MAARKOS 2:12 - Tepehuano Tepehuán del Sureste (Durango)

¹² Baꞌx kɨɨꞌ bhaiꞌ ji bam guiꞌ na kax maꞌmkulhiꞌ kat nat jax pu tɨɨꞌn gu Jesuus. Baꞌ dai nat ba jii xi bhɨɨk gu bakxidharuꞌn, muiꞌ ba buus ja saagiꞌñ gu jaꞌtkam gaammɨjɨ ji dhuu. Baꞌ miꞌ puiꞌ pup tuꞌiiꞌ am bɨɨx, miꞌ dhɨr baꞌ ma tu daanɨ mɨt buiñor gu Dios, jup kaiꞌch am: ―¡Mooch pɨk cham jɨꞌxkat puiꞌ tɨ nɨidhat ji jich Gɨꞌkoraꞌ!

MAARKOS 2:12 ပူးပေါင်းရင်းမြစ်များ

MATEO 12:23

Baꞌ gu jaꞌtkam na mɨt puiꞌ jɨꞌ tɨ tɨɨ, miꞌ puiꞌ pup tuꞌiiꞌ am, dai nam jup kaiꞌch: ―¿Dhiꞌ aa chi baꞌ saak bar diꞌ guch Xoiꞌkam guiꞌ na saak bha jimdaꞌ gɨt, nar boxiiꞌñ kaꞌ gu Dabii?

MATEO 15:31

Baꞌ gu jaꞌtkam nam jɨꞌk miꞌp tuꞌiiꞌ, miꞌ puiꞌ pup tuꞌiiꞌ am na mɨt ja tɨɨ na mɨt bhaiꞌ ji chu ñiokcha guiꞌ nam cham tu ñiokdat, gio guiꞌ nam jix muuk tu noonob kat na mɨt jix kɨkɨɨꞌp jum duu, gio guiꞌ nam jix mamaꞌmkulhiꞌ kat nam cham tu oipodat, gio guiꞌ nam cham ñiññia kat. Baꞌ bɨɨx dhɨt bhaiꞌ ji chu daanɨ mɨt buiñor gu Dios, nam guꞌx bhaiꞌm taat gu dhiꞌ puiꞌ jɨꞌ na mɨt jax tɨ tɨɨ.

MATEO 9:33

Baꞌ gu Jesuus pu maiꞌ joot gu cham kɨɨꞌ iiꞌmdaꞌ bhaiꞌ dhɨr bhaan gu maaꞌnkam. Baꞌ jotmodaꞌ bhaiꞌ ji chu ñiokcha, jix kɨɨꞌ dho guꞌp jum duu. Baꞌ miꞌ puiꞌ pup tuꞌiiꞌ am gu jaꞌtkam na mɨt puiꞌ jɨꞌ tɨ tɨɨ, dai nam jup jum tɨ tɨtda: ―Mooch pɨk jaꞌp cham jɨꞌxkat puiꞌ tɨ nɨidhat ji yaꞌ dhi Israel nach jax tɨ nɨiꞌñ xib.

MATEO 9:8

Baꞌ bɨɨx miꞌ puiꞌ pup tuꞌiiꞌ am gu jaꞌtkam na mɨt puiꞌ jɨꞌ tɨ tɨɨ, na mɨt guꞌ bax chootoꞌn. Miꞌ dhɨr baꞌ dai na mɨt ma tu daanɨ buiñor gu Dios, nam guꞌ cham jɨꞌxkat jaroiꞌ puiꞌ nɨidhat na tu duduadhiꞌñ.

MAARKOS 1:27

Baꞌ dappaam miꞌ puiꞌ pup tuꞌiiꞌ am dho gi ji baꞌx ioꞌm gu jaꞌtkam, dai nam naiꞌ tɨim tɨ tɨkkaꞌn dɨɨlh jix dhuꞌnpiꞌñ kɨꞌn, jup kaiꞌch am: ―¿Jax baꞌr jum duukam chi dhiꞌ puiꞌ? Gi nach cham jɨꞌxkat paiꞌ dhuuk puiꞌ chɨ nɨidhat na jax tu buim dhi Jesuus. Tɨɨꞌ na sia gu cham kɨkɨɨꞌ iꞌiiꞌmdaꞌ tuꞌ pɨx ja ɨlhiiꞌñ, jix jɨɨgiꞌñ am.

