MAARKOS 14:22 - Tepehuano Tepehuán del Sureste (Durango)

²² Baꞌ miꞌ puiꞌ nam tu kuaꞌ, nat jax dhaa ɨp gio gu Jesuus jaiꞌ gu paan, xi chu taxchaabgidhak jix dhaam jaꞌk taꞌtak xi jaisaidhat pɨx muiꞌ ji ja maa gu noonbiꞌñ, jup ja tɨtda: ―Dhiꞌñi pim pup muiꞌ xi jugiaꞌ, na guꞌ dhiꞌr jiñ chuukuꞌ.

MAARKOS 14:22 ပူးပေါင်းရင်းမြစ်များ

MATEO 14:19

Baꞌ xi ja chia gu jaꞌtkam nam mi jaꞌp xi dharaibuꞌ saiꞌ dhaam, baꞌ xi dhaagɨk gu paan jix dhaam jaꞌk xi chɨ tɨɨgɨk xi chu taxchaabgi buiñor gu Dios. Miꞌ dhɨr baꞌ dai nat pɨx taꞌtak muiꞌ ji ja maa gu noonbiꞌñ, guiꞌ baꞌ miꞌ dhɨr pɨx mu jaꞌk jup ji ja maa mɨt gu jaꞌtkam.

MAARKOS 10:16

Daipuꞌ xi ja tɨɨdak, miꞌ dhɨr baꞌ dai na jax ja daꞌngɨ gu aꞌaalh, muiꞌ xi chu aꞌga ja aꞌmkam jix dhaam jaꞌk.

MAARKOS 14:21

Jir am kat na pu cham jaiꞌch kaꞌ gɨt gu jaroiꞌ na maaxik jiñ kɨɨsaꞌ nam boiñ bhɨichdhaꞌ. Tɨix joiꞌgɨꞌñ iñ, na guꞌ giilhim jum tulhiiñaꞌ maaxik xiñ kɨɨsai. Ku baꞌ guꞌ dhiꞌ miꞌ pɨx puiꞌ ba jimdaꞌ ji, na bhaan pɨx jum kuugalhdhaꞌ na jax jum kaiꞌch mi uꞌuan taꞌm gu ñioꞌkiꞌñ gu Dios, na puꞌñi jaꞌk jiñ dhoodaꞌ am aañ nat bhañ joot.

MAARKOS 14:23

Gio baꞌ maaꞌn miꞌ dhɨr jaꞌp bhaiꞌp ji bhɨi gu alhiꞌch jaꞌaa na mi suuꞌntuꞌ gu biiñ guiꞌ na uubas kɨꞌn jup duñiix, baꞌ mu jaꞌk xi ja maakak xi ja chia nam iꞌyaꞌ. Baꞌ guiꞌ bhaiꞌp xi ii mɨt jɨꞌmaꞌn kaam.

MAARKOS 14:24

Na mɨt xi iꞌchuk baꞌp ja tɨtda: ―Dhiꞌ na pimɨt tu ii, dhiꞌr jiñ ɨꞌɨɨr na kɨꞌn xib dɨr maakam aagix kaꞌ na jax jaꞌk jix aaꞌ guñ Gɨꞌkoraꞌ nam miꞌ puiꞌ jiimdaꞌ gu jaꞌtkam, na guꞌ ka mɨlhiaꞌ guñ ɨꞌɨɨr na baꞌ tu namkix kaꞌ gu ja uaꞌtulhdharaꞌ, na baꞌx bhaiꞌ tu ja jimiaꞌ.

MAARKOS 6:41

Baꞌ gu Jesuus nat jax dhaa gux chamaam gu paan gio gu gook gu boptop, jix dhaam jaꞌk xi chɨ tɨɨgɨk xi chu taxchaabgidhak pɨx muiꞌ ji ja maa gu noonbiꞌñ taꞌtak jaisaidhat, baꞌ guiꞌ miꞌ dhɨr naiꞌp ji ja maa mɨt gu jaꞌtkam. Na mɨt paiꞌ bɨɨx xi ja maakak gu paan, gio gu boptop naiꞌp ji ja maa mɨt.

LUUKAS 22:17

Baꞌ xi dhaagɨk gu alhiꞌch jaꞌaa na mi jim gu biiñ guiꞌ na uubas kɨꞌn jup duñiix, xi chu taxchaabgi buiñor gu Dios jix dhaam jaꞌk. Miꞌ dhɨr baꞌ mu jaꞌk xi ja bhɨiꞌñ gu noonbiꞌñ jup xi ja tɨɨdak: ―Dhiꞌñi pim jɨꞌmaꞌn kaam xi iꞌyaꞌ bɨɨx.

LUUKAS 24:30

Baꞌ nam miꞌ ba daraa na paiꞌ tum kuaꞌ na mɨt ba ji chu juu gu jurnɨk kam, gu Jesuus maaꞌn xi dhaagɨt gu paan xi chu taxchaabgidhak buiñor gu Dios ɨrban jaiñak muiꞌ xi ja maa.

JUAN 6:23

Baꞌ moo ampɨk jaiꞌ gama jaꞌk jup ba ai mɨt gu jaꞌtkam kaknub taꞌm nam mu dɨr jaꞌk jiim Tibeeriyas, nar miaꞌn bhaiꞌ dhɨr oidhaꞌ juraab na paiꞌx kotboraꞌ, nat paiꞌ xi chu taxchaabgidhak gu Jesuus nat tu ja maa gu jaꞌtkam.

1 KORIINTO KAM 10:4

Gio gu suudaiꞌ gux dhaam kam bɨɨx maap ii mɨt ɨp, maaꞌn aꞌaiꞌ chaꞌm dɨr bubua nam giilhim bax chanook. Baꞌ gu aꞌaiꞌ guiꞌ nat bhaan dɨr bubua gu suudaiꞌ, jir diꞌ pɨx guch Xoiꞌkam na pu ja oiꞌñ janoꞌ.

GALAASIA KAM 4:25

Sia guiꞌ nam jɨꞌk Jerusaleen oiꞌdhaꞌ xib, na Judea bhaan bipioꞌ gu dɨbɨɨr, nam guꞌ dhiꞌ sia pui miꞌ puiꞌp tu daaꞌñchuꞌ nat jɨꞌk jax tɨɨdak gu Dios gu Moisees na tu aagix kaꞌ janoꞌ nat ñioꞌki bhaan gu oidhaꞌ na Sinaii tɨɨꞌ, na Araabia bhaan jup bipioꞌ guiꞌ gu dɨbɨɨr.