MAARKOS 3:18 - Tepehuano Tepehuán del Sureste (Durango)

¹⁸ Gio baꞌ miꞌ dhɨr moo gu Anrees, Piliip, Bartolomee, Mateo, Tomaas, gio gu jumai Jakoobo, maraaꞌn gu Alpeo, gio gu Tadeo, gio baꞌ gu jumai Simoon, guiꞌ na ja kaichgɨdaꞌ guiꞌ nam kananiistas jum tɨɨtɨꞌndaꞌ,

MAARKOS 3:18 ပူးပေါင်းရင်းမြစ်များ

MATEO 13:55

¿Cham aa pɨn jir diꞌ nar maraaꞌn guiꞌ na uꞌuux tu jiibdat jup tu buadaꞌ gu bɨxchuꞌ, na Mariiya jir dɨꞌɨɨꞌn, nam jir jum jajaaꞌnnim gu Jakoobo, gio gu Josee, gio gu Simoon, gio baꞌ gu Juudas?

MATEO 9:9

Baꞌ jaꞌxpɨx nat miꞌ dhɨr buusnɨk ba jii gu Jesuus, na mu jaꞌp ka jim, miꞌ ba tɨɨ maaꞌn gu maaꞌnkam, Mateo tɨɨgim, guiꞌ nar tuumiñ tutaandam tugiꞌñ kaꞌ gux ioꞌm gɇꞌkam Rooma kam, na miꞌ daakat pɨx ji dhaagim gu tuumiñ guiꞌ nam jɨꞌk mi chu namkidhim. Baꞌ gu Jesuus miaꞌn xi ɇɇk jup tɨtda: ―Aañ puiꞌ ɨlhiiꞌñ jiñ jaduuñ nap xib dɨr gammɨjɨ bañ kaichgɨdaꞌ. Baꞌ gu Mateo nat jax jup kɨkbo pɨx miꞌp daibu cham jax ji chɨꞌɨɨk, gammɨjɨ pɨx jiim am.

MAARKOS 2:14

Baꞌ jaꞌxpɨx nat giop ba jii, nat nammɨ ba ji bhɨi jupaaban na paiꞌ tum namkiꞌñ noꞌñ gɇꞌ tu bhiiñor, miꞌ pɨx ji chɨɨ gu Lebii, maraaꞌn gu Alpeo, guiꞌ nar tuumiñ tu taandam tugiꞌñ kaꞌ gux ioꞌm gɇꞌkam Rooma kam, Seesar tɨɨgim, na miꞌ daakat pɨx ji dhaagim gu tuumiñ guiꞌ nam miꞌ tu namkidhim. Baꞌ muiꞌ ji ai gu Jesuus, mi jaꞌp amuub xi kɨkbuk jup tɨtda: ―Aañ puiꞌ ɨlhiiꞌñ jiñ jaduuñ nap xib dɨr gammɨjɨ bañ kaichgɨdaꞌ. Baꞌ guiꞌ nat jax kɨkbuk pɨx chuꞌp jum duu cham jax ji chɨꞌɨɨk, gammɨjɨ pɨx koꞌkmar jiim am.

MAARKOS 3:17

Miꞌ dhɨr baꞌ moo gu Jakoobo gio gu Juan, daim sɨspidhim, maamraꞌn gu Sebedeo, guiꞌ nax joiꞌñdhaꞌ na Boarnerjes ja tɨɨtɨꞌndaꞌ gu Jesuus, na jaꞌp kaiꞌñkam jup jum kaiꞌch: Jix bhaaꞌmnagɨm.

MAARKOS 3:19

gio baꞌ gu Juudas Iskariote, guiꞌ na gatuuk ja aaꞌñdharaꞌ gu gɇꞌgɇrkam jum aaꞌndam na paiꞌ oirɨdaꞌ gu Jesuus nam baꞌ boi bhɨichdhaꞌ. Baꞌ gatuuk na mɨt jaꞌk suulhgɨk bhammɨ dɨr na mɨt paiꞌ jimɨɨk, gio miꞌp ji ai mɨt nam paiꞌx joiꞌñdhaꞌ nam tɨbiappudaꞌ.

