MAARKOS 16:13 - Tepehuano Tepehuán del Sureste (Durango)

¹³ Baꞌ guiꞌ tɨip xi boop jamɨt na mɨt ja aaꞌñdham gu jaiꞌ. Puiꞌ cham jup jɨɨgiꞌñ am.

MAARKOS 16:13 ပူးပေါင်းရင်းမြစ်များ

MATEO 28:17

Baꞌ jotmodaꞌ pɨx mi jaꞌp bam maax ja bui, baꞌ guiꞌ mi jaꞌp ja oꞌlhia kɨꞌn xi guꞌkɨk bhaiꞌ ji chu daanɨ mɨt buiñor, sia kum guꞌ jaiꞌ cham pɨk tɨ jɨɨgiꞌñ noꞌ moo sɨlhkam jir diꞌ gu Jesuus kaꞌ baꞌ guꞌ cham.

MAARKOS 16:11

Baꞌ mu ɇɇk tɨi ba ja aagiꞌñ nat giop ba dua. Tɨip ja tɨtda nat maaxik tɨɨ, pu cham jɨɨgiꞌñ am.

MAARKOS 16:14

Baꞌ mɨkkat mummu bam maax dho gi ji baꞌ gu Jesuus ja bui gu mambhɨɨx daman maaꞌn gu noonbiꞌñ, mu nam paiꞌ daraat ka tu kuaꞌ. Baꞌ pɨx am ja ñiokiꞌñ, tuꞌ sap ku baꞌ moo jaꞌp jix kaapak gu ja jujur nam baꞌ cham ja jɨɨgiꞌñ nam tɨi ja aagiꞌñ guiꞌ na mɨt bɨɨpɨꞌ dɨr tɨɨ nat giop ba dua.

LUUKAS 16:31

Baꞌ gu Abraam jup tɨtda: “Puiꞌ pɨx ɨp ji matgɨm sia kut tuꞌ maaꞌnkam muukɨk gio duadɨk mi jaꞌp jup ba kɨɨk, pɨx ji noꞌm cham tɨ jɨɨgiꞌñ nat jax tu uaꞌnak gu Moisees, gio gu jaiꞌ nam bhaankamuꞌn gu Dios tu ja aꞌgidhimɨk gu jaꞌtkam, nam guꞌ dɨɨlh cham miꞌ puiꞌ jimiik kaꞌ.”

LUUKAS 24:11

Guꞌ ji nam guꞌ gu noonbiꞌñ gu Jesuus cham ja jɨɨgiꞌñ nam tɨi ba ja aagiꞌñ na mɨt jax tɨ tɨɨ, jaꞌp jum aaꞌ am nam dɨɨlh jax ñam pɨx ba tɨ nɨiꞌñ.

LUUKAS 24:41

Guꞌ ji nam guꞌ chakui bhaiꞌ tɨ jɨɨgiꞌñ noꞌ maaxik jir sɨlhkam na jax ja tɨtda piam ku guꞌ cham. Ku guꞌ jɨꞌx bhaiꞌx bhaiꞌ jim ɨꞌlhiꞌñ am ji. Baꞌ xi ja tɨkka gu koiꞌ noꞌm cham biaꞌ na sap baꞌ ja nɨiꞌñchudat tu jugiaꞌ nam baꞌx ioꞌm ba jɨɨgiꞌñdhaꞌ nar diꞌ pɨx, jup ja tɨtda: ―¿Chaꞌpim iam biaꞌ tuꞌ koiꞌ nañ xi chu jugiaꞌ? Am jix bhioꞌ iñ.

JUAN 20:25

Baꞌ guiꞌ xi aagiꞌñ am, jup tɨtda am: ―Giop ba dua guch Gɇꞌkam tuk. Ba tɨɨ chich. Baꞌp ja tɨtda gu Tomaas: ―Chaam ji nañ tɨ jɨɨgiꞌñ nar diꞌ. Jɨɨꞌ ji noꞌ ñich moo dɨɨlh tɨɨ gu noonbiꞌñ miꞌ na paiꞌ sissapich nañ baꞌ jam jɨɨgiꞌñdhaꞌ, nañ miꞌ xi bapsadaꞌ guñ dheeꞌn miꞌ na paiꞌ tɨ dɨɨdɨꞌ gio bhaiꞌ jaꞌk janoꞌmaram na mɨt paiꞌ sɨi. Xib jañ ji chakui tɨ jɨɨꞌñdhaꞌ ji sia ku pim jax jiñ chɨtda.

JUAN 20:8

Baꞌ gu jumai na puiꞌp kaichuꞌ gu Jesuus nat bɨɨpɨꞌ miꞌ ai, jaiꞌ muiꞌp ji baa dɨꞌn kɨr nat ji chɨɨgɨk gu Peegro nat mɨrdat mɨjɨmmɨ ji baa. Mɨjɨmmɨ baakɨk jix bhaiꞌ mi jaꞌp xi chɨ nɨnɨiꞌñ ɨp jaiꞌ, moo guꞌ maaxik ji na dai gu jajannulhiꞌñ pɨx mi bɨɨt na kɨꞌn bhiibgich gu tukgaꞌn gu Jesuus. Baꞌ pu tɨ jɨɨꞌñ nat sɨlhkam duadɨk giop bam miꞌ dhɨr, puiꞌ xim aaꞌ na cham tuꞌ paiꞌ ka muukix.