MAARKOS 9:25 - Tepehuano Tepehuán del Sureste (Durango)

²⁵ Baꞌ pɨx ji aajim am gu jaꞌtkam na ja nɨiꞌñ gu Jesuus, baꞌ xim jotmaꞌñ nat maiꞌ joot gu cham kɨɨꞌ iiꞌmdaꞌ, jup tɨtda: ―Aapiꞌ cham kɨɨꞌ iiꞌmdaꞌ nap miꞌ naanbichuꞌn dhiñ jaduuñ na baꞌ cham tu ñiok gio na cham tɇ kɇɇ, mu buusaiñ bhaiꞌ dhɨr bhaan. Chaꞌp baꞌ gio bhaiꞌp ka bapkɨdaꞌ.

MAARKOS 9:25 ပူးပေါင်းရင်းမြစ်များ

MATEO 12:22

Baꞌ jaꞌxpɨx miꞌ ba aiꞌchulh jamɨt gu Jesuus maaꞌn gu maaꞌnkam na bhaan jup tuiꞌñgɨdaꞌ gu cham kɨɨꞌ iiꞌmdaꞌ na puiꞌ jaꞌk duukaꞌ na cham ñia kaꞌ gio na cham tu ñiokdaꞌ. Baꞌ cham jax ji chɨꞌɨɨk jup xi dhuaꞌñ gu Jesuus, jix kɨɨꞌ dho guꞌp jum duu, ba tu ñiok gio na bax ñia.

MATEO 17:18

Baꞌ guiꞌ xi baiꞌñpuk miꞌp ba aichulh jamɨt. Baꞌ ba ñiok gu Jesuus gu cham kɨɨꞌ iiꞌmdaꞌ na bhaan jup tuiꞌdhiꞌ gu biapmaꞌ, jup tɨtda: ―Mup buusniaꞌ bhaiꞌ dhɨr bhaan dhi biapmaꞌ. Chaꞌp bhaiꞌ pu tuiꞌñgɨdaꞌ. Baꞌx kɨɨꞌp jum duu gu biapmaꞌ miꞌ jotmodaꞌ nat jax pu tɨɨꞌn gu Jesuus.

MAARKOS 9:15

Baꞌ gu jaꞌtkam na mɨt ba tɨɨ gu Jesuus na miꞌ amuub ba aajim, joidham jix bhaiꞌm ɨlh jamɨt. Jotmodaꞌ mɨt mu boop, baas jamɨt namkɨk ba ñioꞌki.

MAARKOS 9:24

Baꞌ gu taataꞌn gu biapmaꞌ xiꞌkam mu ñio ɨp gio, jup kaiꞌch: ―Dho guꞌ aañ chɨix biiñak ji panaas, guꞌ chi moo chakuir puiꞌ ji jia. Aaꞌ nap mañ aaꞌñdhaꞌñ jaduuñ nañ baꞌx bhaiꞌ machiaꞌ nañ jax jaꞌk jix ioꞌm bax biiñak kaꞌ buiñor.

MAARKOS 9:26

Baꞌ panaas kut jix ioꞌm ba xi bhɨi gu biapmaꞌ nat paiꞌ dhuuk ba ji buus gu cham kɨɨꞌ iiꞌmdaꞌ bhaiꞌ dhɨr bhaan, panaas kut naiꞌ ji muu. Baꞌ xeej jiiñkɨk gu cham kɨɨꞌ iiꞌmdaꞌ nat baꞌ pɨk ba buus. Baꞌ jaiꞌ dhɨt jup kaiꞌch am gu jaꞌtkam: ―Pu muukɨk jup jum duu ji dhiꞌ.

LUUKAS 11:14

Maaꞌnnim gu Jesuus maaꞌn maiꞌ ba jootos gu cham kɨɨꞌ iiꞌmdaꞌ bhaan dɨr maaꞌn gu maaꞌnkam na bhaan jup tuiꞌdhiꞌ. Cham tu ñiokdaꞌ dhiꞌ dhi maaꞌnkam, na guꞌ gu cham kɨɨꞌ iiꞌmdaꞌ pɨx na puiꞌ duukaꞌ. Baꞌ joidham bhaiꞌ ji chu ñiokcha gu maaꞌnkam nat paiꞌ ba buus gu cham kɨɨꞌ iiꞌmdaꞌ bhaan dɨr. Baꞌx bhaiꞌm ɨlh jamɨt jaiꞌ gu jaꞌtkam na mɨt puiꞌ tɨ tɨɨ.

LUUKAS 4:35

Guꞌ ji nat guꞌ gu Jesuus pu ñiok, jup tɨtda: ―¡Chaꞌp ñiokdaꞌ cham kɨɨꞌ iiꞌmdaꞌ nap bhaiꞌ bhaan baaxchugɨt naanbichuꞌn dhiñ jaduuñ! Mup buusniaꞌ bhaiꞌ dhɨr, chaꞌp bhaiꞌ pu tuiꞌñgɨdaꞌ. Baꞌ mi jaꞌp ji ia gu maaꞌnkam ja taagiob guiꞌ nam miꞌp tuꞌiiꞌ, nat guꞌ gu cham kɨɨꞌ iiꞌmdaꞌ puiꞌ xi dhoodak nat baꞌ pɨk ba buus bhaiꞌ dhɨr bhaan. Gio baꞌ bhaiꞌp ji bam gu maaꞌnkam, dai na bax kɨɨꞌ, cham tuꞌ ka naanbiꞌ.

