MAARKOS 16:14 - Tepehuano Tepehuán del Sureste (Durango)

¹⁴ Baꞌ mɨkkat mummu bam maax dho gi ji baꞌ gu Jesuus ja bui gu mambhɨɨx daman maaꞌn gu noonbiꞌñ, mu nam paiꞌ daraat ka tu kuaꞌ. Baꞌ pɨx am ja ñiokiꞌñ, tuꞌ sap ku baꞌ moo jaꞌp jix kaapak gu ja jujur nam baꞌ cham ja jɨɨgiꞌñ nam tɨi ja aagiꞌñ guiꞌ na mɨt bɨɨpɨꞌ dɨr tɨɨ nat giop ba dua.

MAARKOS 16:14 ပူးပေါင်းရင်းမြစ်များ

MATEO 11:20

Baꞌ bhaan bhaiꞌp ji chu aꞌga gu Jesuus gook kap na paiꞌ muiꞌ maap daaꞌñxim jir kikcham kaꞌ, miꞌ nat paiꞌ pɨk jix ioꞌm muiꞌx kɨɨꞌp jum duukam jup tu duu, guꞌ ji na mɨt guꞌ cham miꞌ puiꞌ jii na jax jix aaꞌ gu Dios. Baꞌp kaiꞌch:

MATEO 17:20

Baꞌp ja tɨtda gu Jesuus: ―Dho na pim cham bɨɨx jam jujur kɨꞌn tɨ jɨɨgiꞌñ dho buiñor guñ Gɨꞌkoraꞌ. Na guꞌ noꞌ pim bɨɨx jam jujur kɨꞌn tɨ jɨɨgiꞌñdhaꞌ gɨt buiñor, sia ku pim guꞌ panaas cham tuꞌ bhaigɨm tuꞌiiꞌ, jaꞌp na jax gu mostaasa kai na panaas cham tuꞌ bhaigɨm tuꞌiiꞌ, aañ pu jam tɨtda na sia dhi oidhaꞌ jix bhaaiꞌ na pim pu tɨɨdaꞌ na maakam jaꞌk jimiaꞌ, puiꞌ dho ji chu buusniaꞌ noꞌ pim moo tuꞌ sɨlhkam tɨ jɨɨgiꞌñ buiñor guñ Gɨꞌkoraꞌ.

MATEO 28:17

Baꞌ jotmodaꞌ pɨx mi jaꞌp bam maax ja bui, baꞌ guiꞌ mi jaꞌp ja oꞌlhia kɨꞌn xi guꞌkɨk bhaiꞌ ji chu daanɨ mɨt buiñor, sia kum guꞌ jaiꞌ cham pɨk tɨ jɨɨgiꞌñ noꞌ moo sɨlhkam jir diꞌ gu Jesuus kaꞌ baꞌ guꞌ cham.

MAARKOS 7:18

Baꞌp ja tɨtda: ―¿Aapiꞌm aa puiꞌ cham maatɨt jup tɇ kɇɇ? Jaꞌp jañ dho kaiꞌch na cham tuꞌ xidhuu noꞌ moo tu kuaꞌ pɨx gu jaroiꞌ,

LUUKAS 24:11

Guꞌ ji nam guꞌ gu noonbiꞌñ gu Jesuus cham ja jɨɨgiꞌñ nam tɨi ba ja aagiꞌñ na mɨt jax tɨ tɨɨ, jaꞌp jum aaꞌ am nam dɨɨlh jax ñam pɨx ba tɨ nɨiꞌñ.

LUUKAS 24:25

Baꞌ gu Jesuus jup ja tɨtda: ―Jam aꞌm jum aaꞌ dho na pim jix bhaiꞌ xim gaꞌngadaꞌ na jax kaiꞌñkam jup jum kaiꞌch mi uꞌuan taꞌm na mɨt tu uaꞌnak gu bɨjɨk dɨr kam.

JUAN 20:25

Baꞌ guiꞌ xi aagiꞌñ am, jup tɨtda am: ―Giop ba dua guch Gɇꞌkam tuk. Ba tɨɨ chich. Baꞌp ja tɨtda gu Tomaas: ―Chaam ji nañ tɨ jɨɨgiꞌñ nar diꞌ. Jɨɨꞌ ji noꞌ ñich moo dɨɨlh tɨɨ gu noonbiꞌñ miꞌ na paiꞌ sissapich nañ baꞌ jam jɨɨgiꞌñdhaꞌ, nañ miꞌ xi bapsadaꞌ guñ dheeꞌn miꞌ na paiꞌ tɨ dɨɨdɨꞌ gio bhaiꞌ jaꞌk janoꞌmaram na mɨt paiꞌ sɨi. Xib jañ ji chakui tɨ jɨɨꞌñdhaꞌ ji sia ku pim jax jiñ chɨtda.

