MAARKOS 5:23 - Tepehuano Tepehuán del Sureste (Durango)

²³ baꞌp tɨtda soiꞌm ɨlhdhat: ―Aañ jaꞌp tɨi kaiꞌchɨt jiñ jaduuñ nap iam mu jimiaꞌ gɨt jiñ kiꞌaam nap duaꞌñdharaꞌ guñ maraax, umri moo ba muukim. Aañ jix maat na dai noꞌ pich xi dhaa, pu dodhiaꞌ.

MAARKOS 5:23 ပူးပေါင်းရင်းမြစ်များ

MATEO 8:3

Baꞌ gu Jesuus bhaiꞌ xi dhaagɨk jup tɨtda: ―Ea, jum duaꞌñdhaꞌ iñ dho. Baꞌ miꞌ jotmodaꞌ jix kɨɨꞌp jum duu guiꞌ na tootolhidhat bhaiꞌ ka gakiidhat gu tukgaꞌn. Miꞌ dhɨr baꞌ moop tɨtda ɨp gio gu Jesuus: ―Jaña, bax kɨɨꞌ ap dhoñ jaduuñ. Chaꞌp jax kam aaꞌndaꞌ.

MAARKOS 16:18

Gio baꞌ na cham jɨꞌxkat iaꞌñdhaꞌ noꞌt tuꞌ koꞌ ba kɨi maadɨt. Piam noꞌt jax dhuuk juu gu paꞌch, cham tuꞌ maimtudaꞌ. Gio baꞌ nam ja duduadhiꞌñdhaꞌ gux kakoꞌkkam, dai nam bhaiꞌ pɨx xi ja daꞌngɨdaꞌ, pu duduardaꞌ am.

MAARKOS 5:24

Baꞌ gu Jesuus cham jax ji chɨꞌɨɨk muiꞌp ma oi. Baꞌ muiꞌ jaꞌtkam pɨx chuꞌp tuiꞌdhiꞌ am, pɨx am kikiꞌspaim am.

MAARKOS 6:13

Gio baꞌ na mɨt muiꞌ maiꞌ ja joot gu cham kɨkɨɨꞌ iꞌiiꞌmdaꞌ ja aꞌm dɨr gux ñanaanbigɨm, gam na mɨt muiꞌ ja duduaꞌñ gux kakoꞌkkam, dai nam bhaiꞌ pɨx xi ja julhiiꞌñdhim gu tuꞌ joidham jix xuuꞌngiꞌ.

MAARKOS 7:32

Baꞌ miꞌ ba baiꞌñchuꞌ am gu jaꞌtkam maaꞌn gux koꞌkkam na cham tɇ kɇɇkɇꞌ gio na cham tu ñiokdaꞌ, baꞌ soiꞌ tɨtda am na sap palhɨɨp bhaiꞌ xi dhagiaꞌ na baꞌ dodhiaꞌ.

MAARKOS 8:23

Baꞌ gu Jesuus am xi ñobchɨk gammɨjɨ pɨx chuꞌm duu, nammɨ baas juꞌñdharan xi baabuk palhɨɨp bhaiꞌ xi julh gu chiñbur gaꞌn buupuiran gio nat palhɨɨp bhaiꞌ xi dhaa, baꞌ xi chɨkka noꞌ sap moo bax chu maax na naiꞌ xi chɨ nɨiꞌñ.

LUUKAS 13:13

Baꞌ palhɨɨp bhaiꞌ xi dhaa komiꞌram. Jotmodaꞌ miꞌ bhaiꞌ jim sɨlh, jix kɨɨꞌp jum duu. Baꞌ gu ubii ma taxchaabgi gu Dios jix dhaam jaꞌk.

LUUKAS 4:38

Baꞌ miꞌ dhɨr nat buusnɨk chiop gu Jesuus, sɨlh jii gama jaꞌk na paiꞌ tu baꞌaak gu Simoon Peegro. Guꞌ ji na guꞌ janoꞌ pɨk jup jix kaꞌook toiñdhiꞌ kɨꞌn gu daadaꞌn gu Simoon Peegro, mɨjɨ boꞌ baꞌm bakxidhat baꞌk chɨr. Baꞌ bɨɨx dhɨt soiꞌ ba tɨtda am gu Jesuus guiꞌ nam mi oiꞌdhaꞌ na iam duaꞌñdhaꞌ.

