MATEO 11:16 - Tepehuano Tepehuán del Sureste (Durango)

¹⁶ ’¿Tuꞌñ gɨt bhaan ji uaꞌrgidhai tu jam aagidhaꞌ nam jax jaꞌk ji buan gu jaꞌtkam guiꞌ nam xib jix jaiꞌch? Jaꞌp ji buan am dho na jax gu aꞌaalh noꞌ mɨt muiꞌ maap xim daagɨk mu paiꞌ ma tɨtbim jax chuꞌm giotɨr. Baꞌ noꞌ mɨt jaiꞌ bha jaꞌp ji dharaibuk ma tu saas, baꞌ nam paiꞌ dhuuk xi saasbichui jup ja tɨɨdaꞌ am gu jaiꞌ ja bɨpnaꞌ aꞌaalh:

MATEO 11:16 ပူးပေါင်းရင်းမြစ်များ

MATEO 11:15

Moo pim jix bhaiꞌ xim gaꞌngadaꞌ na jax jir jum duukam gu dhiꞌ puiꞌ nañ jax jam tɨtda na pim baꞌ miꞌ puiꞌ jimiaꞌ noꞌ pim tɨ jɨɨgiꞌñ nar sɨlhkam.

MATEO 11:17

“Ni jɨꞌx ku pimɨt iam tɨ nɨi na chich tɨi ma tu saas, ni ku pimɨt xi susuanɨ na tɨi joiꞌmdam jum kaiꞌchɨt gu saasab.”

MATEO 12:34

Baꞌ aapiꞌm puꞌñi ɨp noꞌ pim guꞌ cham jir kɨkɨɨꞌ jaꞌtkam, cham bhaaiꞌ na pim jax dhuix bhaiꞌ tu ñiokdaꞌ na jax jaꞌk jir am kaꞌ, na guꞌ dai puiꞌ jaꞌk jam chiñ am dɨr buusnidhaꞌ na pim jax jaꞌk jum aaꞌndaꞌ gu jam jujur am bhaan.

MATEO 23:36

Jam aagiꞌñ iñ moo na aapiꞌm jam aꞌm ji jimiaꞌ na ja aꞌmkam gu jam bopxi kat jam tulhiiñchudaꞌ gu Dios aapiꞌm na pim xib yaꞌ dudua.

MATEO 23:7

Gio nam jix aaꞌndaꞌ ɨp nam soiꞌm duukat ja ñioꞌkiꞌñdhaꞌ gu jaꞌtkam mu jaꞌp ɨrban gu gɇꞌ kiicham, gio nam jix aaꞌndaꞌ ɨp nam puiꞌ ja tɨɨtɨꞌndaꞌ nam jir jix chu mamatdagɨm.

MATEO 24:34

Baꞌ dhiꞌ bɨɨx na puiꞌ ka xi chum kuugalhdhai nam baꞌ miꞌ dhɨr am xi koꞌyaꞌ bɨɨx gu jaꞌtkam nam jɨꞌk ka duduakaꞌ janoꞌ.

MAARKOS 12:38

Miꞌ dhɨr baꞌ maakam bhaiꞌp ji chu ja aꞌgi gu Jesuus, jup ja tɨtda: ―Moo pim cham ja kɇkɇɇdat guiꞌ nam sap jix mat kaꞌ gu ñioꞌkiꞌñ gu Dios, na guꞌ jaꞌp moo ja koꞌraardaꞌ bo nam naiꞌ jiimdaꞌ tɇꞌtɇb ji chɨm tɨiꞌdhat nam sap baꞌ gɇꞌgɇrkam ja ɨlhiiꞌñdhaꞌ gu jaꞌtkam. Gio nam jix aaꞌndaꞌ nam tuꞌ kaꞌm ja nɨiꞌñdhaꞌ, jum aaꞌndaꞌ sap na xi kuanai gu bonmaꞌn na ja ñioꞌkdhaꞌ gu jaroiꞌ mu jaꞌp nam jax jiimdaꞌ.

MAARKOS 4:30

Baꞌ miꞌ dhɨr gio muiꞌp ji chu ja aꞌgi gu Jesuus gu jaꞌtkam, jup ja tɨtda: ―¿Tuꞌñ gɨt bhaan ji uaꞌrgidhai jam aaꞌñdhaꞌ na jax jaꞌk duuji ja aꞌm tɨ nɨiꞌñdhaꞌ gu Dios guiꞌ nam buiñor bax biiñak kaꞌ?

LUUKAS 11:43

’Gio baꞌ na pim gɇꞌgɇrkam jum taat kaꞌ, bɨɨpɨꞌ dɨr japim jix dharaibuktuꞌndaꞌ na paiꞌ tum daandaꞌ, ni jɨꞌx ku pim iam gatuuk dɨr xix dharaibuktuꞌndaꞌ. Gam na pim jix aaꞌndaꞌ nam bɨɨx gu jaꞌtkam tuꞌ kaꞌm jam nɨidhat jam ñioꞌkdhidhaꞌ mu jaꞌp na pim jax jiimdaꞌ.

LUUKAS 13:18

Baꞌp ja tɨtda ɨp gu Jesuus gu jaꞌtkam: ―¿Tuꞌñ gɨt bhaan ji uaꞌrgidhai jam aaꞌñdhaꞌ na jax jaꞌk ji busaak gu jaroiꞌ noꞌt jix joiꞌmdak bhaan ba tɨ tɨɨ gu Dios?