JUAN 20:26

Baꞌ gatuuk xijum baik tanoolh jurniꞌñ kɨꞌn gio mɨt maap jup mam jumaap bɨɨx guiꞌ nam jɨꞌk kaichuꞌ gu Jesuus maaꞌn kap baꞌk chɨr jix bhaiꞌ xim kuupak. Janoꞌ dho gi baꞌ bɨɨx miꞌp tuꞌiiꞌ ji gu Tomaas. Baꞌ jaꞌxpɨx nam miꞌ ka tu aꞌgichuꞌ, miꞌ dhɨr jaꞌp pɨx bhaiꞌ ji ñio ja saagiꞌñ gu Jesuus, jup ja tɨtda: ―Aañ gio bha jaꞌk ɨp jiñ jaaduñ.

JUAN 20:27

Miꞌ dhɨr baꞌp tɨtda dai gu Tomaas: ―Aañ pɨx jir diꞌ na ñich giop duañ jaduuñ. Kanip xi chɨɨꞌ na dɨɨdɨꞌ guñ ñoonob miꞌ nañ paiꞌ sissapich. Miꞌp xi bapsadaꞌ gum deeꞌn nap baꞌ cham jax tɨꞌyaꞌ nar iatdaꞌ, gio yammɨni jaꞌk jap jup xi bapsadaꞌñ janoꞌm am na mɨt paiꞌñ xɨi. ¿Kaꞌ moo jaꞌp jix xijai aa nap bɨɨx jum jur kɨꞌn tɨ jɨɨꞌñdhaꞌ nañ aañ pɨx jir diꞌ na ñich giop dua?

JUAN 21:1

Baꞌ gatuuk jɨꞌkchi tanoolh jurniꞌñ kɨꞌn gio mummɨp bam maax gu Jesuus ja bui xijum gook guiꞌ nam kaichuꞌ, mummu juꞌñdharan gu gɇꞌ suudaiꞌ na Tibeeriyas tɨ tɨɨꞌ. Jaꞌpnim duu.

JUAN 21:14

Dhiꞌ kɨꞌn baꞌ bar baikim nat ja buim maax gu Jesuus guiꞌ nam kaichuꞌ janoꞌ dɨr nat muukɨk duadɨk giop bam.

GU NOONBIꞌÑ GUCH XOIꞌKAM 1:3

Gio baꞌ nat ja buim maax bɨɨx jɨꞌmaꞌn janoꞌ nat paiꞌ dhuuk muukɨk giop ba bam miꞌ dhɨr koiꞌñgaꞌn tɨr, gio baꞌ na xi ja aꞌgiꞌñ ɨp na sap giop bax kɨɨꞌ, cham tuꞌ ka muukix. Baꞌ maaꞌn masaaꞌn daman mambhɨɨx tanoolh ja bui xi oilhimɨk gio na xi chu ja aꞌgidhimɨk na jax jaꞌk ja aꞌm tɨ nɨidhidhaꞌ gu Dios.

1 KORIINTO KAM 15:5

nat miꞌ dhɨr maaꞌn kap bam maax buiñor gu Peegro, mɨkkat bɨɨx ja bui bam maax gu noonbiꞌñ.

NAT JAX TƗ TƗƗ GU JUAN 3:19

Jaꞌp jañ dho kaiꞌñkam jup jam tɨtda, na pim soiꞌm ɨlhdhai miꞌ puiꞌ ba jimiaꞌ nañ jax jix aaꞌ, chaꞌpim kam uaꞌtulhiꞌñdhaꞌ. Piam ku guꞌ cham, jam tulhiiñchudaꞌ iñ na pim jɨꞌx pɨx juugɨt soiꞌm ɨlhdhaꞌ aañ jiñ bui, nañ guꞌ tɨi xi jam joiꞌgɨꞌn. Puꞌñi jaꞌk jañ ja buaꞌt ja sɨlhkaꞌn jia guiꞌ nañ jɨꞌk jix ja daꞌ.