MAARKOS 13:32 - Tepehuano Tepehuán del Sureste (Durango)

³² ’Ku baꞌ guꞌ dhiꞌ cham maatɨꞌ ji na paiꞌ dhuuk pɨk puiꞌ tum duñiaꞌ, na guꞌ dai dɨɨlh guñ Gɨꞌkoraꞌ nat tu dai na puiꞌ tum duñiaꞌ. Cham maat am gu noonbiꞌñ, sia kum bhammɨp tuꞌiiꞌx dhaam, ni aañ kuñ cham maat nañ jir Maraaꞌn, dai guiꞌ dɨɨlh nax maat.

MAARKOS 13:32 ပူးပေါင်းရင်းမြစ်များ

MATEO 25:13

’Baꞌ aapiꞌm puꞌñi cham kooksɨt darkaꞌ ―jup ja tɨtda gu Jesuus―, na pim guꞌ puꞌñi cham mat kaꞌ nañ paiꞌ dhuuk bha jimdaꞌ yaꞌ dhi oiꞌñgaꞌn bhaan aañ nañ xib bhaankam yaꞌ oirɨ guñ Gɨꞌkoraꞌ.

MATEO 25:19

’Baꞌ mɨkkat jix ioꞌm muiꞌ jurniꞌñ kɨꞌn gio miꞌp ba ai gu ja gɇꞌkam tuk dhiꞌ dhi tujuandam, baꞌ giop ba tu ja joochxi nam sap mu uaꞌtulhiꞌñdhaꞌ gu tumñigaꞌn na baꞌ tu jaꞌkɨlhdhaꞌ na mɨt jɨꞌk miꞌ ba buusaiꞌ nam kɨꞌn tu juan.

MATEO 25:6

Nammɨx ioꞌm ɨraab tukaaꞌ nat baꞌ puiꞌ ba tɨm tɨi, jup tum kaiꞌch: “Xib baꞌ bhaiꞌ ba jim gu biapmaꞌ guiꞌ na yaꞌm tɨɨmoꞌ. Muiꞌ gor xi ñamkibop.”

MAARKOS 13:31

Dai dhi oiꞌñgaꞌn nam tɨɨmuꞌ gio gux dhaam, guꞌ guñ ñiꞌook cham jɨꞌxkat jum tɨɨmuꞌ ji.

GU NOONBIꞌÑ GUCH XOIꞌKAM 1:7

Baꞌ gu Jesuus jup ja tɨtda: ―Cham jam aꞌm jum aaꞌ ji na pim moop jix mat kaꞌ na paiꞌ dhuuk puiꞌ tu duñiaꞌ guñ Gɨꞌkoraꞌ, na guꞌ dai guiꞌ noꞌt puiꞌ ba tɨi na baꞌ puiꞌ tum duñiaꞌ.

2 PEEGRO 3:10

Ku baꞌ guꞌ na paiꞌ dhuuk jum aayaꞌ na bha jimdaꞌ gu Gɇꞌkam jich Xoiꞌkam, yaꞌ pɨx ji na ba kɨɨkaꞌ cham jum ɨlhdham, cham jaroiꞌ mat kaꞌ na jax chuꞌm tanoolh. Jaꞌpni na jax baꞌ gu jax chuꞌm jix ɨxkum noꞌ paiꞌ bax chɨ ɨɨxdham baꞌk chɨr na guꞌ pu cham aagiꞌñdhaꞌ gu mi kiokam, miꞌ pɨx ba bakiaꞌx xɨꞌlhim. Puꞌñi jaꞌk jup ji buusniaꞌ guch Xoiꞌkam na paiꞌ dhuuk bha jimdaꞌ, dai na jotmodaꞌ pɨx giilhim ba tɨm tɨꞌyaꞌ. Baꞌ pu cham paiꞌ matgilhiaꞌ dhix dhaam, gio gu chiichiaꞌ bhaiꞌ naiꞌ ji mɨɨyaꞌ gam guiꞌ na jɨꞌk tuꞌ bha jaꞌp tu daraa. Gio dhi oiꞌñgaꞌn bɨɨx pu mɨɨyaꞌ maaꞌn jimdam bɨnkam gu tuꞌ na yaꞌx chu jaiꞌch, na guꞌ janoꞌ bar bhaan kaꞌ na paiꞌ dhuuk ja aagiꞌñdhaꞌ gu Dios gu jaꞌtkam nam tuꞌ jax buimɨi nam duduakat ja tutkuꞌ bhaan.

NAT JAX TƗ TƗƗ GU JUAN 1:1

Bɨɨx na jɨꞌk jax yaꞌ tu uaꞌñix dhi uꞌuan taꞌm, yaꞌch aagiꞌñ gu Jesuus jich Xoiꞌkam nach jɨꞌk ba kaichuꞌ na jax tum duñiaꞌ gatuuk, puiꞌ na jax jaꞌk jup mattuꞌn gu Dios. Baꞌ guch Xoiꞌkam mu joot maadɨt gu nobiiꞌñ gu Dios mummu buiñor gu tujuandam tugiꞌñ Juan na sap baꞌ mattudaꞌ na jɨꞌk jax tum duñiaꞌ gatuuk.

NAT JAX TƗ TƗƗ GU JUAN 3:3

Siamri pim moo miꞌ puiꞌ xi jimɨi na jɨꞌk jax jix aaꞌ gu Dios, jaꞌp na pim jax jaꞌk tuiꞌñgɨt moo janoꞌ na pimɨt jax tɨ jɨɨꞌñ aañ jiñ bui na pim joidham bɨɨx jam jujur kɨꞌn tuꞌ kaꞌm jiñ ñɨidhat. Soiꞌ pim bam ɨlhdhaꞌ ɨp gio, chaꞌpim kooksɨt darkaꞌ. Na guꞌ noꞌ pim aapiꞌm cham tuꞌp jum buixdhat am ɨrdat oipo, cham tuꞌ jam baidhikaꞌ iñ bhammɨ jaꞌk nat paiꞌ tu jam iimchuda gu Dios na saak jam aichdhaꞌ, nañ guꞌ aañ jotmodaꞌ pɨx miꞌ pɨx ba kɨɨkaꞌ cham jum ɨlhdham nañ paiꞌ dhuuk mu jimdaꞌ. Pu cham jaroiꞌ mat kaꞌ na paiꞌ dhuuk, jaꞌp na jax baꞌ gu jax chuꞌm jix ɨxkum paiꞌ noꞌt ba tu oꞌbhaiꞌ jax chuꞌm baꞌk chɨr na tɨ ɨɨxdhaꞌ, na guꞌ cham tuꞌ na mu paiꞌp ja aagiꞌñdhaꞌ gu mi oiꞌñkam, miꞌ pɨx ba bakiaꞌ. Puꞌñi ɨp baꞌ aañ nañ paiꞌ dhuuk mu jim.