiñ bui tɨ jɨɨgiꞌñ gu jaꞌtkam nam baꞌ gammɨjɨ miꞌ puiꞌ jiimdaꞌ nañ jax tu jam aꞌgiꞌñ. Baꞌ dhiꞌ jaꞌp ji buusniaꞌ nañ jodai chaꞌm ba kɨɨsaꞌ guñ chiop. Baꞌ cham jɨꞌxkat jax dhoodaꞌ gux buam jum duukam, sia ku jax tɨi ɨlhiiꞌñdhaꞌ gɨt.

MATEO 17:24

Baꞌ nat paiꞌ dhuuk mummɨ jaꞌk jup ba ai gu Jesuus na paiꞌr Kapernaum ja bɨɨm guiꞌ nam kaichuꞌ, miꞌ ba ji bubua mɨt buiñor gu Peegro guiꞌ nam tu taandaꞌ gu tuumiñ na jɨꞌk aagix nam tu maakdaꞌ bhammɨ gɇꞌ chiop. Baꞌ jaꞌpni bhaiꞌ ba tɨkka am: ―¿Tu namkiꞌñ aa guiꞌ na pim kaichuꞌ na jɨꞌk bhaan bipioꞌ gu gɇꞌ chiop?

MATEO 4:13

Baꞌ miꞌ dhɨr mu jaꞌk jup bhɨi na paiꞌ puiꞌ tɨ tɨɨꞌ Kapernaum guiꞌ na mummɨ bipioꞌ na paiꞌ gɇꞌgɇr susdaꞌkaꞌ gu suudaiꞌ, miꞌ na paiꞌ jax bhaan bipioꞌ gu ja dɨrbaꞌ gu bopxiꞌñ gu Sabuloon gio baꞌ gu Neptalii.

MATEO 8:5

Baꞌ nat jax mummɨ ai gu Jesuus na paiꞌr Kapernaum, miꞌ ba ai buiñor maaꞌn gu ja gɇꞌkam tuk gu sandaaruiꞌx Rooma kam. Baꞌ soiꞌ ba tɨtda gu Jesuus,

LUUKAS 10:15

Guꞌ baꞌ gu Kapernaum oiꞌñkam, jaꞌp jum aaꞌ am nam jix dhaam jaꞌk jiim buiñor guñ Gɨꞌkoraꞌ. Matgɨm mɨjɨmmɨ jaꞌk ji nam ja iabuꞌx ioꞌm tuukab na paiꞌ gɇꞌ tɨ dɨꞌ.

LUUKAS 14:11

Na guꞌ gu jaroiꞌ noꞌ gampaiꞌm ɨlhiiꞌñ, joidham jix kɨɨꞌ kaꞌm nɨiꞌñdhaꞌ am gu jaꞌtkam, guꞌ cham tuꞌ kɨɨꞌ kaꞌm nɨiꞌñdhaꞌ am ji noꞌ dai gɇꞌkam jum taat.

LUUKAS 16:23

Baꞌ giilhim jix buam tu tatdaꞌ gux chumñigam na bam tulhiiñ ja bɨɨm guiꞌ na mɨt puiꞌ koi cham miꞌ puiꞌ ji jimɨɨk na jax jix aaꞌ gu Dios. Baꞌ mɨjɨmmɨ dɨr ba tɨɨ gu Laasar na bɨɨmaꞌn jup tuꞌiiꞌ gu Abraam.

LUUKAS 4:23

Baꞌ gu Jesuus jup ja tɨtda ɨp gio: ―Jaꞌp japim dho chiñ chɨɨdaꞌ nam jax kaiꞌchdhaꞌ yaꞌ gu jaꞌtkam na saak jix bhaaiꞌ na dɨɨlh xim duaꞌñdhai noꞌ bax kaꞌook gu jaroiꞌ nax maatɨt ja duduadhiꞌñdhaꞌ gu jaꞌtkam. Gam chi jaꞌpni: “Puiꞌ na chich jax tɨ kai na pich joidham jix bhaiꞌ tu duu mu Kapernaum, puiꞌp jup xi chu duñiaꞌ yaꞌm dɨrbaꞌ am na pich paiꞌ gɨꞌɨɨr.”

GU NOONBIꞌÑ GUCH XOIꞌKAM 2:27

Nañ guꞌx maat nañ dhuaꞌñdhai giop jiñ bamiiꞌñdhaꞌ miꞌ dhɨr koiꞌñgaꞌn tɨr nañ paiꞌ yaasapkaꞌ, gio na puiꞌ tu duñiaꞌ na cham tuꞌm jaꞌbsunaꞌ guñ chuukuꞌ, nat guꞌ pu kaiꞌñkam jiñ aꞌm tɨ tɨɨ nañ bhaankamuꞌn tu aꞌgadaꞌ.

GU NOONBIꞌÑ GUCH XOIꞌKAM 2:31

Puiꞌ ku baꞌx ñɨiꞌñdham xi kaiꞌch nat tu uaꞌnak na bhaan tu aꞌga guch Xoiꞌkam na giop bamgiaꞌ miꞌ dhɨr koiꞌñgaꞌn tɨr, gio sap na cham tuꞌm jaꞌbsunaꞌ gu tukgaꞌn.

