MAARKOS 13:8 - Tepehuano Tepehuán del Sureste (Durango)

⁸ Bɨɨx aixim ka xi chum duñiaꞌ ji matgam. Bhaiꞌ ji bhaakuꞌ am gu jaꞌtkam gɇꞌgɇr kikcham dɨr ja bui gu jaiꞌ na puiꞌp jir gɇꞌgɇr kikcham kaꞌ, jum kokdaꞌ am, jum mamaꞌyasaꞌ am. Gio na joñiaꞌ dhi oiꞌñgaꞌn muiꞌ kap, gio baꞌ na bhiogiꞌ jimiaꞌ. Ku guꞌ dhiꞌ na bhaan pɨx ba pup xi chum tulhiiñdhaꞌ ji, na bhaan jix maatɨꞌ kaꞌ na ba tum kuugalhdhidhaꞌ.

MAARKOS 13:8 ပူးပေါင်းရင်းမြစ်များ

MATEO 24:8

Ku baꞌ guꞌ dhiꞌ na bhaan pɨx jix maatɨꞌ kaꞌ ji na ba miamlhidhaꞌ na paiꞌ dhuuk pɨk tum kuugalhdhaꞌ yaꞌ dhi oiꞌñgaꞌn bhaan.

MAARKOS 13:7

’Guꞌ noꞌ moo bar miaꞌn, puiꞌ ba tɨ kaayaꞌ pim ji na jɨgialhchaꞌ miꞌ paiꞌ na pim jup tuiꞌkaꞌ piam maakam jaꞌk. Ku baꞌ guꞌ aapiꞌm cham jax jum aaꞌndaꞌ ji, na guꞌ dhiꞌ puiꞌ ji chu buusniaꞌ sia pɨk jax kaꞌ gɨt, giilhim jix buam tum buidhaꞌ, ku guꞌ chakuir dhiꞌ kaꞌ ji na paiꞌ dhuuk pɨk tum kuugalhdhaꞌ.

MAARKOS 13:9

Jaꞌpni baꞌ moop ja tɨtda: ―Moo pim cham jum oꞌjolhdhat tɨ jɨɨgiꞌñdhaꞌ aañ jiñ bui. Nam guꞌ jam daꞌngɨi jam uꞌji jam gɨɨꞌbiaꞌ gu tutpilh mu jaꞌp nam paiꞌ jax tu chichiopiꞌ kaꞌ. Gio nam mu jam uiꞌkaꞌ nam paiꞌ darkaꞌ gux kakaiꞌ gio jaiꞌ ja bui gu gɇꞌgɇrkam jum aaꞌndam, miꞌm baꞌ bhaiꞌ ji jam tɨkkaꞌ noꞌr sɨlhkam na pim tɨ jɨɨgiꞌñdhaꞌ aañ jiñ bui.

GU NOONBIꞌÑ GUCH XOIꞌKAM 11:28

Baꞌ maadɨt na Agaabo tɨɨꞌ, na puiꞌ jaꞌk jurtuꞌn gux Dhuuduꞌ kam jix Uañ Iiꞌmdaꞌ, jup kaiꞌch mi jaꞌp ji kɨkbok na sap gatuuk muiꞌ kap bhiogiꞌ ka jimiaꞌ. Baꞌ gatuuk puiꞌ ji chu buus na jax ba kaiꞌch, baꞌ janoꞌ pɨk puiꞌ tum duu na paiꞌ dhuuk gu Klaudio jir gɇꞌkam kaꞌ bhammɨ dɨr Rooma.

1 TESALOONIKA KAM 5:3

Nam paiꞌ dhuuk gu jaꞌtkam jup kaiꞌchdhaꞌ: “Jaꞌp moo joidham cham tuꞌ jax jum bua xib, joidham jix bhaiꞌ tuch jim”, baꞌ jotmodaꞌ cham jum ɨlhdham pɨx ja daam ba jimiaꞌ gux buam jum duukam, jaꞌp tu ja doodaꞌ na jax maaꞌn gu ubii na bax chɨɨgim kaꞌ gu alhii nax ioꞌm joiꞌmdam jum buadaꞌ. Pu cham bhaaiꞌn kaꞌ nam jax dhuim palhbuidhaꞌ.

NAT JAX TƗ TƗƗ GU JUAN 6:4

Baꞌ na ñich muiꞌ xi chɨ tɨɨ, maadɨt mu jaꞌk jup kɨɨk gu maaꞌnkam jix bɨꞌ kabai chaꞌm. Baꞌ maaꞌn xi maa mɨt gu tɇb kuxiir na bɨxxik dɨr jix muꞌmuk, gio baꞌ na mɨt xi chia na ja kokdhichdhaꞌ gu jaꞌtkam bɨɨx kap na jɨꞌx oiꞌñgaꞌn na puiꞌ jaꞌk tu duñiaꞌ nam dɨɨlh pɨx bhaiꞌ jim kokdaꞌ, nam cham maaꞌn ñiꞌook kap duukaꞌ.