MATEO 1:20 - Tepehuano Tepehuán del Sureste (Durango)

²⁰ Baꞌ puiꞌ bam aagɨk na moo maiꞌ ba buaꞌ gɨt gu Mariiya, guꞌ ji nat guꞌ ba tɨɨ maaꞌn gu nobiiꞌñ guch Gɨꞌkoraꞌ tɨɨtkiꞌ bhaan na sap jup tɨtda: ―Aapiꞌ Josee nap jir boxiiꞌñ gu Dabii, chaꞌp jax jum aagɨt bɨɨmaꞌn xi chu kiichai gu Mariiya, na guꞌ gu alhii guiꞌ na tɨgiaꞌ, dhiꞌ gux Dhuuduꞌ kam jix Uañ Iiꞌmdaꞌ pɨx nat puiꞌ jaꞌk tu duu nat bhaan jum tajaa.

MATEO 1:20 ပူးပေါင်းရင်းမြစ်များ

MATEO 1:18

Jaꞌpni jaꞌk jum duu guch Xoiꞌkam janoꞌ nat paiꞌ dhuuk maaxir. Gu dɨꞌɨɨꞌn Mariiya tu taandaꞌ am na sap bɨɨmaꞌn tu kiichaꞌ maaꞌn gu chioꞌñ na puiꞌ tɨɨꞌ Josee, guꞌ ji na guꞌ bɨɨpɨꞌ dɨr nat chakui bɨɨmaꞌn tu kiicha, dɨɨlh pɨx bar alhiꞌch kɨɨkam kaꞌ gu Mariiya, sia kum tɨi chakuir jum bɨpnagɨm, na guꞌ gux Dhuuduꞌ kam jix Uañ Iiꞌmdaꞌ nat puiꞌ jaꞌk bhaan jum tajaa na baꞌ dɨɨlh pɨx ba tɨgiaꞌ maaꞌn gu alhii.

MATEO 2:12

Gatuuk baꞌ dai na mɨt mi jaꞌp ba tɨbia. Baꞌ ba tɨ tɨɨtkɨ mɨt na sap cham bhaaiꞌ nam mu jaꞌk ka jiimdaꞌ buiñor gu Eroodis, na guꞌx bhaam buiñor gu alhii guiꞌ nar jich Xoiꞌkam. Baꞌ maakam jaꞌk bhɨi mɨt na mɨt paiꞌ dhuuk ba jii mu jaꞌk ja kiꞌaam.

MATEO 2:13

Baꞌ gatuuk na mɨt paiꞌ dhuuk ba jii guiꞌ nam jix maatɨt ja nɨiꞌñdhaꞌ gu chiichiaꞌ, ba tɨɨ gu Josee maaꞌn gu nobiiꞌñ gu Dios tɨɨtkiꞌ bhaan, baꞌp tɨtda: ―Xi bamiiꞌ Josee, jix kɨɨꞌ bim duuñ kup maiꞌ daiꞌññiaꞌ mu jaꞌk Ejipto, xi bhɨɨji ap dhi alhii, gio gu dɨꞌɨɨꞌn jap bɨɨx jup xi baidhai. Mummɨp baꞌ moo pɨx daakaꞌ, aañ dɨɨlh bam aagiꞌñdhaꞌ na paiꞌ dhuuk jix bhaaiꞌn kaꞌ nap gio bhaiꞌp ba jimiaꞌ, na guꞌ yaꞌ gu Eroodis bha jimdaꞌ jia na bha gaaꞌmɨraꞌ dhi alhii na baꞌ yaꞌ muꞌaaꞌ.