JUUDAS 1:7

Gio jaꞌpni ɨp na pim jax bax maat nat tu ja dooda bɨjɨk guiꞌ nam mu oiꞌñkat Sodooma, gio jaꞌpni jaꞌk na paiꞌ Gomorra tɨ tɨɨꞌ, gio miꞌ dhɨr jaꞌp bɨɨx xikoolh na jax aꞌlhich jir kikcham kat, nat tai kɨꞌn ja koi bo gu Dios nam cham tuꞌ kaꞌm nɨiꞌñdhaꞌ. Puꞌñi bɨɨx aixim tu buadaꞌ am na jax cham kɨɨꞌ kaꞌm nɨiꞌñdhaꞌ, gam nam giilhim muiꞌ ja bɨɨm boppodaꞌ gu uꞌuub, gam sia dɨɨlh dai chichioꞌñ. Gammɨjɨ nam jax aajidhaꞌ nam pu tu buichgɨdaꞌ, jaꞌpni kaiꞌñkam baꞌ ja mɨiꞌñ gu Dios, na mɨt guꞌ giilhim gɇꞌ bam uaꞌtulh buiñor. Sia xib jam dho pui mɨɨjim mu na paiꞌ gɇꞌ mɨim gu tai na cham jɨꞌxdhaꞌ tukiaꞌ, baꞌ dhiꞌ gammɨjɨ miꞌ pup jum tulhiiñdhaꞌ am. Dhiꞌch baꞌ bhaan tɨꞌñchokaꞌ xib na puꞌñip tuch jimiaꞌ aach noꞌch jax dhuuk cham tuꞌ kaꞌm tɨgiaꞌ gu Dios.

NAT JAX TƗ TƗƗ GU JUAN 1:18

Aañ pɨx jir diꞌ na ñich duadɨk giop bam mu dɨr koiꞌñgaꞌn tɨr. Baꞌ yaꞌ dɨr jaꞌp jaꞌk jañ gammɨjɨ pu ba duakaꞌ, cham jañ paiꞌ dhuuk ka mukiaꞌ. Aañ ba tu daam kɨɨk baꞌ xib mu nam paiꞌm tulhiiñ gu koiꞌñgaꞌn, jaꞌp ji buusan nañ aañ ba uaꞌ baꞌ xib guiꞌ na kɨꞌn jum kukpioꞌk gu kiꞌñgob na paiꞌ dhɨr mu tum bapkɨ, cham tuꞌ kiaꞌ gu jaꞌook.

NAT JAX TƗ TƗƗ GU JUAN 11:8

Miꞌ pɨx jaꞌp bɨɨt am baꞌbhak sanoop, miꞌ ɨrban gu gɇꞌ kiicham na Jerusaleen tɨ tɨɨꞌ, na mɨt paiꞌ gɨbiimɨk sissapa ɨp kuruus taꞌm guch Xoiꞌkam janoꞌ na mu xi oilhimɨk, miꞌ na paiꞌ jaꞌp ji buusan na gook kɨꞌn tɨ tɨɨꞌ: Sodooma gio baꞌ Ejipto, nam guꞌ puiꞌ jaꞌk jup tu jim gu miꞌ oiꞌñkam Jerusaleen na jax gu Sodooma kam gio gu Ejipto kam.

NAT JAX TƗ TƗƗ GU JUAN 20:13

Bɨɨx jamɨt sia baapmigɨk bhammɨ ai guiꞌ na mɨt mu jaꞌp koi bhaiꞌkok gɇꞌ suudaiꞌ chɨr, sia guiꞌ nam jɨꞌk mu jaꞌk jup tuꞌt nam paiꞌ aajidhat guiꞌ nam koꞌiidhat cham ji chɨ jɨɨꞌñdhai buiñor guch Xoiꞌkam. Xi ja aagiꞌñ ɨp gu Dios na ja tulhiiñchudaꞌ, nam guꞌ gɇꞌkam kɨꞌn kuiñcha biaꞌ na mɨt guꞌ cham miꞌ puiꞌ jii na jax jix kɨɨꞌ kaꞌm nɨiꞌñ.

NAT JAX TƗ TƗƗ GU JUAN 6:8

Baꞌ aañ mu jaꞌk jup xi chɨ tɨɨ na paiꞌ jaꞌk tuñ aagiꞌñ. Mu kɨɨk ɨp jumai gu maaꞌnkam jix uam kabai chaꞌm, Muukiꞌ sap tɨɨꞌ guiꞌ gu maaꞌnkam. Baꞌ dhiꞌ jumaip oiꞌñchuꞌ gu maaꞌnkam na Tulhiiñaraꞌ tɨɨꞌ, na dhiꞌ pɨx kat jup jum kaiꞌch miꞌ nam paiꞌm tulhiiñaꞌ gatuuk gu jaꞌtkam. Baꞌ bɨɨx gook jup ja tɨtda am nam sap ja koodaꞌ gu jaꞌtkam nam jɨꞌk daaxix muiꞌ kap na jɨꞌx oiꞌñgaꞌn, nam puiꞌ jaꞌk tu duñiaꞌ nam dɨɨlh pɨx bhaakui bhaiꞌ ji chɨ jɨgialhchudaꞌ nam jax dhui pɨx koꞌyaꞌ, gam jaiꞌ nam uaꞌmai, nam ja aꞌm jimiichdhaꞌ gu bhiogiꞌ, gio jaiꞌ koꞌkdaiꞌ kɨꞌn, gam jaiꞌ nam ja jugiokaꞌ gu gampɨx kam sasoiꞌ nam jix bhaaꞌmnaꞌ.