MAARKOS 9:4 - Tepehuano Tepehuán del Sureste (Durango)

⁴ Baꞌ bhaiꞌ bam maax gu Eliiyas gio gu Moisees, bɨxxik dɨr guguukat tu aꞌgiꞌñ am gu Jesuus na mɨt ba tɨɨ gu noonbiꞌñ.

MAARKOS 9:4 ပူးပေါင်းရင်းမြစ်များ

MATEO 11:13

Baꞌ puꞌñi tɨi pu tu ja aꞌgiꞌñdhaꞌ am gu jaꞌtkam guiꞌ nam bɨjɨk bhaankam jup tu aꞌgimɨk gu Dios na jax jaꞌk tu ja aꞌgidhimɨk gu Juan jaꞌtkam bopkondam, gio baꞌ na mɨt tɨi tu uaꞌnak gu ñioꞌkiꞌñ gu Dios nam baꞌ jiñkuidhai miꞌ puiꞌ ba jimiaꞌ gɨt, guꞌ ji nam guꞌ ba puiꞌ pɨx cham jup tɨ jɨɨgiꞌñdhaꞌ.

MAARKOS 9:3

bhaiꞌ ji chotbikɨ gu jajannulhiꞌñ, jix chuaap jum duu, ni na cham jaꞌp jix chua na jax gu jabook kɨb noꞌ bhaan mi chanoor. Jaꞌp jix ioꞌm jix chua ji, na moo sia ku dɨɨlh pux chua gu jannulh, cham jɨꞌxkat pu chuꞌm oñiaꞌ, siat muiꞌkim tɨim bakua.

MAARKOS 9:5

Baꞌ muiꞌ ji ñio gu Peegro, jup kaiꞌch: ―¡Umri moor am na pich bhach baidhak jiñ jaduuñ nach yaꞌp tuiꞌkaꞌ jum bɨɨm! Xib baꞌ tuꞌ na jax chuiꞌkaꞌ, jɨꞌmaꞌn jach jam oꞌnamdhaꞌ, maaꞌn jir aap gaꞌn kaꞌ, jumai baꞌr Moisees gaꞌn kaꞌ, jumai baꞌr Eliiyas gaꞌn kaꞌ.

LUUKAS 24:27

Baꞌ xi ja aagiꞌñ gu Jesuus puiꞌ moꞌram dɨr xi boosgaidhat na paiꞌ jaꞌp puiꞌm kaiꞌch nam dhiꞌ aagɨt jup kaiꞌch na mɨt tu uaꞌnak gu bɨjɨk dɨr kam. Mummɨ dɨr bhaiꞌ ji kɨi nat paiꞌ gu Moisees tu uaꞌnak, miꞌ dhɨr baꞌ gu jaiꞌ na mɨt puiꞌp tu uaꞌnak nam sia dhiꞌ pɨx aagɨt jup kaiꞌch.

LUUKAS 24:44

Baꞌp ja tɨtda ɨp gio nat xi koiꞌchok: ―Puꞌjani na tuñ dhoodaꞌ kuñ baꞌp jam tɨtdadaꞌ nañ mu jaꞌp jam bɨɨm oirɨdaꞌ, nam aayaꞌ gu tanoolh na paiꞌ dhuuk puiꞌ ji chu buusniaꞌ na jax tu aagix nat tu uaꞌnak gu Moisees na aañ jiñ aagɨt jup kaiꞌch, gio gu jaiꞌ na mɨt puiꞌ bhaankamuꞌn gu Dios jup tu uaꞌnak nam sia aañ jiñ aagɨt jup kaiꞌch, puiꞌ na miꞌ Salmos taꞌm.

LUUKAS 9:19

Baꞌ maadɨt jup tɨtda: ―Dho jɨꞌmaꞌn jup kaiꞌchdhaꞌ am nap sap pɨk baꞌ panaas aap jir diꞌ gu Juan jaꞌtkam bopkondam nat giop buus duadɨk mu dɨr na mɨt paiꞌ yaas. Jaiꞌm baꞌp kaiꞌchdhaꞌ ɨp nap sap aap jir diꞌ gu Eliiyas guiꞌ na bɨjɨk bhaankamuꞌn gu Dios ya jaꞌp tu ja aꞌgidhimɨk gu jaꞌtkam gio yaꞌp ba ai. Jaiꞌm baꞌp kaiꞌchdhaꞌ ɨp nap sap maadɨt pɨx jir diꞌ guiꞌ nam puiꞌ bhaankamuꞌn gu Dios ya jaꞌp jup tu ja aꞌgidhimɨk gu jaꞌtkam bɨjɨk, dai nat duadɨk giop ba buus mu dɨr nam paiꞌ yassap.

JUAN 5:39

sia ku tɨir maaꞌn na pim tu jiñkuiꞌñdhaꞌ gu ñioꞌkiꞌñ guñ Gɨꞌkoraꞌ na pim sap pɨk baꞌ tɨix maachik na jax jaꞌk gammɨjɨ jam aꞌm tɨ nɨidhidhaꞌ. Matgam gɇɇꞌ jam aꞌm kam aaꞌ ji na pim baꞌx bhaiꞌ ba machiaꞌ. Tɨɨꞌ na pim guꞌ chakui maatɨt kɇɇ na aañ jiñ aagɨt jup kaiꞌch mi uꞌuan taꞌm na tu uaꞌñix,

NAT JAX TƗ TƗƗ GU JUAN 19:10

Baꞌ aañ na ñich jax jiñ oꞌlhia kɨꞌn kɨkbo, ba ji chu daanɨ ñich buiñor gu nobiiꞌñ gu Dios na miꞌ tuñ aꞌgiꞌñ, guꞌ ji na guꞌ guiꞌp jiñ chɨtda: ―Chaꞌp tu daandaꞌ aañ jiñ bui, nañ guꞌ aañ pur cham tuꞌ. Jir tujuandam tugiꞌñ iñ pɨx gu Dios jaꞌp na jax aap jiñ jaduuñ gio gu jaiꞌ nam jɨꞌk tuꞌ kaꞌm nɨidhat miꞌ puiꞌ ba jiim na jax chum aꞌga gux bhaiꞌm kaiꞌchdham ñiꞌook na bhaan tu aꞌga guch Xoiꞌkam. Guiꞌ ji Dios nap xi dhañiaꞌ. Na guꞌ bɨɨx nam jɨꞌk bhaankamuꞌn tu aꞌga gu Dios, bɨɨx ja jujur kɨꞌn ba tɨ jɨɨgiꞌñ am na jax jum kaiꞌch gux bhaiꞌm kaiꞌchdham ñiꞌook na bhaan tu aꞌga guch Xoiꞌkam.