MATEO 10:39 - Tepehuano Tepehuán del Sureste (Durango)

³⁹ Na guꞌ gu jaroiꞌ noꞌ tɨix aaꞌ na gammɨjɨx bhaiꞌ tu jimdaꞌ yaꞌ maaxik bhaan, gatuuk cham bhaiꞌ tu jimiaꞌ, na guꞌ jimiaꞌ mu jaꞌk na paiꞌ gammɨjɨ miꞌ pup jum tulhiiñdhaꞌ. Guꞌ cham ji noꞌ guꞌ cham tuꞌ ji kɇkɇɇdat gammɨjɨ pu tɨ jɨɨgiꞌñ aañ jiñ bui sia ku mɨt ma mua, dai na ba jimiaꞌ pɨx jix dhaam jaꞌk buiñor guñ Gɨꞌkoraꞌ.

MATEO 10:39 ပူးပေါင်းရင်းမြစ်များ

LUUKAS 17:33

Na guꞌ gu jaroiꞌ noꞌ dai bhaan tɨtɨɨꞌñcho gu tuꞌ na yaꞌ dhi oiꞌñgaꞌn jix chu jaiꞌch, cham jɨꞌxkat palhbuidhaꞌ na jax jaꞌk jix bhaiꞌ tu jimiaꞌ gatuuk. Guꞌ ji noꞌt guꞌ cham tuꞌp jim buixdhak miꞌ puiꞌ xi chu duu na jax jix aaꞌ gu Dios, jix bhaiꞌ ji na tu jimiaꞌ.

LUUKAS 9:24

Na guꞌ gu jaroiꞌ noꞌ dai bhaan tɨtɨɨꞌñcho gu tuꞌ na yaꞌ dhi oiꞌñgaꞌn jix chu jaiꞌch, cham jɨꞌxkat palhbuidhaꞌ na jax jaꞌk jix bhaiꞌ tu jimiaꞌ gatuuk. Guꞌ ji noꞌ guꞌ cham tuꞌp jim buixdhat miꞌ puiꞌ xi chu duñiim nañ jax jix aaꞌ, jix bhaiꞌ ji na tu jimiaꞌ.

JUAN 12:25

Baꞌ gu jaroiꞌ noꞌ daix aaꞌ na gammɨjɨx bhaiꞌ tu jimdaꞌ yaꞌ dhi oiꞌñgaꞌn bhaan, am tɨꞌñchokaꞌ na cham bhaiꞌ tu jimiaꞌ gatuuk. Guꞌ ji noꞌ guꞌ cham tuꞌ bhaan jax jim aagat tɨ jɨɨgiꞌñ aañ jiñ bui, siat chi bɨɨx aixim jix buam jum duukam bhaiꞌ aꞌmiram ji chu jii, dho gi guꞌx bhaiꞌ tu jimiaꞌ ji gatuuk, nañ guꞌ pu baidhikaꞌx dhaam na paiꞌ gammɨjɨx jɨkgɨm bap tuiꞌkaꞌ.

NAT JAX TƗ TƗƗ GU JUAN 2:10

Baꞌ aapiꞌm cham tuꞌ bhaan jax jim aagɨt gammɨjɨ muiꞌ xix biiñak kaꞌ buiñor gu Dios. Chaꞌpim jax jum aaꞌndaꞌ sia kut bɨɨx aixim jix buam bhaiꞌ ji chu jam jii. Xi ñakooꞌndaꞌ pim sia noꞌ mɨt bhaiꞌ ji jam tulhiiñchuda gu jaꞌtkam bhaankamuꞌn gu jaꞌook, na guꞌ jax chuꞌm tanoolh puiꞌ jaꞌk ja jurtudaꞌ nam jam tulhiiñchudai jam kuupaꞌ, ku guꞌ dhiꞌ na bhaan pɨx matgilhiaꞌ ji noꞌ pim moox biiñak jiñ bui piam ku guꞌ cham. Gio guꞌ cham tuꞌ muiꞌ tanoolh jum tulhiiñaꞌ pim, mambhɨɨx tanoolh pɨx. Baꞌ noꞌ pimɨt nakoo sia ku pim puꞌñi giilhim jum tulhiiñ, jam makiaꞌ iñ gu gɇꞌgɇr jup tum duuꞌnkam nar jam namkiꞌ kaꞌ.