MAARKOS 5:24 - Tepehuano Tepehuán del Sureste (Durango)

²⁴ Baꞌ gu Jesuus cham jax ji chɨꞌɨɨk muiꞌp ma oi. Baꞌ muiꞌ jaꞌtkam pɨx chuꞌp tuiꞌdhiꞌ am, pɨx am kikiꞌspaim am.

MAARKOS 5:24 ပူးပေါင်းရင်းမြစ်များ

MAARKOS 3:20

Baꞌ cham jɨꞌx mɨɨkim gio pɨx jaꞌx jup ji ai mɨt gu jaꞌtkam, giilhim muiꞌ miꞌ mam jumaap jamɨt, pu cham jax jix bhaaiꞌ na tu jugiaꞌ gu Jesuus ni gu noonbiꞌñ, na guꞌ dai nam tɨi ja palhbuiꞌñchuꞌ gux kakoꞌkkam.

MAARKOS 5:23

baꞌp tɨtda soiꞌm ɨlhdhat: ―Aañ jaꞌp tɨi kaiꞌchɨt jiñ jaduuñ nap iam mu jimiaꞌ gɨt jiñ kiꞌaam nap duaꞌñdharaꞌ guñ maraax, umri moo ba muukim. Aañ jix maat na dai noꞌ pich xi dhaa, pu dodhiaꞌ.

MAARKOS 5:25

Baꞌ maaꞌn muiꞌp jimchuꞌ gu ubii na mambhɨɨx daman gook oidhaꞌ bax kaꞌook. Nat paiꞌ dhuuk ai gu masaaꞌn, puiꞌ jaꞌk pu bii, cham ka duduardaꞌ, gammɨjɨ pɨx ba mɨrdaꞌ gu ɨꞌraꞌn.

MAARKOS 5:31

Baꞌp tɨtda am gu noonbiꞌñ: ―¡Jaroo bhañ dhaa jiñ jannulh am sap! ¿Jax jap gi dhuip machiaꞌ? Na guꞌ muiꞌ jaꞌtkam ya tum jiimchuꞌ, pɨx am jum kikiꞌspaim am.

LUUKAS 11:29

Baꞌ giilhim muiꞌ pɨx jaꞌx ji aajim am gu jaꞌtkam miꞌ na paiꞌp tuꞌiiꞌ gu Jesuus, nammɨ jaꞌp ba xi juꞌ am. Baꞌp ja tɨtda: ―Jaiꞌ dhɨt gu jaaduñ nam yaꞌp tuꞌiiꞌ tɨix aaꞌ am nañ sap tuꞌ jax xi dhuñiaꞌ nam cham paiꞌ dhuuk pu chuꞌm nɨiꞌñ, guꞌ ji na guꞌ cham tuꞌ pu chuꞌm ja aꞌm jum aaꞌ, nam guꞌ giilhim jix uꞌuaꞌtulhdhix. Ku guꞌ aañ jir dhiꞌ pu chuꞌm kaꞌ ji nam jax chuꞌm jix aaꞌ nam tɨgiaꞌ, puiꞌñ jup jiñ dhuñiaꞌ nat jax jum duu bɨjɨk gu Jonaas.

LUUKAS 12:1

Baꞌ giilhim muiꞌ miꞌ mam jumaap jamɨt gu jaꞌtkam na paiꞌp tuꞌiiꞌ gu Jesuus, nammɨ jaꞌp xi juꞌ am. Giox kabkam kiꞌsap am jaiꞌ mɨjɨ jaꞌp, nam guꞌx kobkom mi guguuk. Baꞌ bɨɨpɨꞌ muiꞌ ji chu ja aꞌgi guiꞌ nam kaichuꞌ, jup ja tɨtda: ―Moo pim cham miaꞌn ja aꞌjɨdaꞌ guiꞌ nam pariseos jum tɨɨtɨꞌ. Giilhim jix kaidhaꞌ guꞌ gu ja ñiꞌook, jaꞌp jir tuꞌm am na jax guiꞌ na kɨꞌn jappukar gu paan, pu cham miꞌ puiꞌ jiim am dɨɨlh nam jax ja aagiꞌñdhaꞌ gu jaꞌtkam.

