MAARKOS 5:13 - Tepehuano Tepehuán del Sureste (Durango)

¹³ Baꞌ siamri puiꞌ ma ja tɨɨꞌn gu Jesuus nax bhaaiꞌ nam bhammɨ jaꞌk ka xi baapkipuꞌ. Baꞌ gu cham kɨkɨɨꞌ iꞌiiꞌmdaꞌ jotmodaꞌ bubuakɨk bhaiꞌ dhɨr bhaan gu maaꞌnkam bhammɨ jaꞌk pu baapkim jamɨt. Baꞌ bhaiꞌ dhɨr ji boop jamɨt gu tatooxkolh na mɨt jax bha baap ja aꞌm, bha jaꞌp bhɨi mɨt gu bɨɨx aꞌnsap, boopok mɨjɨmmɨ pu baap jamɨt na paiꞌ gɇꞌ suuꞌnkaꞌ gu suudaiꞌ, miꞌ mɨt pu koi dappaam bhaiꞌkuk. Gook mambhɨɨx jix chaꞌtmam ooꞌm kat am gu tatooxkolh.

MAARKOS 5:13 ပူးပေါင်းရင်းမြစ်များ

MATEO 7:6

’Cham jir am na pim ja aagiꞌñdhaꞌ gux kɨɨꞌp jum duukam guiꞌ nam jaꞌp ji buan na jax gu goꞌngox nam giilhim jix bhaaꞌmnaꞌ, nam baꞌ cham bhaakui taꞌtak jup jam doodaꞌ, ni guiꞌ nam jaꞌp ji buan na jax gu tatooxkolh ku pim cham jax ja tɨtdadaꞌ.

MATEO 8:32

Baꞌ gu Jesuus bhammɨ jaꞌk jup xi ja joot. Baꞌ gu cham kɨkɨɨꞌ iꞌiiꞌmdaꞌ jotmodaꞌ bhaiꞌ dhɨr bubuakɨk bhammɨ jaꞌk pu baap jamɨt. Baꞌ gu tatooxkolh bhaiꞌ dhɨr ji boop jamɨt naiꞌ gu aꞌnsap, pu mɨjɨmmɨ ji baap jamɨt suudaiꞌ chɨr, pu koi mɨt dho guꞌ bhaiꞌkuk.

MAARKOS 5:12

Baꞌp tɨtda am gu cham kɨkɨɨꞌ iꞌiiꞌmdaꞌ gu Jesuus: ―Bhammɨni guꞌñi tatooxkolh bhaan jap ka xich jootsaꞌ nach ja aꞌm ka xi baapkipuꞌ.

MAARKOS 5:14

Baꞌ guiꞌ nam ka ja bipiaꞌdat gu tatooxkolh, totdonɨk pu jiboiꞌññor jamɨt na mɨt ja aaꞌñdham gu jaꞌtkam gu mummu gɇꞌ kiicham oiꞌñkam, gio guiꞌ nam mu jaꞌp oiꞌdhaꞌ jɨꞌdɨlh mɨꞌmɨk. Baꞌ bhaiꞌ ma jii mɨt ɨp na mɨt bha tɨ tɨɨgim noꞌ baabuiꞌ moor sɨlhkam na jax tum kaiꞌch.

JUAN 8:44

Na guꞌ aapiꞌm jaꞌook jir jam taat, jaꞌp moo gu tuꞌx matgam, puiꞌ ku pim baꞌ mu jaꞌk kaichgɨt puiꞌp tu buim na jax jam tɨɨdaim. Na guꞌ gu jaꞌook bɨjɨk dɨr pur tu muaꞌkam nat dɨr maaxir, cham paiꞌ dhuuk miꞌ puiꞌ jim na jax jir am, gam na giilhim jix iatbiꞌ tuꞌ na pɨx bhaan. Cham paiꞌ dhuuk sɨlhkam tu aꞌga, dhiꞌr maꞌooꞌn gu iatdaꞌ.

1 PEEGRO 3:22

guiꞌ na jaroiꞌ yaꞌ xi oilhimɨk giop tɨs bhɨjɨmmɨni jaꞌk jix dhaam, na xib bhammɨ sonpan ba daa gu Dios kɨɨꞌn dɨr jaꞌk. Baꞌ bɨɨx pɨx tuꞌ kaꞌm nɨiꞌñ am guiꞌ nam bhammɨr noonbiꞌñ gu Dios, sia guiꞌ nam bhammɨ gɇꞌgɇrkam kɨꞌn dalhxix.

NAT JAX TƗ TƗƗ GU JUAN 20:7

Miꞌ dhɨr baꞌ nat xim ai gu jaꞌkbuiꞌ mambhɨɨx jix chaꞌtmam ooꞌm oidhaꞌ, giop xi dhoꞌñcho mɨt gu jaꞌook na kuupkat.

NAT JAX TƗ TƗƗ GU JUAN 9:11

Gu ja gɇꞌkam tuk dhi sossoi, Abadoon tɨɨꞌ gu ebreo ñiꞌook kɨꞌn, guꞌ baꞌ gu griago ñiꞌook kɨꞌn Apolion. Dhiꞌ pɨx jir diꞌ guiꞌ na mu jaꞌk jup jir gɇꞌkam na paiꞌ giilhim gɇꞌ tɨ dɨꞌ.