LUUKAS 4:40

Baꞌ nat paiꞌ pu ba jur, nat ampɨx bhɨjɨ ji bhiꞌñ gu tanoolh, muiꞌ gu jaꞌtkam pɨx miꞌ ji ai mɨt na paiꞌ gu Jesuus ji ja baidhat gux kakoꞌkkam bɨɨx aixim tuꞌm na ja ɇɇkaꞌ na baꞌ ja duduaꞌñdhaꞌ. Baꞌ gu Jesuus pɨx jup ji ja duduaꞌñ, dai na bhaiꞌ pɨx xi ja daꞌngim.

LUUKAS 7:12

Nammɨ nam amuub ba aajim na paiꞌr kikcham, gu Jesuus ba tɨɨ maaꞌn gu mukdhaꞌ nam mi jaꞌp ba uaꞌ bakxidhar taꞌm na mɨt ba yaaspam. Daipuꞌ maaꞌn tu mar kat maaꞌn gu dɨlhdhɨm ubii nat muu gu bɨngaꞌn.

JUAN 11:3

Baꞌ gu Mariiya gio gu sɨpdhiꞌñ Maarta mɨjɨ xi chu joot jamɨt nam sap aaꞌñdhapuꞌ gu Jesuus mu na paiꞌ oirɨ nax kaꞌook gu ja jaduuñ Laasar. Baꞌ guiꞌ na mɨt mu ja joot mummup ba aaꞌñdhim am gu Jesuus, jup tɨtda am: ―Ma chu ai guiꞌ na pim gook dɨt maap jix bhaiꞌ kaiꞌchdhaꞌñ jaduuñ. Jix kaꞌook.

GU NOONBIꞌÑ GUCH XOIꞌKAM 28:8

Baꞌ gu taataꞌn gu Publio janoꞌ pɨk jup ɇɇkaꞌ gu toiñdhiꞌ bɨnkam gu book koꞌk, baꞌ gu Paablo muiꞌ ma tɨɨgim. Baꞌ dai na jax jim xi chu daanɨk buiñor gu Dios bhaiꞌ xi dhaa gux koꞌkkam, jix kɨɨꞌ dho guꞌp jum duu miꞌ jotmodaꞌ.

GU NOONBIꞌÑ GUCH XOIꞌKAM 6:6

Miꞌ dhɨr baꞌ dai na mɨt ba ja baidhak mu jaꞌk ja bui gu noonbiꞌñ guch Xoiꞌkam, baꞌ guiꞌ dai na mɨt bhaiꞌ xi ja daꞌngɨk ja moom am ma tu daanɨ jix dhaam jaꞌk buiñor gu Dios.

GU NOONBIꞌÑ GUCH XOIꞌKAM 8:17

Baꞌ na mɨt paiꞌ dhuuk bhaiꞌ xi ja daꞌngɨ bɨɨx jɨꞌmaꞌn gu Peegro gio gu Juan, pu ja aꞌm jum tajaa gux Dhuuduꞌ kam jix Uañ Iiꞌmdaꞌ.

GU NOONBIꞌÑ GUCH XOIꞌKAM 9:12

Maaꞌn tɨɨ gu maaꞌnkam Ananiiyas tɨɨgim nat sap mu ji ɇɇk baꞌk chɨr bhaiꞌ xi dhaa na baꞌ giop bax ñia kaꞌ. Puiꞌ kuñ baꞌ mum jootos nap mu jimiaꞌ.

GU NOONBIꞌÑ GUCH XOIꞌKAM 9:17

Baꞌ gu Ananiiyas muiꞌp ma jii mu na paiꞌ tɨbiap gu Saulo. Baꞌ na jax jim bhaiꞌ xi dhaagɨk jup tɨtda: ―Aapiꞌñ jaduuñ Saulo, aañ jup jiñ chɨɨdak bhañ joot gu Gɇꞌkam guiꞌ na Jesuus tɨɨꞌ, guiꞌ nat jum buim maax gaꞌm gu bɨɨx boi nap bhaiꞌ ka jim, nañ sap bhaiꞌ xim dagiaꞌ nap baꞌ giop bax ñia kaꞌ, gio sap baꞌ nam aꞌm bam tajaanaꞌ gux Dhuuduꞌ kam jix Uañ Iiꞌmdaꞌ.