LUUKAS 19:3

Baꞌ tɨix chɨɨgim gu Jesuus na mi jaꞌp jim, guꞌ ji nam guꞌ giilhim jix kobkom mu jiim gu jaꞌtkam. Gio na guꞌ cham jir tɇb kaꞌ gu Sakeo, ja juraab pɨx juꞌnkaꞌ gu jaꞌtkam. Mɨjɨ dɨr jaꞌp baꞌ tɨi mɨmlhim ja bɨɨbhiꞌ, guꞌ ji na guꞌ cham paiꞌ dhɨr jir joidham na tɨgiaꞌ.

LUUKAS 7:6

Baꞌ ma ja oi gu Jesuus nat ba duaꞌñdham gux koꞌkkam. Baꞌ nat ba maat gu gɇꞌkam sandaaruiꞌx nam amuub ba jiim, guiꞌ nam maap jix bhaiꞌ kaiꞌchdhaꞌ mɨjɨp xi ja joot nam bhaankam jup tɨɨdaꞌ gu Jesuus: ―Amuub pɨx kiaꞌñ jaduuñ, nañ gu cham jir jum jupaabkam nap gɨt iam yɨjɨ bakiaꞌñ baꞌgɨr.

LUUKAS 8:42

na duaꞌñdharaꞌ gu maraaꞌn tɨɨyax na dakoo pɨx ba duatuꞌ. Daipuꞌ maaꞌn tu mar guꞌ sap, chi jɨꞌk mambhɨɨx daman gook oidhaꞌ biaꞌkam gu tɨɨyax. Baꞌ ma oi ɨp gu Jesuus, bɨɨx gu jaꞌtkam pɨx chuꞌp jum duu mɨt, pɨx maap sulhikgim am nam gamaiꞌ jiim, giilhim muiꞌ am guꞌ.

LUUKAS 8:45

Baꞌ gu Jesuus naiꞌ ba ja tɨkka gu jaꞌtkam nam mu jiim, jup ja tɨtda: ―¿Jaroo bhañ dhaa? Guiꞌp kaiꞌch am na cham paiꞌ jaroiꞌ daꞌngɨ. Baꞌ miꞌ dhɨr jaꞌp jup kaiꞌch gu Peegro: ―¿Kux baꞌ jaroiꞌ bhaiꞌp jum daꞌngim jiñ jaduuñ? Jaꞌpji nam jum aꞌm sulhikgim gu jaꞌtkam nam jix kobkom ya jiim.

GU NOONBIꞌÑ GUCH XOIꞌKAM 10:38

Dho guꞌ puiꞌ dho na pim jax bax maat jiañ jaaduñ, nat gu Dios gɇꞌkam kɨꞌn bhaan tɨ tɨɨ gu Jesuus Nasareet kam gio nat gɇꞌ bhaan tajaa gux Dhuuduꞌ kam jix Uañ Iiꞌmdaꞌ, puiꞌ ku baꞌ joidham jix bhaiꞌm duukam xip tu buimɨk gu Jesuus, gio baꞌ na bha jaꞌp oirɨt ja duduaꞌñdhidhaꞌ guiꞌ nam jɨꞌk kam tulhiiñdhat nam jix kakoꞌk kaꞌ na puiꞌ jaꞌk ja duukaꞌ gu jaꞌook. Baꞌ dhiꞌ puiꞌ nat jɨꞌk jax tu duu, dhiꞌ gu Dios na bhaan tɨ nɨidhidhaꞌ, puiꞌ ku baꞌx bhaaiꞌ nat puꞌñi tu duu.