MAARKOS 4:6 - Tepehuano Tepehuán del Sureste (Durango)

⁶ Guꞌ ji na guꞌ maaꞌn nat jax mɨiꞌñ gu tanoolh nat bhaan miꞌ ji chotnorimɨ, nat guꞌ cham tuukab takta, dai nat ba gaa pɨx.

MAARKOS 4:6 ပူးပေါင်းရင်းမြစ်များ

MATEO 13:6

Guꞌ ji na guꞌ nat paiꞌ dhuuk bhaan miꞌ ji chotnorimɨ, maaꞌn nat jax gaa, nat guꞌ cham tuukab takta.

MAARKOS 4:5

Baꞌ jaiꞌ jaꞌp jaꞌk aiꞌ chaꞌm jup suulh ɨp na paiꞌx komaalhim jir dɨbɨɨr. Dhi dho gi guꞌ tɨi jotmodaꞌ bubua ji, nat guꞌ daaman jum yaas.

MAARKOS 4:7

Baꞌ jaiꞌ nat jaꞌp jaꞌk jup suulh na paiꞌx joiꞌñdhaꞌ na tuutkaꞌ gu tuꞌx bii uꞌuux jix joꞌiiꞌ, baꞌ puiꞌ tɨi bhaiꞌp ji bubua. Guꞌ ji na guꞌ jotmodaꞌ bhaiꞌp ji iꞌpu gu uꞌuux jix joꞌiiꞌ, maaꞌn nat jax bhaiꞌbich, jix uꞌuam miꞌ pup tuut gu tiriik, pu cham tuꞌ ka bhaaiꞌ.

EEPESO KAM 3:17

Bɨɨx jañ puiꞌ soiꞌp tɨtdatuꞌ gu Dios na dɨɨlh guch Xoiꞌkam pɨx jam jujur am ba kiokaꞌ, dai na pim aapiꞌm puiꞌ jaꞌk buiñor tɨ jɨɨgiꞌñdhaꞌ. Gammɨjɨ pim baꞌ joidham jix kɨɨgalhdhat gu Dios miꞌ puiꞌ xi jiimdaꞌ na jax jix aaꞌ, gio na pim jix ja joiꞌmdat jix bhaiꞌ xi ja buaꞌt gu jaiꞌ jaꞌtkam

KOLOOSAS KAM 2:7

Miꞌ pim puiꞌ tu daaꞌñchuꞌndaꞌ nam jax jaꞌk jam aagiꞌñ nax aaꞌ guch Xoiꞌkam, maaꞌn na pim jax miꞌ puiꞌ tu duñiidhaꞌ na pim baꞌ pu dhiꞌ bhaan jix ioꞌm kaapakaꞌ. Gammɨjɨ pim taxchaabgiꞌñdhaꞌ gu Dios.

2 TESALOONIKA KAM 2:10

Bɨɨx aixim jix buam jum duukam bhaan ja iatgidhaꞌ gu jaꞌtkam guiꞌ nam puiꞌ mu jaꞌk jup tɨ nɨiꞌñchudhix nam paiꞌ gammɨjɨ miꞌ pup jum tulhiiñdhaꞌ, guiꞌ nam cham soiꞌm ɨlhdhai miꞌ puiꞌ jimiaꞌ na jax jum kaiꞌchdhaꞌ dhiꞌ na sɨlhkam bhaan tum aꞌga nam baꞌ cham mu jaꞌk bhɨɨyaꞌ gɨt.

SANTIAGO 1:11

Na guꞌ noꞌt jix ioꞌm bhaiꞌ xi chon, bhaatai pu naiꞌ ji gakiaꞌ bɨɨx bɨnkam gu toonaꞌn, jix gak mi jaꞌp pup katkaꞌ, miꞌ pu dɨbai cham paiꞌ ka matgilhiaꞌ. Puꞌñi ɨp guiꞌ nam jir jix chutumñigam, jotmodaꞌ pɨx cham paiꞌ matgilhiaꞌ noꞌt tuꞌ ma duu, gio guꞌ pu nix chuꞌ ɨp ku bhɨikaꞌ.

JUUDAS 1:12

Jaꞌp chi alh moox xiꞌɨraam noꞌm jaiꞌ mɨjɨmmɨp xi dharaa paiꞌ na pim tu piastatdaꞌ daich Xoiꞌkam jɨɨgiꞌñdham na pim jix bhaiꞌm taat kaꞌ buiñor gu Dios. Nam guꞌ dhiꞌ dhi jaꞌtkam cham tuꞌ kaꞌm tɨ nɨiꞌñ, ni nam jix maatɨt tu xiꞌɨꞌra, gɇꞌgɇr bha chu koiꞌmɨi am nam jɨꞌx ɨlhiiꞌñdhaꞌ, nam jax dhui pɨx baꞌ miꞌ ba jam iaꞌñdhaꞌ nam jax jir tuutuꞌm noꞌ pim gan ja bɨɨm tu kuaꞌ. Nam guꞌ mu dɨr bha jaꞌk pu cham xi jam joiꞌgɨꞌndaꞌ, dai dɨɨlh pɨx nam xim joiꞌgɨꞌn. Dhiꞌ jaꞌpni pɨx ji buan am jia na jax noꞌ tɨi pɨx jix chuk saiꞌchuꞌ gu tɨbaaꞌ, guꞌ ji noꞌ guꞌ cham bha duuk, dai na pɨx ji jim gammɨjɨ paiꞌ na jaꞌk uaꞌkaꞌ gu jɨbɨɨlh. Piam jaꞌpni ɨp na jax gu jax chuꞌm ɨꞌɨɨx noꞌ cham iꞌbhaiꞌñchar sia kut tɨi bam ai na paiꞌ dhuuk iibhaiꞌñchai ba bhaayaꞌ gɨt. Jaꞌp ji buusan nam pu ba koꞌiix dhiꞌ dhi jaꞌtkam, nam guꞌ cham xiim bam tulhiiñaꞌ.

NAT JAX TƗ TƗƗ GU JUAN 7:16

Yaꞌ dɨr jaꞌp jaꞌk cham paiꞌ dhuuk kax bhioꞌn kaꞌ am, ni nam cham paiꞌ dhuuk ka tanook kaꞌ, ni gu tanoolh ku cham paiꞌ dhuuk ja aꞌm ka tonniaꞌ, baꞌ cham paiꞌx chatoiñ kɨr kam tulhiiñaꞌ am.