LUUKAS 4:41

Muiꞌ mɨt miꞌp ja aich guiꞌ nam ampɨx jix ñanaanbiꞌ kaꞌ na ja aꞌm jup tuiꞌñgɨdaꞌ gu cham kɨkɨɨꞌ iꞌiiꞌmdaꞌ. Baꞌp tɨtdadaꞌ am gu Jesuus gɇꞌ kɨꞌn: ―Aap jir diꞌ gu maraaꞌn gu Dios. Guꞌ ji na guꞌ maaꞌn na jax ñiokdhai pu maiꞌ jootsaꞌ gu Jesuus bhaiꞌ dhɨr bhaan gu maaꞌnkam, na guꞌ dhiꞌ pɨx na puiꞌ jurtuꞌnkaꞌ na baꞌ miꞌ dhɨr puiꞌp kaiꞌchdhaꞌ. Jix maat am guꞌ nar diꞌ guiꞌ na bhaankam ya oirɨ gu Dios.

LUUKAS 8:29

Na guꞌ chian gu Jesuus gu cham kɨɨꞌ iiꞌmdaꞌ na mu buusniaꞌ bhaiꞌ dhɨr bhaan gu maaꞌnkam na baꞌ puiꞌ tum uañiꞌñ. Muiꞌkim jix ioꞌm ba ji koꞌktulh guꞌ, tɨi buupurdaꞌ am gu jaꞌtkam bapaiñum jix kaapak kɨꞌn na baꞌ cham naiꞌ pɨx mɨrdaꞌ gɨt, guꞌ ji na guꞌ xi ɨꞌkɨi miꞌ dhɨr ji dhaiꞌññiaꞌ ɨp gio, mummɨ jaꞌp baꞌ pɨx mɨmlhidhaꞌ gampɨx jix chu gak kɨr. Guiꞌ pɨx cham kɨɨꞌ iiꞌmdaꞌ na puiꞌ jaꞌk duiñchuꞌndaꞌ.

LUUKAS 9:42

Baꞌ nam amuub ba baiꞌñchuꞌ gu biapmaꞌ na paiꞌ kɨɨk gu Jesuus, gio mi jaꞌp naiꞌp ji ia, naiꞌ xim totbhiopaim, gu cham kɨɨꞌ iiꞌmdaꞌ guꞌ na puiꞌ jaꞌk duuk. Guꞌ ji nat guꞌ gu Jesuus pu ñiok gu cham kɨɨꞌ iiꞌmdaꞌ, maaꞌn jimdam pu buus baꞌ bhaiꞌ dhɨr bhaan. Baꞌx kɨɨꞌ juraaꞌn biaꞌ kam bhaiꞌ ji bam gu biapmaꞌ. Miꞌ dhɨr baꞌ mu jaꞌk xi joochxi gu taataꞌn na mi jaꞌp kɨɨk.

GU NOONBIꞌÑ GUCH XOIꞌKAM 16:18

Baꞌ maaꞌn na puiꞌch chɨtda nach paiꞌ dhuuk muiꞌ ba jiimdaꞌ mu jaꞌk na paiꞌ tum daandaꞌ. Baꞌ maaꞌnnim nax oodat pɨx ba kɇɇ gu Paablo, nat jax jaꞌk gɨi jup tɨtda gu cham kɨɨꞌ iiꞌmdaꞌ na bhaan jup tuiꞌdhiꞌ gu ubii tɨyaa: ―Aañ pum tɨtda bhaankamuꞌn guch Xoiꞌkam nap buusniaꞌ bhaiꞌ dhɨr bhaan dhi ubiiñ jaduuñ. Baꞌ miꞌ jotmodaꞌ buus gu cham kɨɨꞌ iiꞌmdaꞌ bhaiꞌ dhɨr bhaan gu ubii tɨyaa, jix kɨɨꞌ dho guꞌp jum duu.

JUUDAS 1:9

Cham puiꞌ na gu Migial guiꞌ nar nobiiꞌñ gu Dios, na cham paiꞌ moo jaꞌp puꞌñi pɨk gɇꞌkam jum taat sia kur ja gɇꞌkam tuk bɨɨx na jɨꞌk noonbiꞌñ gu Dios. Jaiñ na cham paiꞌ jax xi chɨtda gu jaꞌook dɨɨlh gɇꞌkam jum taatɨt na jax ɨlhiiꞌñ janoꞌ nat joot gu Dios na baabuidhai yaaspaꞌ gu tukgaꞌn gu Moisees nat ba muu. Jup tɨtda pɨx soiꞌm ɨlhdhat: “Dho guꞌ gu Dios jich Gɨꞌkoraꞌ ji nam aagiꞌñdhaꞌ na jax jup ɨlhiiꞌñ. Aañ nañ guꞌr tujuandam tugiꞌñ pɨx, cham biaꞌ iñ nañ jax jum tɨɨdaꞌ.”