MAARKOS 14:27 - Tepehuano Tepehuán del Sureste (Durango)

²⁷ Guꞌ ji na guꞌ na mɨt baas ba ji bhɨi, jup ja tɨtda gu Jesuus: ―Yaꞌ moo mam ai nam kuugalhdhaꞌ na jax tu uaꞌñix mi uꞌuan taꞌm nap jum kaiꞌch: “Muꞌaaꞌ am gu bipiaꞌdam, baꞌ gu kakasnir jum jɨꞌdɨlhkadai pɨx chaꞌtak boopoyaꞌ am jɨꞌmaꞌn.” Baꞌ dhiꞌ na puiꞌ jɨꞌ tu uaꞌñix, aapiꞌm jam aagɨt puiꞌ jaꞌk jum kaiꞌch, na pim pu jiboiꞌñgiaꞌ xib dhi tukaaꞌ nam bañ dhagiaꞌ guiꞌ nam bha ja jootsaꞌ gu gɇꞌgɇrkam jum aaꞌndam. Na guꞌ cham tuꞌ dai nam jiñ kuupaꞌ pɨx, guꞌ jaꞌpji nam pu tu chiñiaꞌ nam jiñ muꞌaaꞌ.

MAARKOS 14:27 ပူးပေါင်းရင်းမြစ်များ

MATEO 11:6

Jaꞌp moo joidham jix bhaiꞌ tu jimiaꞌ gu jaroiꞌ noꞌ pu gammɨjɨ tɨ jɨɨgiꞌñ aañ jiñ bui.

MATEO 26:31

Guꞌ ji na guꞌ gama jaꞌk nam ba jiimchuꞌ, jup ja tɨtda gu Jesuus gu noonbiꞌñ: ―Jaꞌxñi tukaaꞌ pu bɨɨx ji boiꞌñgiaꞌ pim nam paiꞌ dhuuk jiñ dhagiaꞌ guiꞌ nam jiñ oꞌbhagiꞌñ nam tu chiñiaꞌ nam jiñ muꞌaaꞌ. Na guꞌ puiꞌ jaꞌk jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix na jaꞌpni muiꞌ jim kɨksa: “Muꞌaaꞌ iñ gu bipiaꞌdam, baꞌ gu kakasnir naiꞌ pɨx taꞌtak boopoyaꞌ am.”

JUAN 16:1

’Pu xib dɨr jañ moo xi jam aagiꞌñ bɨɨx dhiꞌ puiꞌ na pim baꞌ gammɨjɨ tɨ jɨɨꞌñdhat aañ jiñ buix biiñak kaꞌ, na pim baꞌ cham buimuk gu maaxdhi jix oodai cham tuꞌ kap jum buixdhaꞌ.

JUAN 16:32

Pu ka gɨt na pim xiib yaꞌ dɨr pɨx chaꞌtak boopoyaꞌ nam paiꞌ dhuuk bhaiꞌ jiñ bhɨipuꞌ guiꞌ nam jiñ oꞌbhagiꞌñ, dɨɨlh japim dho yaꞌ xiñ bua ji. Ku baꞌ guꞌ guñ Gɨꞌkoraꞌ yaꞌp tuiꞌñgɨdaꞌ ji na guꞌñ aꞌm tɨ nɨidhim, aapiꞌm guꞌ pu paiꞌ ji na pim jaꞌk boopoyaꞌ jix oꞌñchixim, sia ku pim guꞌ xib yaꞌx baabuiꞌm kaiꞌch.

2 TIMOTEO 4:16

Pu cham jaroiꞌñ palhbui janoꞌ na mɨt jax jiñ iattulh gu jaꞌtkam ja bui gu gɇꞌgɇrkam. Dɨɨlh na ñich jiñ palhbui, na mɨt guꞌ bɨɨx jaꞌp xiñ dhuuk nach jɨꞌk tɨi maap jich dhaaꞌñchugɨt. Iam gɨt dhiꞌ bhaan cham tuꞌp jum buixiꞌñdhaꞌ gu Dios.