MATEO 2:19

Baꞌ gatuuk nat paiꞌ dhuuk ba muu gu Eroodis gio buiñor jup bam maax gu Josee gu nobiiꞌñ gu Dios na mu jaꞌk ka daa Egipto, baꞌp tɨtda:

MATEO 2:22

Guꞌ ji na guꞌ nat chakui bhammɨ ai, puiꞌ ba tɨ kai na gu Arkelao bhaiꞌp bar gɇꞌkam na jɨꞌx jir Judea, guiꞌ nar maraaꞌn gu Eroodis kat. Baꞌ puiꞌ cham muiꞌ ka ai gu Josee, na guꞌx ɨɨbhiꞌñ. Baꞌ gio buiñor jup bam maax gu nobiiꞌñ gu Dios tɨɨtkiꞌ bhaan, baꞌ puiꞌ tɨtda na mu jaꞌk bhɨɨyaꞌ Galilea. Baꞌ gu Josee pu sɨlh bhɨi ɨp mu jaꞌk na paiꞌ tu aagiꞌñ.

MATEO 27:19

Baꞌ moo janoꞌ na pui miꞌ ka daa gu Pilaato miꞌ na paiꞌr gɇꞌkam kaꞌ, muiꞌ ba tu joochxi gu bɨngaꞌn nam sap jup tɨɨdaꞌ na cham juandaꞌ gu Jesuus, nat guꞌ sap puiꞌ tɨ tɨɨtkɨ tukaaꞌ na cham bhaiꞌ tu jimiaꞌ noꞌt tu chia nam muꞌaaꞌ.

MATEO 28:5

Baꞌ na mɨt paiꞌ dhuuk mummɨ ba ai gu uꞌuub miꞌ na paiꞌ ka yaasapkat gu Jesuus, jup ja tɨtda gu nobiiꞌñ guch Gɨꞌkoraꞌ: ―Chaꞌpim totdon kaꞌñ jaaduñ. Aañ jix maat jia na pimɨt gu Jesuus bhaiꞌ ba gaagam guiꞌ na mɨt kuruus taꞌm sissapa.

LUUKAS 1:19

Baꞌ gu nobiiꞌñ gu Dios jup tɨtda: ―Jaꞌpji nañ guꞌ aañ sɨlhkam yaꞌ puiꞌm tɨtda, cham tuꞌp jax jum aaꞌndaꞌ nañ puiꞌ pɨx kaiꞌch. Jir nobiiꞌñ iñ guꞌ aañ gu Dios. Aañ jir diꞌ nañ Gabrial tɨɨꞌ. Guiꞌ pɨx bhañ joot nañ yaꞌm aagiꞌñdhaꞌ na jax jix bhaiꞌ kaiꞌch.

LUUKAS 2:4

Puꞌñi duuk baꞌ gu Josee ma jii miꞌ dhɨr Nasareet na Galilea bhaan bipioꞌ gu dɨbɨɨr, bhammɨ jaꞌk bhɨi Beleen na paiꞌ Judea bhaan bipioꞌ ɨp guiꞌ gu dɨbɨɨr, nat guꞌ bhaiꞌ maaxir gu boxiiꞌñ Dabii nar gɇꞌkam kat bɨjɨk.

GU NOONBIꞌÑ GUCH XOIꞌKAM 5:19

Guꞌ ji nat guꞌ tukaaꞌ maaꞌn gu nobiiꞌñ gu Dios bhaiꞌ ji ɇɇk bɨɨx kap tu kukpioꞌ gu kikiꞌñgob, baꞌ xi ja boosgak jup ja tɨtda:

NAT JAX TƗ TƗƗ GU JUAN 19:7

Joidham jach bɨɨx jich jujur kɨꞌn jix bhaiꞌch chaatɨt buiñor gɇꞌkamtuꞌndaꞌ. Gio na guꞌ xib yaꞌr bhooꞌn kaꞌ, bam ai guꞌ na paiꞌ dhuuk jum tɨɨmoꞌ dhiꞌ na jaꞌp ji buusan na gux kɨɨꞌ kasnir. Yaꞌ bap tuꞌiiꞌ guiꞌ na bɨɨmaꞌn jum tɨɨmoꞌ,