MAARKOS 6:3

¿Cham aar diꞌ guiꞌ na uꞌuux ka tu jibdaꞌ na bɨxchuꞌ kap tu buadaꞌ, na Mariiya jir dɨꞌɨɨꞌn, nam jir jum sɨspidhim gu Jakoobo gio gu Josee gio gu Juudas gio baꞌ gu Simoon? Gio gu uꞌuub sɨspidhiꞌñ, ¿cham aa pɨn yaꞌ tu bɨpnaꞌ am? Miꞌ puiꞌ xi kaiꞌchimɨk gan ji ɨɨ mɨt, nam guꞌ jaꞌppɨx maaꞌnkam ɨlhiiꞌñ.

JUAN 1:40

Guiꞌ jɨꞌ gook jaꞌtkam nam kaichgɨt gu Juan na mɨt oi gu Jesuus, Anrees tɨɨꞌ maaꞌn nar jaꞌnniꞌñ gu Simoon Peegro.

JUAN 11:16

Baꞌ gu Tomaas, guiꞌ nam Gook Dɨm kɨꞌn jup jix mat kaꞌ, jup ja tɨtda gu jaiꞌ noonbiꞌñ gu Jesuus: ―Each mu jiim noꞌm moo jaꞌp jix bhaak gu gɇꞌgɇrkam. Bhaiꞌch dhop koꞌiix kaꞌ bɨɨmaꞌn dhi Jesuus, ¿jax gip bua?

JUAN 14:22

Baꞌ gu Juudas guiꞌ na cham tuꞌ Iskariote jum daꞌnsa bhaiꞌ ba tɨkka gu Jesuus, jup tɨtda: ―¿Jax ku baꞌ cham jup bhaaiꞌ nam machiaꞌ nap jir tuꞌp tuꞌm daꞌ guiꞌ nam cham tɨ jɨɨgiꞌñ aap jum bui ku baꞌ moo dai aach pɨx jup jix mat kaꞌ nach jɨꞌk jum kaichgɨdaꞌ?

JUAN 21:2

Maap miꞌ ka oipo am gu Simoon Peegro, gio baꞌ gu Tomaas guiꞌ nam Gook Dɨm jup jix mat kaꞌ, gio gu Natanail guiꞌ nar Kanaa kam na Galilea dɨbɨɨr bhaan bipioꞌ, gio baꞌ gook gu maamraꞌn gu Sebedeo, gio jaiꞌ gook pup nam puiꞌp kaichuꞌ gu Jesuus.

GU NOONBIꞌÑ GUCH XOIꞌKAM 1:13

Baꞌ na mɨt paiꞌ dhuuk mummɨ ba ai gɇꞌ kiicham, miꞌ ba baap jamɨt nam paiꞌ tɨbiapkaꞌ, bhɨjɨ jaꞌp ji chɨɨtis jamɨt daam dɨr. Baꞌ dhiꞌ nam jir jaroiꞌ dhaꞌ moo gu Peegro, gio gu Juan, gio gu Jakoobo, gio gu Anrees, gio gu Piliip, gio baꞌ gu Tomaas, gio baꞌ gu Bartolomee, gio baꞌ gu Mateo, gio gu jumai na puiꞌp tɨɨꞌ Jakoobo, guiꞌ na Alpeo tɨɨgim jir maraaꞌn kaꞌ, gio baꞌ gu Simoon ɨp guiꞌ na bɨɨpɨꞌ dɨr naiꞌ ka ja kaichgɨdaꞌ jɨꞌkchi gu jaꞌtkam nam naiꞌ tu aꞌgidhaꞌ nam tɨix ja pataasak kaꞌ gu gɇꞌgɇrkam jum aaꞌndam Rooma kam, gio baꞌ gu Juudas ɨp guiꞌ nar maraaꞌn gu Jakoobo.

GU NOONBIꞌÑ GUCH XOIꞌKAM 15:13

Baꞌ na mɨt paiꞌ dhuuk tɨɨmu nam xi chu aꞌgimɨk, miꞌ dhɨr jaꞌp muiꞌp ji ñio gu Santiago, jup kaiꞌch: ―Ea na pim aañ jup xiñ kaayaꞌñ jaaduñ nañ jax jam tɨɨdaꞌ.

