MAARKOS 5:34 - Tepehuano Tepehuán del Sureste (Durango)

³⁴ Baꞌp tɨtda gu Jesuus: ―Pu ba dua pich ji matgam jiñ jaduuñ, nap guꞌ aañ jiñ bui bax biiñak. Ba jimiaꞌ ap, chaꞌp jax kam aaꞌndaꞌ. Cham tuꞌ jaꞌk ka gɨxiaꞌ gu koꞌkdaiꞌ nam ɇɇkat.

MAARKOS 5:34 ပူးပေါင်းရင်းမြစ်များ

MATEO 9:2

Baꞌ cham jɨꞌx mɨɨkim na mɨt maaꞌn miꞌ ba aichulh gux maꞌmkulhiꞌ bhaan gu bakxidharaꞌ. Baꞌ gu Jesuus nat ba ja tɨɨ nam buiñor jix biiñaktuꞌ guiꞌ nam mu uaꞌ, jup tɨtda gux koꞌkkam: ―Chaꞌp jax kam aaꞌndaꞌ jiñ jaduuñ. Ba uañchudhix ji matgɨm gum uaꞌtulhdharaꞌ.

MATEO 9:22

Baꞌ gu Jesuus jaꞌk xi gɨɨsɨk jup tɨtda gu ubii: ―Chaꞌp jax kam aaꞌndaꞌñ jaduuñ. Pu ba dua pich ji matgɨm, nap guꞌ aañ jiñ bui bax biiñak. Baꞌ miꞌ jotmodaꞌ joidham jix bhaiꞌ bhaiꞌ ji chu tatdat gu ubii nat jax pu tɨɨꞌn gu Jesuus, jix kɨɨꞌ dhop jum duu na ka mɨrdat gu ɨꞌraꞌn.

MAARKOS 10:52

Baꞌp tɨtda gu Jesuus: ―Bax kɨɨꞌ ap ji matgam, nap guꞌ aañ jiñ bui bax biiñak. Chaꞌp jax kam aaꞌndaꞌ. Baꞌ dai nat puiꞌ jɨꞌ xi chɨɨꞌn, bhaiꞌ ji chɨ tɨɨ guiꞌ na cham ñia kat, jix kɨɨꞌ dho guꞌp jum duu. Miꞌ dhɨr baꞌ dai nat ba oi bhammɨ jaꞌk nat paiꞌ ba jii gu Jesuus ja bɨɨm gu jaiꞌ.

MAARKOS 3:10

Nam guꞌ giilhim muiꞌ pɨx ji aajim gux kakoꞌkkam, gio nam guꞌ alh na jɨꞌx kɨꞌn nam amuub jix aik na paiꞌp tuꞌiiꞌ, pɨx am jum tutkiꞌñ am, aaꞌndaꞌ gɨt nam jax pɨk jum duñiaꞌ, nam guꞌ puiꞌ tɇ kɇɇ nat muiꞌ ba ja duduaꞌñ.

MAARKOS 5:29

Baꞌ jotmodaꞌ pu kɨkbu gu ɨꞌraꞌn, gio nat jix bhaiꞌ bhaiꞌ ji chu tatdat na kax chu koꞌk kat.

MAARKOS 5:33

Baꞌ gu ubii jix chooꞌnnɨt giꞌbukidhat miꞌ oꞌlhiaꞌn kɨꞌn ji kɨkbu bɨɨpɨꞌ dɨr gu Jesuus, na guꞌx maat na dhiꞌ aagɨt jup kaiꞌch. Baꞌ bɨɨx ba aagiꞌñ nat jax kaiꞌñkam bha dhaa jannulhiran.

LUUKAS 17:19

Baꞌp tɨtda gu maaꞌnkam puiꞌ xi chɨꞌɨɨk: ―Pu ba dua pich ji matgɨm jiñ jaduuñ, chaꞌp jax kam aaꞌndaꞌ, na pich guꞌ bɨɨx jum jur kɨꞌn tɨ jɨɨꞌñ buiñor gu Dios. Ba jimiaꞌ ap xi kɨkboi.

