MATEO 10:19 - Tepehuano Tepehuán del Sureste (Durango)

¹⁹ Baꞌ nam paiꞌ dhuuk mu ba jam aichdhaꞌ ja bui gu gɇꞌgɇrkam, chaꞌpim jax jum aaꞌndaꞌ na pim jax jaꞌk tɨꞌyaꞌ, na guꞌ jam makiaꞌ jia gu matdaꞌ gu Dios na pim jax jaꞌk tɨꞌyaꞌ na pim paiꞌ dhuuk muiꞌ ji chu aꞌgaꞌ.

MATEO 10:19 ပူးပေါင်းရင်းမြစ်များ

MATEO 10:18

Gio baꞌ gux ioꞌm gɇꞌgɇrkam ja buim jup jam uiꞌkaꞌ noꞌm xi ɨlhiiꞌñ. Baꞌ dhi puꞌñi jaꞌk jiñ aꞌmkam tu ja aꞌgidhaꞌ pim gu gɇꞌgɇrkam jum aaꞌndam gio baꞌ guiꞌ nam cham tuꞌ kaꞌm nɨiꞌñ gu Dios.

MATEO 6:25

’Gio baꞌ moo jaꞌpni jaꞌk jañ jup xi jam tɨɨdam ɨp jiñ jaaduñ, na pim cham jax jum aaꞌndaꞌ sia ku pim cham ka biaꞌ na pim tuꞌ jugiaꞌ, piam noꞌ pim cham ka biaꞌ na pim tuꞌ iꞌyaꞌ, ni ku pim cham jax jum aaꞌndaꞌ na pim tuꞌ tɨꞌyaꞌ noꞌt ma saaskɨ gu jam jajannulh. Na guꞌ cham pɨk jum aaꞌ gu jajannulh gio gu koiꞌ, guꞌ guiꞌ ji nax ioꞌm jum aaꞌ na pim miꞌ puiꞌ duñiidhaꞌ na jax jaꞌk jix kɨɨꞌ kaꞌm nɨiꞌñ gu Dios.

MATEO 6:31

Guꞌ jaꞌpji na pim cham jax jum aaꞌndaꞌ ji jiñ jaaduñ sia ku cham ka jaiꞌch na pim tuꞌ jugiaꞌ. Chaꞌpim jax kaiꞌchdhaꞌ: “¿Tuꞌch baꞌ jugiaꞌ chi?” Piam ku guꞌ noꞌ cham ka jaiꞌch na pim tuꞌ iꞌyaꞌ, chaꞌpim jax kaiꞌchdhaꞌ: “¿Tuꞌch baꞌ ka iꞌyaꞌ chi?” Piam ku guꞌ na pim tuꞌ tɨꞌyaꞌ noꞌt ma saaskɨ gu jam jajannulh, aapiꞌm sia cham jax jum aaꞌndaꞌ.

MATEO 6:34

Chaꞌpim tuꞌ bhaan jax jum aaꞌndaꞌ, dai gu Dios japim pɨx buiñor jix biiñak kaꞌ gammɨjɨ nabap tanoolh na baꞌ jam aꞌm tɨ nɨidhidhaꞌ.

LUUKAS 12:11

’Noꞌ mɨt paiꞌ dhuuk jam daꞌngɨk mu jaꞌp paiꞌ ba jam tuttuim chichiop piam mu jaꞌp paiꞌx kakaiꞌ ja bui, chaꞌpim jax jum aaꞌndaꞌ sia ku panaas cham bhaaiꞌ na pim jax ba ji chɨꞌyaꞌ ja bui.

LUUKAS 12:12

Jax dhui na guꞌ dɨɨlh pɨx bhaiꞌ ji bhaigiaꞌ na pim jax tɨꞌyaꞌ noꞌ pim bhaan bap tuiꞌdhiꞌ, na guꞌ gux Dhuuduꞌ kam jix Uañ Iiꞌmdaꞌ jam makiaꞌ gu matdaꞌ na jam aꞌm tajaañixchuꞌndaꞌ.

GU NOONBIꞌÑ GUCH XOIꞌKAM 6:10

Ku guꞌ dɨɨlh guiꞌ am cham bhaaiꞌ ji nam jax jaꞌk xi chɨtdadaꞌ gɨt na baꞌ cham ka tu aꞌgadaꞌ gɨt, na guꞌ guiꞌ giilhim joidham jix bhaiꞌ xi bua na xi chu aꞌga nam xi kɇɇ, na guꞌ gux Dhuuduꞌ kam jix Uañ Iiꞌmdaꞌ na mattuꞌn na jax jaꞌk tɨꞌyaꞌ na tu aꞌgaꞌ.

PILIIPOS KAM 4:6

Chaꞌpim bɨxchuꞌx buam jum aagɨt bhaan tɨtɨɨꞌñchokaꞌ, guꞌ jaꞌpji na pim xi aagiꞌñdhaꞌ pɨx gu Dios buiñor ji chu daanɨt na tuꞌ jam aꞌm jum aaꞌndaꞌ. Xi taxchaabgidhai pim baꞌ na pim paiꞌ dhuuk puꞌñi xi aaꞌñdhai.

2 TIMOTEO 4:17

Guch Gɨꞌkoraꞌ dho gi guꞌñ palhbui ji, nat guꞌ guiꞌñ guguux na ñich baꞌ siamri kuugalh na ñich tu aꞌga gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga nach jax jaꞌk duñiaꞌ nach baꞌ cham mu jaꞌk bhɨɨyaꞌ nach paiꞌ gammɨjɨ pup jich chulhiiñdhaꞌ gɨt. Bɨɨx kai mɨt guiꞌ nam cham jir Israel kam jaꞌtkam, na guꞌ guch Gɨꞌkoraꞌ pɨx dɨɨlh puiꞌ jaꞌk jix aaꞌ nañ tu duñiaꞌ, puiꞌ kut baꞌ gɇꞌkam kɨꞌn jiñ palhbui, jaꞌp tu tatdaꞌ nat panaas mabiiꞌñ ba jiñ jugiokak.

SANTIAGO 1:5

Baꞌ noꞌ pim guꞌ jaiꞌ dhɨt aapiꞌm jix bhaiꞌx maachik na jax pɨk jaꞌk moox aaꞌ gu Dios na pim tuiꞌñgɨdaꞌ, soiꞌm ɨlhdhai pim muiꞌ xi chañiaꞌ gu Dios. Guiꞌ jam makiaꞌ maaꞌn jimdam gu matdaꞌ cham jax ji chɨꞌji, gɇꞌ cham daaxix kam, na pim baꞌ miꞌ dhɨr kɨꞌn bhaiꞌ ji machiaꞌ puꞌñi na jax pɨk jaꞌk jix aaꞌ na pim tuiꞌñgɨdaꞌ.