GU NOONBIꞌÑ GUCH XOIꞌKAM 21:18

Baꞌ buimgidhak na chich ba paxiaram mu jaꞌp na paiꞌ kiokaꞌ gu Santiago, jaiꞌp mach oi gu Paablo. Baꞌ ampɨk bɨɨx miꞌp daraa am guiꞌ nam ja guguuxiꞌñdhaꞌ guiꞌ nam tɨ jɨɨgiꞌñdhaꞌ buiñor guch Xoiꞌkam.

1 KORIINTO KAM 15:7

Mɨkkat buiñor bam maax ɨp gu Santiago, mɨkkat gio bɨɨx ja bui bam maax ɨp gu noonbiꞌñ.

1 KORIINTO KAM 9:5

Siax bhaaiꞌ nañ miꞌ dhɨr maadɨt xi baidhai gu ubii guiꞌ na buiñor ba tɨ jɨɨgiꞌñ guch Xoiꞌkam na baꞌr jiñ bɨɨnaꞌtuꞌndaꞌ. ¿Tɨɨꞌ na baꞌ gu Peegro gio gu jaiꞌ noonbiꞌñ guch Xoiꞌkam, gam sia gu dɨɨlh sɨspidhiꞌñ guch Xoiꞌkam?

GALAASIA KAM 1:19

Baꞌ miꞌ dhɨr daipuꞌ gu Santiago ñich pɨx ba tɨɨ, guiꞌ nar jaꞌnniꞌñ gu Gɇꞌkam jich Xoiꞌkam. Pu daipuꞌ dhiꞌ pɨx baꞌ, cham jañich jumai pup ka tɨɨ guiꞌ nam jir noonbiꞌñ guch Xoiꞌkam.

GALAASIA KAM 2:9

Baꞌ gu Santiago gio gu Peegro gio baꞌ gu Juan, dhiꞌ nax ioꞌm jix bhaaiꞌ nam jax jaꞌk tɨꞌyaꞌ ja bui bɨɨx guch Xoiꞌkam jɨɨgiꞌñdham, dhiꞌ bɨɨx puiꞌp tɨi mɨt nat aañ jiñ aꞌm tɨ tɨɨ gu Dios nañ naiꞌ tu ja aꞌgidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam guiꞌ nam cham jir Israel kam jaꞌtkam. Guꞌ baꞌ na bhaan jix maatɨꞌ kaꞌ nach maap pu chuꞌm kaꞌm tu juanaꞌ, bhaiꞌ xiñ dhaaꞌñ jamɨt gu ja noonob, panaas ku chich jich ñiñioꞌki, sia bɨɨx gu Bernabee bhaiꞌp xi dhaaꞌñ jamɨt, nat guꞌ dhiꞌ baꞌ bhaan bii nañ bɨɨm naiꞌ tu aꞌgaꞌ. Baꞌ guiꞌ dɨɨlh sap ja bui tu aꞌga am dai gu Israel kam jaꞌtkam.

SANTIAGO 1:1

Aañ Santiago nañ jir tujuandam tugiꞌñ gu Dios jich Gɨꞌkoraꞌ gio gu Jesuus jich Xoiꞌkam jañ yaꞌ dɨr mu jam ñioꞌkiꞌñ jiñ jaaduñ na pim mummu jaꞌp oiꞌdhaꞌ muiꞌ kap na jɨꞌx oiꞌñgaꞌn, na pim jir ja bopxi gu mambhɨɨx gook gu maamraꞌn gu Jakob, na pim tɨ jɨɨgiꞌñ buiñor guch Xoiꞌkam.

JUUDAS 1:1

Aañ Juudas nañ jir jaꞌnniꞌñ gu Santiago gio nañ jir tujuandam tugiꞌñ guch Xoiꞌkam, mu tu jam uaꞌñxiꞌñ iñ jiñ jaaduñ jich Xoiꞌkam bhaan mu jaꞌp na pim jax tu oiꞌdhaꞌ na jɨꞌk xi jam joiꞌndat jam aꞌm ba tɨ nɨidhim gu Dios jich Gɨꞌkoraꞌ na pim ba tɨ jɨɨgiꞌñ buiñor guch Xoiꞌkam noꞌ pim siamri mɨjɨ jaꞌp paiꞌx bhaiꞌm ɨlhiiꞌñ.