LUUKAS 18:42

Baꞌp tɨtda gu Jesuus: ―Pu bax kɨkɨɨꞌ ji matgɨm jiñ jaduuñ, na pich guꞌ bɨɨx jum jur kɨꞌn jiñ bui ba tɨ jɨɨꞌñ.

LUUKAS 7:50

Guꞌ ji na guꞌ xi chu aꞌgiꞌñchuꞌ gu Jesuus gu ubii, jup tɨtda: ―Giop jup ba jimiaꞌ cham jax jum aagɨt jiñ jaduuñ. Dɨɨlh jum palhbui pich guꞌ na pich tuꞌ sɨlhkam buiñor tɨ jɨɨꞌñ na dai aañ jix bhaaiꞌ nañ jum palhbuidhaꞌ. Baꞌ cham tuꞌ mu jaꞌk ka jim ap nap paiꞌ gammɨjɨ gɨt miꞌ pup jum tulhiiñdhaꞌ.

LUUKAS 8:48

Baꞌ gu Jesuus jup tɨtda: ―Pu ba dua pich ji matgɨm jiñ jaduuñ, na pich guꞌ bɨɨx jum jur kɨꞌn ba tɨ jɨɨꞌñ jiñ bui. Jix bhaiꞌp jum taattugɨt ba jimiaꞌ.

GU NOONBIꞌÑ GUCH XOIꞌKAM 14:9

Baꞌ na xi ñɨiꞌñ gu Paablo nax ioꞌm soiꞌm ɨlhiiꞌñ gu maaꞌnkam, ba maat na tɨix dhuadhim nax aaꞌ na ba tu oirɨdaꞌ.

GU NOONBIꞌÑ GUCH XOIꞌKAM 15:33

Baꞌ gatuuk jɨꞌkchi jurniꞌñ kɨꞌn miꞌ dhɨr ba ja joot jamɨt guiꞌ nam tɨ jɨɨgiꞌñdhaꞌ buiñor guch Xoiꞌkam nam sap giop ba jimiaꞌ bhammɨ jaꞌk Jerusaleen na mɨt paiꞌ dhɨr mu ja joot, dai na mɨt puiꞌ jaꞌk xi ja tabuimgidhak na sap gammɨjɨ ja aꞌm tɨ nɨidhidhaꞌ guch Xoiꞌkam.

GU NOONBIꞌÑ GUCH XOIꞌKAM 16:36

Baꞌ puiꞌp ba tɨtda gu Paablo guiꞌ na miꞌ tu nuukaꞌndaꞌ, jup kaiꞌch: ―Ba jimiaꞌ pim jiñ jaaduñ, na mɨt guꞌ sap bha tu joot gu gɇꞌgɇrkam nañ jam doꞌñchoꞌ.

SANTIAGO 2:16

Baꞌ noꞌ guꞌ maadɨt aapiꞌm mu jimɨɨk jax chɨtda: “Moo gɨt alh joidham jix bhaiꞌ tum jimdaꞌñ jaduuñ tuꞌ na pɨx bhaan, gɇꞌ biaꞌkaꞌ ap gu koiꞌ nap tu kuaꞌdaꞌ, gio gum jajannulh jap gɨt moop tu biaꞌkaꞌ nap tɨ tɨꞌkaꞌ nap baꞌ cham gɨbkaidhaꞌ.” Guꞌ ji noꞌ guꞌ ni jɨꞌx ku pich iam xi onbaiꞌ guiꞌ na tuꞌ aꞌmiram jum aaꞌ nap nɨiꞌñ, ¿tuꞌ gi kɨꞌn jup palhbuidhaꞌ sia kup aap miꞌ joidham tɨi xi chɨtda?