MAARKOS 2:11

―Aapiꞌñ jaduuñ nap jix maꞌmkulhiꞌ, xi bamiiꞌ. Ba jimiaꞌ ap jum kiꞌaam, bhɨɨji ap dhim bakxidharaꞌ.

LUUKAS 13:13

Baꞌ palhɨɨp bhaiꞌ xi dhaa komiꞌram. Jotmodaꞌ miꞌ bhaiꞌ jim sɨlh, jix kɨɨꞌp jum duu. Baꞌ gu ubii ma taxchaabgi gu Dios jix dhaam jaꞌk.

LUUKAS 17:15

Baꞌ maadɨt miꞌ dhɨr pu jaꞌk gɨi nat bam tɨɨ na bax kɨɨꞌ xi taxchaabgidhidhat gu Dios gɇꞌ kɨꞌn.

LUUKAS 5:26

Baꞌ giilhim jix chootoꞌn jamɨt bɨɨx, miꞌ puiꞌ pup tuꞌiiꞌ am. Jup kaiꞌch am soiꞌm ɨlhdhat buiñor gu Dios: ―Xib jachich dho gi baꞌ ma tɨ tɨɨ ji nach tuꞌ cham paiꞌ dhuuk pu chuꞌm tɨ nɨidhat.

LUUKAS 7:16

Baꞌx chootoꞌn jamɨt bɨɨx gu jaꞌtkam nam jɨꞌk miꞌp tuꞌiiꞌ nam tɨ nɨiꞌñ, xi gɇꞌkamtuꞌn am gu Dios jup ji kaiꞌchɨt: ―Dhiꞌ bak bhaankam ya oirɨ gu Dios, gɇꞌkam kɨꞌn bhaan tɨ nɨidhim baꞌ. Tɨɨꞌ na jax bɨxchuꞌx bhaaiꞌ na pu tu duñiaꞌ. Gio baꞌ jaꞌpnip kaiꞌch am: ―Yaꞌ ba ai gu Dios nat bha ja palhbuidham gu jaꞌtkam tugiꞌñ.

JUAN 7:31

Kum ti guꞌ puiꞌ pɨx muiꞌ jaꞌtkam jup tɨ jɨɨꞌñ ji buiñor, jup kaiꞌch am: ―¿Jax gi chi jaꞌk tu buidhaꞌ guch Xoiꞌkam na paiꞌ dhuuk ya aayaꞌ? ¿Cham aa puꞌñi pɨx na jax ba tu bua dhi jaduuñ na jɨꞌk tuꞌr jix bhaiꞌm duukam?

JUAN 9:32

¿Paa gi dhuuk jaroiꞌ mu paiꞌ pɨx ba kaidhaꞌ nat ba duaꞌñ gu jax chuꞌm cham ñia kam?

GU NOONBIꞌÑ GUCH XOIꞌKAM 4:21

Baꞌ giilhim jix bhaakut pɨx ja kai mɨt gu gɇꞌgɇrkam jum aaꞌndam gu puiꞌ na mɨt jax chɨi. Baꞌ tɨi bax ja tulhiiñchudam kat am, guꞌ ji nam guꞌ cham biaꞌ nam jax ji chɨꞌji ja tulhiiñchudaꞌ gɨt, nam guꞌ bɨɨx pɨx tu daan gu jaꞌtkam buiñor gu Dios nam xi ja kɇɇ, nam jix bhaiꞌ jim taatɨt nat dua guiꞌ na kax maꞌmkulhiꞌ kat. Puiꞌ dho baꞌ cham jax ji ja doodak ba ja joot jamɨt nam ba jimiaꞌ miꞌ dhɨr.