MAARKOS 2:28 - Tepehuano Tepehuán del Sureste (Durango)

²⁸ Na guꞌ pur cham tuꞌ gu puiꞌ na pim jax jaꞌk tɨi xi ɨlhiiꞌñ aapiꞌm. Aañiꞌ ji nañ jix maat, nat guꞌ pu kaiꞌñkam bhañ joot guñ Gɨꞌkoraꞌ nañ baꞌ yaꞌ ja aagiꞌñdhaꞌ gu jaꞌtkam bɨɨx nam jɨꞌk tuꞌ jax buadaꞌ, sia na paiꞌ dhuuk cham tum juandaꞌ.

MAARKOS 2:28 ပူးပေါင်းရင်းမြစ်များ

MATEO 12:8

Baꞌ aañ nat bhañ joot guñ Gɨꞌkoraꞌ yaꞌ pu jam tɨtda na cham jax bua gu tuꞌ noꞌñ jax jix dhuñiim janoꞌ na paiꞌ dhuuk aagix na tɨi cham tum juandaꞌ gɨt.

MAARKOS 2:27

Jaꞌpni baꞌ moop ja tɨtda jia: ―Puiꞌ kuñ baꞌ aañ cham paiꞌ jax ja tɨtda dhiñ jaꞌtkam tuk, sia kuñ ja nɨiꞌñ nam jax tu buim. Na guꞌ na paiꞌ dhuuk cham tum juandaꞌ, dai nañ jiñ jɨɨpiꞌñkaꞌ noꞌñ jix aaꞌ cham jax ji kaiꞌchɨt. Piam kuñ guꞌ tuꞌ jax jup jix dhuñiim, ¿jax gip bua? Na guꞌ dhi tanoolh cham tuꞌ jax kaiꞌñkam puiꞌ jaꞌk jum duu nañ bɨxchuꞌ jix chu xidhuutuꞌn kaꞌ.

MAARKOS 3:1

Baꞌ mɨkkat nat giop bam ai na paiꞌ dhuuk cham tum juandaꞌ, gio muiꞌp ma jii gu Jesuus maaꞌn kap nam paiꞌ tu daandaꞌ gu Israel kam jaꞌtkam, baꞌ jimdat mɨjɨ ji baa. Baꞌ maaꞌn mɨjɨp daa gu maaꞌnkam nax muuk kaꞌ gu nobiiꞌñ.

MAARKOS 3:4

Baꞌ puiꞌ xi chɨɨdak jup ja tɨtda ɨp gu jaiꞌ guiꞌ nam miꞌx bhaamut nɨiꞌñ: ―¿Jax pɨn jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix? ¿Tuꞌ pɨn jix bhaaiꞌ nach jax buadaꞌ na paiꞌ dhuuk cham tum juandaꞌ, nach jix bhaiꞌ tu buadaꞌ aa pɨn, kaꞌ pɨn nach jix buam tu buadaꞌ aa? Puiꞌ na jax gu jaroiꞌ noꞌx ioꞌm jix kaꞌook, ¿jax jaꞌk jum aagidhaꞌ, nañ dhuaꞌñdhaꞌ aa, kaꞌ nañ miꞌ pɨx xi ñɨiꞌñdhaꞌ aa noꞌ mi jaꞌp ba mumkɨ jiñ chaagiob? Alh pu ni jaroiꞌ ku ñiok, miꞌ pɨx pu tuꞌiiꞌ am.

LUUKAS 6:5

Miꞌ dhɨr baꞌp ja tɨtda: ―Gio guꞌ aañ jir gɇꞌkam nañ bhaankam ya oirɨ gu Dios, jix maat iñ baꞌ na tuꞌx bhaaiꞌ nañ pu buadaꞌ gio na tuꞌ cham na paiꞌ dhuuk puꞌñi cham tum juandaꞌ. Puiꞌ kuñ baꞌ cham paiꞌ jax ja tɨtda dhiñ jaꞌtkam tuk sia kuñ ja nɨiꞌñ nam jax tu buim.

JUAN 5:17

Baꞌ gu Jesuus jup tɨtda: ―Dho na guꞌ guñ Gɨꞌkoraꞌ cham paiꞌ dhuuk daaxix na cham tuꞌ jax bua noꞌ moo jaꞌp xi chum aagaim jaꞌp na jax xib. Baꞌ aañ puꞌñi ɨp, cham jiñ jɨɨpiꞌñ iñ.

JUAN 9:14

nam guꞌx maat na janoꞌ cham tum juandaꞌ nat paiꞌ dhuuk duaꞌñ gu Jesuus, nat palhɨɨp xi dhaꞌmunak gu dɨbɨɨr chiñborgaꞌn kɨꞌn bhaiꞌ xi juulh buupuiram.

JUAN 9:16

Baꞌ miꞌ ba ji ñiokbo mɨt dɨɨlh gu pariseos, jɨꞌmaꞌn jup kaiꞌch am: ―Cham ji nach ɨlhiiꞌñ nat Dios bha joot gu jaroiꞌ nat puiꞌ duaꞌñ dhich jaduuñ, na baꞌ cham tuꞌ kaꞌm nɨiꞌñ na paiꞌ dhuuk cham tum juan. Jaiꞌ maakam bhaiꞌp ji chɨi mɨt, jup kaiꞌch am: ―¿Guꞌ baꞌ ɨlhiiꞌñ japim aa na gu jax chuꞌm jaꞌppɨx maaꞌnkam jix uaꞌtulhdhix kam puiꞌp ba tu buadaꞌ na tuꞌr jix bhaiꞌm duukam? Baꞌ miꞌ puiꞌ xi kaiꞌchimɨk cham maaꞌn ñiꞌook kap duuk am.

EEPESO KAM 1:22

Bɨɨx na jɨꞌk tuꞌx chu jaiꞌch, bɨtaaꞌn ji chu bii mɨt buiñor guch Xoiꞌkam, baꞌ cham tuꞌr jupaabkamuꞌn am. Gu Dios pɨx dɨɨlh jup dai guch Xoiꞌkam nar Gɇꞌkam kaꞌ bɨɨx jich bui nach jɨꞌk buiñor tɨ jɨɨgiꞌñdhaꞌ, jaꞌp ji buusan na dhiꞌ baꞌr jich moꞌ.

NAT JAX TƗ TƗƗ GU JUAN 1:10

Baꞌ maaꞌnnim maaꞌn tumiiñku taꞌm nañ ka tu daan buiñor gu Dios, gɇꞌñ aꞌm bam tajaa gux Dhuuduꞌ kam jix Uañ Iiꞌmdaꞌ. Baꞌ mɨjɨ dɨr jaꞌp paiꞌ bhaiꞌ ji chum ñio jiñ bɨɨbhiꞌ dhɨr jix ioꞌm gɇꞌ kɨꞌn, jaꞌxbuiꞌ na jɨꞌx tu kuu gu kuichdhakar,